PAWLU VI UDJENZA ĠENERALI L-Erbgħa, 12 ta' April, 1978
Il-Knisja: komunitą li titlob u temmen
Għeżież uliedi! Meqjumin ħuti! Mnejn ġejjin? Ħalluna nagħmlu mistoqsija li żgur m'għandhiex l-għan li tinnega l-parentela spiritwali, mistika u reali tas-sħubija beata tagħkom mal-Knisja t'Alla, mal-familja ta' Kristu, ta' bejnietna, li fiha ngħixu, u anzi, li tagħha, ħafna minnkom, ħuti dedikati għall-Knisja, tagħtu xhieda mdawla u eżemplari; mistoqsija li tagħraf ir-realtą profana tas-soċjetą, li lkoll kemm aħna mgħaddsin fiha, u li fil-mod ta' kif tesprimi ruħha kultant mhux biss tingħażel mill-Knisja, imma tinqata u tiddikjara li hi suffiċjenti fiha nfisha, u f'ċerti affermazzjonijiet hi wkoll ostili u għadu. Dawn l-affermazzjonijiet nafuhom sewwa tant illi ħallew tifkira morra mnaqqxa fl-ispirtu tagħna; tifkira aggressiva u radikali, li tqis ruħha kontestazzjoni li bl-ebda mod ma tista' tmeriha: il-Knisja, għaliex? Mentalitą lajka, għamja, li ma tirraġunax, opprimenti: il-Knisja llum mhix żejda? Issa mhix ħaġa bla sens għall-bniedem modern? Id-dota taċ-ċiviltą tagħha issa mhux antikwata, għaddha żmienha, ingombranti għaċ-ċiviltą taż-żminijiet il-ġodda? Uliedi u ħuti, intom u deħlin f'din id-dar fejn leħen is-sekli l-imgħoddija donnu jidwi aktar qawwi minn dak tas-seklu t'issa, qiegħdin iġġorru fikom dil-psikoloġija ta' tbarrija, li, minnu, iżżomm ħajja l-kurżitą tal-frustier, tat-turista, ta' min josserva għal gost ta' mument imma li fil-fond ta' qalbu tħallih indifferenti lejn id-dinja reliġjuża, li hawnhekk mhix biss rappreżentata imma hija ħajja, irridu ngħidu l-Knisja rebbieħa fiż-żmien? Forsi dad-diskors tagħna hu xi manuvra mhux f'waqtha; iżda mhux irriverenti u anqas u anqas żejjed. Dad-diskors irid jistimula l-attenzjoni tagħkom, li żgur mistagħġbin bl-ammirazzjoni lejn l-ambjent monumentali, artistiku, storiku u, fuq kollox, reliġjuż, li tinsabu fiha bħalissa, biex twieġbu b'aktar profonditą dil-mistoqsija li żgur diġą tinsab fi qlubkom: X'inhi l-Knisja? Iva, għamlu dil-mistoqsija li teħtieġ bosta tweġibiet; u imxu fuq l-aktar manjiera faċli biex tfasslu xi tweġiba, il-manjiera li Ġesł Kristu stess kien ta lil min kien qed jopponih: "Jekk ma temmnux lili tal-anqas emmnu l-għemejjel" (Ġw 10,8). Bħala dixxipli esterjuri, kif inqisu lilna nfusna issa, ippermettulna nagħmlu distinzjoni bejn il-kwistjonijiet li jolqtu l-Knisja minn żewġ aspetti: X'inhi? X'tagħmel? Għalissa mhux se nistudjaw l-ewwel waħda għax dik tesiġi tweġiba dottrinali, teoloġika li ftit jew wisq ilkoll nafuha, imma li żgur mhix sempliċi u qasira; "Il-Kredu" joffrilna biżżejjed x'nistudjaw u nagħrfu. Issa se nitfgħu l-attenzjoni tagħna fuq it-tieni kwistjoni: X'tagħmel il-Knisja? It-tweġiba żgur li hi aktar ħafifa għax nistgħu nisiltuha minn elementi li nosservaw b'għajnejna. Allura ħa naraw: x'tagħmel il-Knisja? L-ewwel tweġiba li se nieqfu dwarha hi meraviljuża, imma immensa daqs oċejan: il-Knisja titlob! L-ewwel xogħol tagħha, l-ewwel dmir tagħha, l-ewwel għan tagħha huwa t-talb. Ilkoll nafuh dan. Imma ppruvaw agħtu definizzjoni ta' dan l-att speċifiku propju tal-Knisja, u tindunaw x'immesitą, xi profonditą xi ġmiel iġib miegħu t-talb. It-talb hu l-ewwel "raison d'etre" operattiv tal-Knisja. Ismu nnifsu jiddefinixxi l-Knisja; forsi dan it-terminu Knisja mhux imnissel minn dak tal-miġemgħa li titlob? U l-kelma Knisja forsi mhix l-istess kelma li tfisser il-binja fejn jiltaqgħu l-fidilli biex jitolbu? U l-Knisja forsi mhix soċjetą reliġjuża li r-"raison d'etre" tagħha jinsab fil-kult ta' Alla? (Cfr. S. Tumas: Summa Theologiae, II-IIę). It-talb kollu fih innifsu ma jimplikax il-kunċett tal-ħajja, filosofija tal-għajxien, li bih jintgħarfu l-bnedmin fl-ewwel kategorija fundamentali, propju dik reliġjuża? U liema kienet l-ewwel affermazzjoni tal-Konċilju ta' ftit ilu? Mhux dik tal-Liturġija? U x'inhi l-Liturġija jekk mhux il-kult pubbliku tal-Knisja? Il-leħen komunitarju tagħha li jdur lejn il-misteru ta' Alla Missier, bil-mdejazzjoni ta' Kristu, fl-Ispirtu s-Santu? L-attivitą kollha tal-Knisja ma tintemmx fil-Liturġija, daqskemm ukoll mhix biss espressjoni tal-ilħna singoli tal-fidili, li jibqgħalhom id-dmir u l-possibbiltą li jidħlu fi djalogu personali ma' Alla (Cfr Sacrosanctum Concilium, 13). Dad-diskors jista' jibqa' għaddej bla ma jasla fit-tmiem. Imma dawn il-ftit osservazzjonijiet ta' malajr huma biżżejjed biex itukom l-ewwel stampa tal-Knisja: dik ta' umanitą li titlob, illi allura, temmen, li togħla biex ittir fuq id-dinja, li tkanta, li tibki, li timplora u tixtieq, u tifrex il-ħila infinita tagħha biex issib ix-xenqa tas-sema, id-direzzjoni tagħha u l-qawwa biex timxi l-vjaġġ fid-dinja kif mistħoqq. Hekk ikun għalina lkoll. Bil-Barka Appostolika tagħna.
Miġjuub għall-Malti mit-Taljan minn Joe Huber
|