Aktar mill-Papa Ġwanni Pawlu II
...
|
PELLEGRINAĠĠ APOSTOLIKU FIL-POLONJA
(2-10 ta’ ĠUNJU 1979)
QUDDIESA GHALL-GHELUQTAS-SINODU ARĊIDIJOĊESAN
OMELIJA TAL-QDUSIJA TIEGĦU ĠWANNI PAWLU II
Katidral ta’ Wavel, Krakovja
8 ta’ Ġunju 1979
Maħbub Metropolita ta’ Krakovja,
Venerabbli Isqfijiet,
Għeżież Huti Irġiel u Nisa!
1. Illum qiegħda titwettaq
x-xewqa mħeġġa ta’ qalbi. Il-Mulej Ġesù, li sejjaħli minn din is-sedja ta’ San
Stanislaw, lejliet id-disà ċentinarju tiegħu, jippermettili li nieħu sehem f’dan
l-għekuq tas-Sinodu tal-arċidijoċesi ta’ Krakovja, Sinodu li dejjem kien marbut,
f’moħħi, għal dan il-ġubilew kbir tal-Knisja tagħna. Intom ilkoll tafuh sewwa
ħafna, għaliex ħafna drabi ttrattajt din it-tema, u allura ma kellix bżonn li
ntennih illum. Jistà jkun li ma nkunx kapaċi li ngħid dak kollu li, fir-rigward
ta’ dan is-Sinodu, għadda f’moħħi u f’qalbi, liema tamiet u proġetti rbatt
miegħu f’dan il-perjodu deċiżiv tal-istorja tal-Knisja u ta’ Art Twelidna.
Is-Sinodu kien marbut,
għalija u għalikom ilkoll, mal-anniversarju tad-disà ċentinarju tal-ministeru ta’
San Stanislaw, li għal sebà snin kien Isqof ta’ Krakovja. Il-programm tax-xogħol
kien hekk jipprevedi perijodu li kien jinfirex mit-8 ta’ Mejju 1972 sat-8 ta’
Mejju 1979. Xtaqna, tul dan iż-żmien kollu, li nonoraw l-Isqof u Ragħaj (ta’
disà sekli ilu) tal-Knisja ta’ Krakovja, waqt li fittixna li nesprimu – skont
iż-żminijiet tagħna u l-bżonnijiet tagħna – it-tħassib tagħna għall-opra
feddejja ta’ Kristu fl-erwieħ tal-kontemporanji. Bħal ma San Stanislaw ta’
Szczepanów kien jagħmlu disà sekli ilu, hekk ukoll aħna rridu nagħmluh wara disà
sekli. Jien persważ li dan il-mod ta onorifiċenza tat-tifkira tal-kbir Patrun
tal-Polonja ikun iktar addattat. Dan jikkorrispondi tant mal-missjoni storika ta’
San Stanislaw, kif ukoll ma’ dawk l-impenji kbar, quddiem liema jinsabu llum
il-Knisja u l-kristjaneżmu kontemporanju wara l-Konċilju Vatikan II.
L-inizjatur tal-Konċilju,
Is-Serv ta’ Alla Ġwanni XXIII, speċifika dan id-dmir bil-kelma “aġġornament”. L-iskop
tax-xogħol ta’ sebà snin tas-Sinodu ta’ Krakovja – bi tweġiba għall-għanijiet
tal-Vatikan II – kellu jkun l-aġġornament tal-Knisja ta’ Krakovja, it-tiġdid
tal-koxjenza tal-missjoni tagħha feddejja, kif ukoll il-programm preċiż
għat-twettiq tiegħu.
2. It-triq li wasslet għal
dan il-għan kienet imfassla mit-tradizzjoni tas-Sinodi partikolari tal-Knisja;
biżżejjed niftakru ż-żewġ Sinodi preċedenti għaż-żminijiet tal-ministeru
tal-Kardinal Adam Stefan Sapieha. Il-preskrizzjoni biex jitmexxew ix-xogħlijiet
sinodali kienu mfassla mill-Kodiċi tad-dritt kanoniku. Bdanakollu qisna li d-dutrina
tal-Konċilju Vatikan II, kellha dan tagħmlu qabel kollox bl-istess konċezzjoni u
bl-istess sistema ta’ xogħol. Dan jispjega il-pjan kollu tas-Sinodu pastorali u
l-attwazzjoni konsegwenti tiegħu. Nistgħu ngħidu li, għall-iżvilupp tar-riżoluzzjonijiet
u tad-dokumenti, imxejna triq iktar twila imma wkoll iktar kompluta. Din it-triq
għaddiet tul l-attivitajiet ta’ mijiet ta’ gruppi ta’ studju sinodali, li fihom
setà jesprimi ruħu numru wiesà ta’ fidili tal-Knisja ta’ Krakovja. Dawn
il-gruppi, kif inhu magħruf, kienu ffurmati l-biċċa l-kbira minn kattoliċi lajċi,
li hemm sabu, minn naħa, il-possibiltà li jippenetraw fid-dutrina tal-Konċilju,
min-naħa l-oħra, li jesprimu, f’dan ir-rigward, l-esperjenzi propji, il-proposti
propji, li kienu jimmanifestaw l-imħabba tagħhom lejn il-Knisja, is-sens ta’
responsabiltà tagħhom għat-totalità tal-ħajja tagħha fl-arċidijoċesi ta’
Krakovja.
Matul l-istadju ta’
tħejjija tad-dokumenti finali tas-Sinodu, il-gruppi ta’ studju saru postijiet
tal-konsultazzjonijiet wiesgħà; lejhom infatti kienet iddur il-Kummissjoni
Ġenerali, li kienet tikkordina l-attività tal-kummissjonijiet kollha tal-esperti,
li sa mill-bidu tas-Sinodu kienu ġew imsejħa. B’dan il-mod immaturaw dawk
il-kontenuti li s-Sinodu, waqt li ntrabat mad-dutrina tal-Konċilju, ried
jitrasferixxi fil-ħajja tal-Knisja ta’ Krakovja. Xtaq jifforma, skont huma,
il-ġejjieni tal-Knisja.
3.I llum, dan ix-xogħol
kollu, din il-mixja ta’ sebà snin, diġa qiegħda warajna. Qatt ma ħsibt li fl-għeluq
tax-xogħlijiet ras-Sinodu ta’ Krakovja kont se nieħu sehem bħala mistieden li
ġie minn Ruma, Jekk iżda tali hija r-rieda ta’ Kristu, ippermettuli, f’dan
il-waqt, li nassumi mill-ġdid għal darb oħra l-irwol ta’ metropolita ta’
Krakovja, li permezz tas-Sinodu kien xtaq li nħallas id-dejn il-kbir li kont
ikkuntrattajt lejn il-Konċilju, lejn il-Knisja kollha, lejn l-Ispirtu Santu.
Ippermettuli wkoll f’dan l-irwol – bħal ma għidt – li niżżi ħajr lil dawk kollha
li bnew dan is-Sinodu, sena wara sena, xahar wara xahar, bix-xogħol, bil-parir
tagħhom, bil-kontribut krejattiv tagħhom, biż-żelu tagħhom. Ir-ringrazzjament
tiegħi idur, b’xi mod, lill-komunità kollha tal-Poplu ta’ Alla tal-arċidjoċesi
ta’ Krakovja, lill-ekkleżjastiċi u lil-lajċi: lis-saċerdoti, lir-reliġjużi rġiel
u lir-reliġjużi nisa. B’mod speċjali lil dawk kollha preżenti: Lill-Isqfijiet
bil-mexxej tagħhom il-meqjum suċċessur tiegħi il-Metropolita ta’ Krakovja: b’mod
partikolari lill-Isqof Stanislaw Smolenski; li mexxa, bħala president
tal-Kummissjoni ġenerali, ix-xogħlijiet tas-Sinodu. Lill-Membri kollha ta’ din
il-Kummissjoni, u għal darb’oħra lill-Kummissjoni preparatorja li taħt id-direzzjoni
ta’ Monsinjur Professur E. Florkowski ħejjiet, fl-1971 u fl-1972, l-istatut,
ir-regolament u l-programm tas-Sinodu. Lill-Kummissjoni ta’ esperti,
lis-Segretarjat instankabbli, lill-gruppi editorjali, u fl-aħħarnett lill-Gruppi
ta’ studju.
Messni forsi, f’tali
ċirkustanza, nitkellem b’mod differenti, imma mhuwiex possibbli għalija. Kont
ferm marbut personalment ma’ dan ix-xogħol.
Nixtieq mela f’isimkom
ilkoll inqiegħed din l-opra mwettqa quddiem is-sarkofagu ta’ San Stanislaw,
f’nofs il-katidral ta’ Wawel, din kienet infatti magħmula in vista tal-ġublew
tiegħu.
U flimkien magħkom ilkoll
nitlob lit-Trinità Qaddisa li tali opra ġġib frott għal mitt darba.
Amen.
Miġjub mit-Taljan għall-Malti minn Emanuel Zarb
|