Knisja tal-poplu jew ta’
minoranza pura?
Benedittu XVI u l-Kardinal Bergoglio dwar Knisja tal-poplu jew
ta’ minoranza pura?
Il-Kardinal Bergoglio u Isqfijiet oħra
mill-Arġentina kienu taw odnijiet lill-kleru tagħhom biex lil
dawk li juru x-xewqa li jitgħammdu, għandhom jgħammduhom anke
jekk dawn ma jkunux Kattoliċi prattikanti. “Aħjar Knisja
tal-poplu milli Knisja tal-puri”.
Dan kien rapurtat minn Sandro Magister f’artiklu
tiegħu fit-30 ta’ Novembru 2009 fis-sit elettroniku
www.chiesa.espressonline.it. Huwa jgħid li sa mill-2002,
id-djoċesi ta’ Buenos Aires kienet diġà publikat
rakkomandazzjonijiet urġenti lill-kappillani biex il-Magħmudija
ma tinżammx la lit-tfal u lanqas lill-adulti jekk dawn juru x-xewqa
li jkunu mgħammda.
F’intervista li kien ta lill-magazin
internazzjonali “30 Days”, il-Kardinal Bergoglio kien qal li s-sagramenti
huma għall-ħajja tal-irġiel u n-nisa kif huma. Dawn mhumiex
kapaċi jagħmlu diskorsi kbar, imma s-sensus fidei tagħhom
jaħfen ir-realtà tas-sagramenti b’mod aktar ċar minn ħafna
speċjalisti.
L-artikolista kien kiteb li din hija parti minn
argument antik bejn dawk li jħarsu lejn il-Knisja bħala waħda
tal-elite, minoranza pura, jew Knisja tal-massa, mimlija
wkoll b’dak il-baħar immens ta’ bnedmin li għalihom
il-Kristjaneżmu jikkonsisti minn ħwejjeġ sempliċi.
Anke
l-Papa Benedittu jaqbel ...
Fis-6 ta’ Awwissu 2006, waqt laqgħa mal-kleru ta’
Bressanone, il-Papa Benedittu XVI kien qal, “Meta kont
iżgħar kont aktar sever. Kont ngħid: Is-sagramenti huma
sagramenti tal-fidi, u fejn mhemmx fidi, fejn mhemmx prattika ta’
fidi, allura dawn ma jistgħux ikunu mogħtija. Biż-żmien
irrealizzajt li aktar għandna nimxu fuq l-eżempju tal-Mulej, li
kien miftuħ ħafna man-nies emarġinati ta’ Iżrael ta’ żmienu.
Kien Mulej ta’ ħniena, miftuħ ħafna mal-midinbin, jilqagħhom jew
iħallihom jistednuh għall-ikel magħhom, jiġbidhom lejh f’għaqda
miegħu.”
Ara l-artiklu kollu ⇨
|