Aktar mill-Papa Ġwanni Pawlu II
...
|
ĊELEBRAZZJONI
SOLLENNI B’SUFRAĠJU
TAL-KARDINALI JOHN JOSEPH WRIGHT
OMELIJA TAL-QDUSIJA
TIEGĦU ĠWANNI PAWLU II
Is-Sibt, 22 ta’
Settembru 1979
Sinjuri Krdinali ,Konfratelli
u Għeżież Uliedi!
Ridt din
il-konċelebrazzjoni speċjali biex infakkar, ftit iktar minn xahar wara l-mewt
doloruża tiegħu, il-figura amabbli tal-Kardinal John Joseph Wright. Huwa
ħalliena b’mod silenzjuż ħafna, u l-mewt tiegħu, waqt li serqet lil dan
il-Kulleġġ Sagru u lill-Kurja Rumana minn membru awtorevoli, kienet u għadha
mottiv għalina ta’ vistu sinċier.
Min kien verament
il-Kardinal Wright? Liema huma l-fatturi karatteristiċi tal-personalità tiegħu?
Nafu sewwa l-elementi esterni tal-bijografija tiegħu: imwieled fl-Istati Uniti
tal-Amerika minn familja oriġinalment Irlandiża, wara żgħożija tispikka minn
dedikazzjoni eżemplari għall-erwieħ, huwa kien innominat Awżiljarju ta’ Boston,
imbagħad kien Isqof apprezzat ta’ Worcester u ta’ Pittsburgh, sakemm, mill-fiduċja
tal-Predeċessur tiegħi Pawlu VI, ta’ tifkira meqjuma, kien imsejjaħ Ruma bħala
Prefett tas-Sagra Kongregazzjoni għall-Kleru.
Imma, ‘il hemm minn
dawn d-dati esterni, ħarġet fih u issa tippreżenta ruħha għalina bħala ewlenija
u ċentrali kwalità pastorali distinta: iddotat minn natura ta’ umanità għanja u
sħuna, huwa dejjem wera ruħu Ragħaj, bin-noti kollha li għandhom jiddefenuna
skont it-tagħlim evanġeliku, jiġifieri l-ħeġġa, is-sensibiltà, il-fehim, l-ispirtu
ta’ sagrifiċċju għan-nagħaġ tal-merħla (cf. Ġw 10,2-18). Kienet
preċiżament din l-attitudni, immaturata fl-esperjenza mhux qasira tal-ħajja
dijoċeżana li għaliha, fil-perijodu postkonċiljari, kellu l-inkarigu li
jiddirieġi id-Dikasteru mportanti, li istituzzjonalment imissu l-animazzjoni
fis-sens pastorali tal-kleru u tal-poplu nisrani.
Iżda, waqt li rridu
nippenetraw iktar fl-intern l-psikoloġija tal-Porporat, insibu li s-sors sigriet
li kien jitma dan l-impenn tiegħu tipiku kien rapport kostanti u personali ma’
Kristu Sidna. Dak li bħala motto kien għażel l-espressjoni sinifikattiva
“Resonare Christum”, kien ifittex li jżomm dejjem frisk u ħaj tali kuntatt
miegħu. Tant kien konvint minn din l-esiġenza, li qatt ma kien jonqos li kien
idaħħalha fis-Saċerdoti kemm fil-kitbiet kif ukoll bil-kelma. Nieħu gost
nikkwota, bħala eżempju, il-prefazjoni penetranti minnu ddettata għall-istampar
mill-ġdid tal-librett imdieheb “Manete in dilectione mea”, fejn naqraw dawn is-sentenzi:
“Jekk tridu, għeżież konfratelli, tikkonservaw in aeternum l-identità
saċerdotali tagħkom f’din l-epoka li fiha id-dinja hija ferm importanti
għall-bnedmin, fittxu li timitaw il-qalb ta’ Ġesù illum iktar mill-bieraħ.”.
U mill-ġdid: “Jekk
tridu li l-Knisja tkun verament sagrament ta’ salvazzjoni għall-bniedem tallum,
tħallux li tgħib l-identità propja u sofru l-ansjetà sottili tal-vojt spiritwali,
orjentaw il-ħajja tagħkom spiritwali kollha fl-imitazzjoni tal-Qalb ta’ Ġesù”.
Hawn hu ċ-ċentru, fokali li jispjega d-dinamiżmu u ż-żelu tal-Kardinal tagħna.
Hawn hi l-indikazzjoni permanentement valida li hu jitrażmettilna jekk ma rridux
– aħna l-Isqfijiet u s-Saċerdoti – li l-ministeru tagħna jiddgħajjef jew li
jeqred lilu nnifsu. Infatti din hija ndikazzjoni li fuqha qatt ma nirriflettu
biżżejjed, għaliex konnaturali mal-istat tagħna, għaliex issejħilna b’urġenza
biex ngħixu ħajja nterna intensa, iċċentrata fi Kristu “ta’ qalb mansweta u umli”
(Mt 11,28), mitmugħa minn dik il-karità tiegħu, li mingħajrha wkoll fost
suċċessi esterni risonanti bħal ma jwissi San Pawl ma jiswew xejn (cf. 1Kor 13,1-3).
Lezzjoni oħra tiġina
minn dan il-Porporat distint: Fil-ministeru mżewwaq mogħti lill-aħwa, saċerdoti
u fidili, huwa kkonserva u wera attakkament eżemplari mal-Maġisteru tal-Knisja.
Ikkonċepixxa dan il-maġisteru bħala realtà ħajja, bħala funzjoni sagra, bħala
servizz kwalifikat għall-integrita tal-fidi u b’mod ġenerali għall-kawża
tal-verità, imwaqqaf fl-intern tal-Knisja bir-rieda tal-Mulej (cf. Mt 28,19-20;
1Tm 3,15). U huwa leċitu li naħsbu li f’adeżjoni ferventi u, ikolli ngħid,
devozzjoni lejn il-Knisja-Għalliema ma kinitx barranija t-tradizzjoni
ininterrotta ta’ fedeltà tal-Irlanda kattolika.
Ma setax ikun indikat
aħjar, għal din l-assemblea liturġika tagħna, it-test tal-Vanġelu ta’ Mattew, li
għadu kemm inqara: wara l-elevazzjoni sublimi lill-Missier (“Confiteor tibi,
Pater...”), Ġesù jindirizza stedina perswassiva lid-Dixxipli tiegħu, sabiex
imorru għandu u jilqgħu il-madmad ħelu tad-duttrina tiegħu: “Venite ad me
omnes...”. Fil-ħajja kollha tiegħu l-Kardinal Wright sforza ruħu, propju f’dak
il-kuntatt ta’ kuljum li fakkart hawn fuq, li jistudja lil Ġesù mill-qrib, li
jitgħallem direttament mingħandu il-lezzjonijiet eterni u b’saħħithom
tal-manswetudni tal-umiltà tal-qalb. Qabel il-“munus docendi”, li kienu jmissu
lilu bħala Isqof u Ragħaj, huwa kellu tassew għal qalbu tali “officium
discendi”. Aħna nemmnu, mela, minħabba l-wegħda formali tal-Mulej (“et
invenietis requiem”), li diġa fuq din l-art huwa sab il-konfort u l-paċi għal
ruħu, imma nemmnu, ukoll, minħabba l-karità bla qisien tal-istess Mulej, li issa
jgawdi dan il-ġid, f’forma li ma titbiddilx u mimlija fil-glorja tas-sema.
Hekk ikun.
Miġjub
mit-Taljan għall-Malti minn Emanuel Zarb
b
|