Aktar mill-Papa Ġwanni Pawlu II
...
|
PELLEGRINAĠĠ APOSTOLIKU FIL-POLONJA
QUDDIESA
OMELIJA TAL-QDUSIJA TIEGĦU ĠWANNI PAWLU II
Nowy Targ, 8 ta’ Ġunju 1979
1. “Mill-baħar Baltiku
sal-Qċaċet muntanjużi...”. Sal-qċaċet tat-Tatra.
Fil-pellegrinaġġ tiegħi
tul il-Polonja illum għandi l-okkażjoni li noqrob lejn propju dawk il-muntanji,
propju dawk ta’ Tatra li għal sekoli sħaħ jikkostitwixxu l-fruntiera tan-nofsinhar
tal-Polonja. Kienet din il-fruntiera l-iktar magħluqa u l-iktar irranġata u, fl-istess
ħin, l-iktar miftuħa u amikevoli. Tul din il-fruntiera kienu jgħaddu t-toroq
lejn il-ġirien, lejn il-bogħod. Saħansitra matul l-aħħar okkupazjoni dawn
il-passaġġi kienu l-iktar mirfusa mir-refuġjati fi triqthom lejn in-Nofsinhar,
biex ifittxu li jilħqu mbagħad l-eżerċitu Pollakk, li kien jikkumbatti
għal-libertŕ ta’ Art Twelidu ‘il hemm mill-fruntieri tagħha.
Nixtieq insellem bil-qalb
kollha lil dawn il-postijiet li magħhom kont marbut b’mod intimu. Barra minn dan
nixtieq insellem lil dawk kollha li ġew kemm minn Podhale kif ukoll mill-Precarpazi,
mill-arċidijoċesi ta’ Krakovja u wkoll minn iktar ‘il bogħod: mid-dijoċesi ta’
Tarnów u ta’ Przemysl. Ippermettuli nirreferi għar-rabta antika ta’ viċinat u li
nsellem lil kulħadd, hekk bħal ma kont is-soltu nagħmel, meta kont metropolita
ta’ Krakovja.
2. Hawn, f’dan il-post,
nixtieq nitkellem, dwar l-art Pollakka, sabiex hi tirrivela ruħha hawn b’mod
partikolari sabiħa u għanja bil-passaġġi. Il-bniedem jinħtieġ is-sbuħija tan-natura
u għalhekk mhemmx biex wieħed jistagħġeb li hawn jiġu nies minn kull parti
tal-Polomja u minn barra l-pajjiż. Jiġu kemm fis-Sajf kif ukoll fix-Xitwa.
Ifittxu l-mistrieħ. Jixtiequ jerġgħu jsibu lilhom infushom fil-kuntatt man-natura.
Jixtiequ jerġgħu jakkwistaw l-enerġiji tagħhom permezz tal-eżerċizzju fiżiku li
jagħti s-saħħa tal-mixi, tat-tlugħ, tat-tixbit, tal-inżul bil-“skis”.
Danir-reġġjun ospitali huwa wkoll art ta’ xogħol pastorali kbir, għaliex hawn n-nies
tiġi mhux biss biex isaħħaħ il-forzi fiżiċi imma wkoll dawk spiritwali.
3. Din l-art sabiħa hija
fl-istess ħin art diffiċli. Imġebbla, muntanjuża. Mhux tant fertili
bħall-pjanura tal-Vistola. U għalhekk tippermetti propju din l-art tal-
Precarpazi u tak-Pretatra li nirreferi għal dak li dejjem kien hekk għażiż għal
qalb il-Pollakki: l-imħabba għall-art u għax-xogħol tar-rebŕ. Ħadd ma jistŕ
jinnega li dan jirrapreżenta mhux biss sentiment, rabta effettiva, imma problema
kbira ekonomika-soċjali. Dawn il-partijiet ta’ hawn jafu sewwa b’mod partikolari
l-problema, għaliex propju minn dawn il-postijiet, fejn kien hemm l-ikbar nuqqas
ta’ art koltivabbli u kultant miżerja kbira, in-nies kienet temigra fil-bogħod,
‘il hemm mill-Polonja, ‘il hemm mill-Oċean. Hemm kienu jfittxu x-xogħol u l-ħobż
u kienu jsibuhom. Nixtieq illum ngħid lil dawk kollha li jinsabu nferrxin fid-dinja,
fi kwalunkwč post li jinsabu fih: “Szczesc Boze”: Alla jgħinkom! Tinsewx lill-Art
Twelidkom tal-oriġni, il-familja, il-Knisja, it-talb u dak kollu li ħadtu minn
hawn.
Għaliex minkejja li
kellhom jemigraw minħabba n-nuqqas ta’ ġid materjali, bdanakollu huma ħadu
magħhom, minn hawn, patrimonju spiritwali kbir. Jalla jieħdu ħsieb li, waqt li
jistagħnew materjalment, ma jiftaqrux spiritwalment: la huma, la wliedhom u
linqas in-nepputijiet.
Dan huwa d-dritt kbir u
fundamentali tal-bniedem: dritt għax-xogħol u dritt għall-art. Għalkemm
l-iżvilupp tal-ekonomija jeħodna f’direzzjoni oħra, għalkemm nivvalutaw
il-progress a bażi tal-industrijalizzazzjoni, għalkemm il-ġenerazzjoni tallum
tħalli bil-massa l-kampanja u x-xogħol tar-rabŕ, xorta waħda d-dritt għall-art
ma jiqafx jibni l-bażi ta’ ekonomija u soċjoloġija b’saħħitha.
Billi waqt iż-żjara jkun
xieraq li jien nagħmel xi awguri, hekk jien nawgura bil-qalb kollha lill-Art
Twelidi li dak li dejjem ikkostitwixxa l-qawwa tal-Pollakki – saħansitra waqt
il-perijodi l-iktar jaħarqu tal-istorja – jiġifieri r-rabta personali mal-art,
ma tiqafx tkun hekk ukoll fil-ġenerazzjoni industrijalizzata tagħna. Jalla nqisu
x-xogħol tar-rabŕ; jalla jkun apprezzat u stimolat! Jalla ma jonqos qatt
fil-Polonja l-ħobż u l-ikel!
4. Dan l-awgurju huwa
marbut mal-ieħor. Il-Ħallieq ta lill-bniedem l-art sabiex “jaħkimha”, u fuq din
il-ħakma tal-bniedem tal-art ibbaża d-dritt fundamentali tal-bniedem għall-ħajja.
Tali dritt huwa marbut b’mod strett mal-vokazzjoni tal-bniedem għall-familja u
għall-prokrejazzjoni. “Għalhekk ir-raġel iħalli lil missieru u lil ommu u
jingħaqad ma’ martu u t-tnejn isiru ġisem wieħed” (Ġen 2,24). U kif l-art,
b’digriet providenzjali tal-Ħallieq, tagħti l-frott, hekk din l-għaqda fl-imħabba
ta’ żewġ persuni, raġel u mara, tipprovdi l-frott f’ħajja umana ġdida. Ta’ din
l-għaqda vivifikanti tal-persuni, il-Ħallieq għamel l-ewwel sagrament, u l-Feddej
ikkonferma dan is-sagrament perpetwu tal-imħabba u tal-ħajja, billi tah dinjitŕ
ġdida u waqt li stampalu s-siġill ta’ qdusitu. Id-dritt tal-bniedem għall-ħajja
huwa marbut, b’rieda tal-Ħallieq, u bis-saħħa tas-Salib ta’ Kristu,
mas-sagrament indissolubli taż-żwieġ.
Nawgura mela, għeżież
Konnazzjonali, fl-okkażjoni ta’ din iż-żjara, li dak id-dritt sagru ma jiqafx
isawwar il-ħajja fl-art Pollakka: u hawn, fil-Pretatra, fil- Precarpazi u
kullimkien. Ġustament jingħad li l-familja hija ċ-ċellula fundamentali tal-ħajja
soċjali. Din hija l-komunitŕ umana fundamentali… Bħal ma hi l-familja, hekk huwa
n-Nazzjon, għaliex hekk huwa l-bniedem. Nawgura mela li tkunu qawwija grazzi
għal familji profondament radikati fil-qawwa ta’ Alla, u nawgura li l-bniedem
ikun jistŕ jiżviluppa a bażi tar-rabta indissoubli tal-għarajjes-ġenituri,
fil-klima familjari li xejn ma jistŕ jissostitwixxi. Nawgura mill-ġdid u nitlob
dejjem għal dan, li l-familja Pollakka tiġġenera l-ħajja u tkun fidila
għad-dritt sagru għall-ħajja. Jekk jinkiser id-dritt tal-bniedem għall-ħajja
filwaqt li fih huwa jibda biex ikun ikkonċeput fil-ġuf matern, indirettament
jolqot ukoll l-ordni morali li jservi biex jassikura l-ġid invjolabbli
tal-bniedem. Il-ħajja tokkupa fosthom l-ewwel post. Il-Knisja tiddefendi d-dritt
għall-ħajja, mhux biss b’rigward għall-majjesta tal-Ħallieq li huwa l-ewwel Sid
ta’ din il-ħajja, imma wkoll b’rispett għall-ġid essenzjali tal-bniedem.
5. Barra minn dan nixtieq
indur fuq iż-żgħażagħ, li jħobbu b’mod speċjali dawn il-postijiet u hawn ifittxu
mhux biss is-serħan fiżiku imma wkoll dak spiritwali. “Tistrieħ – kiteb, darba
waħda Norwid – ifisser “tikkonċepixxi mill-ġdid”” [bil-Pollakk dan huwa logħob
bil-kliem]. Il-mistrieħ spiritwali tal-bniedem, kif b’mod ġust jagħrfu tant
gruppi ta’ żgħażagħ, għandu jwassal biex f’dak li jkun isib u jelabora fih dik
il-“krejatura ġdida” li dwarha jitkellem San Pawl. Għal dan twassal it-triq
tal-Kelma ta’ Alla moqrija u ċcelebrata b’fidi u b’imħabba, is-sehem
fis-sagramenti u b’mod speċjali għall-Ewkaristija. Għal dan twassal it-triq
tal-fehim u tar-rejalizzazzjoni tal-komunitŕ, jiġifieri tal-komunjoni
mal-bnedmin, li titwieled mill-Komunjoni Ewkaristika, u wkoll il-fehim u
t-twettiq tas-servizz evanġeliku, jiġifieri tad-“djakonija”.
Għeżież tiegħi, la
taħarbux minn dak l-isforz nobbli li jippermettilkom li ssiru xhieda ta’ Kristu,
Xhud fil-lingwaġġ bibbliku, ifisser ixxerred demmek (“martri”}.
Nafdakom lill-Immakulata,
li lilha l-Beatu Massimiljanu Kolbe kien jafda kontinwament id-dinja kollha.
Nafda lil kulħadd lil Omm Kristu li hawn fil-viċin tirrenja bħala Omm
fis-santwarju tagħha ta’ Ludzmierz, u wkoll f’dak li hemm fil-qalba tat-Tatra ġo
Rusinowa Polana (kemm kien iħobb dan il-post is-Serv ta’ Alla Fra Alberto, kemm
kien jammirah u jħobbu mill-eremitaġg tiegħu ġo Kalatowki), u f’tant santwarji
oħra mibnija f’riġlejn il Carpazi, fid-dijosi ta’ Tarnów, ta’ Przemysl...
fil-Lvant u fil-Punent. U fl-art kollha Pollakka.
Il-patrimonju tal-fidi ta’
Kristu u tal-ordni morali jkunu mgħassa minn San Stanislaw, Isqof u martri,
patrun tal-Pollakki, xhud ta’ Kristu għal tant sekli fuq l-art nattiva tagħna.
Miġjub mit-Taljan għall-Malti minn Emanuel Zarb
|