Aktar mill-Papa Ġwanni Pawlu II
...
|
QUDDIESA GĦALL-KONGREGAZZJONI
TAL-LEĠĠJUNARJI TA’ KRISTU
OMELIJA TAL-QDUSIJA
TIEGĦU ĠWANNI PAWLU II
Il-Ħamis, 28
ta’Ġunju 1979
Maħbubin uliedi
Leġgjonarji ta’ Kristu.
Fil-jum li fih
il-liturġija tfakkar il-festa ta’ figura ekkleżjali kbira, Sant-Irinew,
ningħaqdu quddiem din il-grotta ta’ Lourdes, qrib l-altar tal-Mulej, biex
noffrulu mal-Ewkaristija it-tribut tal-azzjoni tal-grazzja tagħna, tat-tifħir
supplikanti tagħna u tal-fidi mġedda.
Waqt li naf minn fejn
ġejjin bosta minnkom, il-Papa ma jistax jonqos li jiftakar u jgħix tant waqtiet
indimentikabbli mgħoddija f’art twelidkom oriġinarja, il-Messiku; l-entużjażmu
tagħkom iġeddidli d-diwi ta’ dawk il-moltitudnijiet viċini mimlijin imħabba u
akklamanti.
Waqt li nikkontempla
quddiemi il-membri tant numerużi tal-familja reliġjuża tagħkom, akkumpanjati
mill-fundatur tagħkom, jiġu quddiem għajnejja l-kliem tal-Ġenesi, li għadna kemm
qrajna fl-ewwel qari ta’ din il-quddiesa. Dan jitkellem dwar l-assistenza divina
li timmultiplika d-dixxendenza bil-favur tal-barka tagħha. Kienet ukoll il-barka
tal-Mulej, dik li ġegħlet titrabba b’mod fertili dik il-fundazzjoni tas-sena
mhux imbegħda tal-1941, u li, waqt li rċeviet id-digriet tal-eloġju erbatax-il
sena biss ilu, tgħodd illum iktar minn 130 saċerdot u kważi 700 membru,
imqassmin f’diversi djar u nazzjonijiet, diġa joperaw, jew qegħdin iħejju ruħhom,
biex ixerrdu r-renju ta’ Kristu fis-soċjetà, permezz ta’ forom diversi ta’
apostolat speċifiku.
Intom, għeżież uliedi,
familja reliġjuża żagħżugħa, li qiegħda tfittex dinamiżmu krexxenti, biex toffri
lill-Knisja kontribut ġdid ta’ enerġiji ħajjin, fil-waqt attwali. Preċiżament
għaliex naf dawn l-ideali tagħkom, leħni jrid jistedinkom, bl-aċċenti evanġeliċi
li għadna kemm smajna, biex nimitaw lill-bniedem prudenti li bena daru fuq
il-blat.
Għalikom li għandkom,
bħala karattru speċifiku, l-ispiritwalità kristoċentrika, li tibnu fuq il-blat
il-bini tagħkom individwali u komunitarju irrid ngħidilkom biex tikbru dejjem
fl-għarfien sublimi ta' Kristu, waqt li tosservawh biex tagħġnu f'ħajjitkom
il-messaġġ tiegħu, b’għeruqkom sewwa infilsati fil-fidi u fil-karità, biex tkunu
kapaċi tieħdu ħsieb f’kull waqt l-interessi ta’ Kristu, B’dan il-mod tkunu
tistgħu takkwistaw dik is-solidità interna li tisfida x-xita, ix-xmajjar u l-irjieħ
(cf. Mt 7,25), biex tibnu s-saltna ta’ Alla fis-soċjetà attwali,
fiż-żgħożija – li magħha spiss taħdmu – li tant għandha bżonn ċertezzi migħuxa,
ta’ ċertezzi li jiġu minn fidi inalterabbli u mill-fiduċja fi Kristu. Il-Kristu
ta’ Alla, li miet u rxoxta, magħmul bidu ta’ ħajja ġdida għalina, dejjem
preżenti maġembna bħala garanzija ta’ rebħa quddiem l-avversitajiet.
Parti mportanti ta’
din is-solidità fil-ħajja tagħkom se tkun ukoll il-fedeltà sħiħa lejn il-Knisja
u lejn il-Konċilju Vatikan II, mingħajr ebda żvijar ta’ kwalunkwè tip, imma
koerenza perfetta ma’ dak li l-Mulej jitlobkom u l-Maġisteru jipproponi fil-waqt
attwali.
F’din il-mixja, se
tkun għalikom ta’ għajnuna kbira l-fedeltà mqawwija fil-konfronti ta’ dawn l-imħabbiet
il-kbar li għandhom ikunu distintiv, fi qbil mal-vokazzjoni tagħkom, ta’ kull
Leġġjunarju: imħabba lejn Kristu msallab u mħabba lejn il-Verġni. Jekk se tkunu
fidili lejn dan il-programm meraviljuż, m’għandkomx għalfejn tibżgħu: il-bini
spiritwali tagħkom jistrieħ fuq sisien sodi.
Sabiex iżżommu ruħkom
fidili lejn dawn l-ideali, nixtieq infakkarkom biex spiss tirrikorru għat-talb.
Dan hu l-uniku mod ta’ tiġdid tagħkom infuskom intern, biex tiksbu dawl ġdid li
jiddirieġi l-passi tagħkom, li jserraħ d-dgħufija personali fuq il-qawwa u s-solidità
tal-poter divin. F’kelma waħda biex iżomm żgħożija perenni ta’ l-ispirtu, fid-disponibiltà
lejn Alla u l-oħrajn.
Hekk biss tistgħu
tgħixu fil-milja tagħha l-allegrija sbokkanti tal-vokazzjoni tagħkom ta’
magħżulin għas-servizz tal-Kristui u tal-Knisja. Allegrija li hija xhieda
tal-preżenza tal-Mulej, u li titħeġġeġ fid-don ġeneruż lil ħuk. Din hija x-xewqa
li nħallilkom, waqt li ngħidha bil-kliem tal-liturġija tallum: “Mulej, ftakar
fija meta turi tjubitek għall-poplu tiegħek; ejja għandi meta tagħti l-fidwa,
għaliex jien naf il-ferħ tal-magħżulin tiegħek, ifraħ bil-ferħ tal-poplu tiegħek
u tir bil-ferħ bil-wirt tiegħek”.
Kelma waħda biex
nikkonkludi. Naf li fostkom hawn iż-żgħażagħ li matul il-waqfa tiegħi
fil-Messiku offrew il-kollaborazzjoni ġeneruża u entużjastika tagħhom fid-Delegazzjoni
apostolika.
Tasal lilhom ix-xhieda
tal-apprezzament profond tiegħi u tal-gratitudni tiegħi. Dawn huma l-istess
sentimenti li nestendi wkoll. Lill-preżenza ta’ ħuthom bniet tal-Kongregazzjoni
residenti f’Ruma, lir-Reliġjużi Klarissi tas-Santissmu Sagrament li tant kienu
ġenerużi fil-Belt tal-Messiku waqt iż-żjara tuegħi fl-istess Rappreżentanza
Pontifiċja.
U issa, inressqu fuq
l-altar tal-Mulej dawn l-intenzjonijiet kollha tagħna.
Miġjub mit-Taljan għall-Malti minn Emanuel Zarb
|