LAQGĦA TA’ TALB FOST IS-SEMINARISTI
RUMANI
OMELIJA TA’ ĠWANNI PAWLU II
IL-Ħadd, 19 ta’ Novembru 1978
1.Il-laqgħa tagħna tallum
għandha l-karattru ta’ udjenza
partikolari. Hija – biex ngħidu
hekk – udjenza Ewkaristika. Ma “nagħmluhiex”,
imma “niċcelebrawha”. Din hija
liturġija sagra. Qegħdin
jikkonċelebraw miegħi, l-Isqof
ta’ Ruma l-ġdid, u mal-Kardinal
Vigarju, is-Superjuri
tas-Seminaristi ta’ din id-dijoċesi,
u parteċipanti f’din l-Ewkarisyija
huma l-istudenti tas-Seminarju
Ruman, tas-Seminajru “Capranica”
u tas-Seminarju Minuri.
L-Isqof ta’ Ruma jixtieq iżur
is-seminarji tiegħu, imma intant
illum huma intom li ġejtu għandu
għal din l-udjenza sagra!
Il-Quddiesa hija wkoll udjenza.
Jistà jkun li l-paragun huwa
ardit iżżejjed, jistà jkun
skonvinjenti, jistà jkun “uman”
iżżejjed, bdanakollu
ippermettuli li nużah, din hija
waħda mill-udjenzi li l-istess
Kristu jagħti kontinwament
lill-umanità – li huwa jagħti
lil komunita ewkaristika
determinata – u lil kull wieħed
u waħda minna li niffurmaw din
l-assemblea.
2. Matul din l-udjenza se
nisimgħu lil dak li jitkellem. U
aħna wkoll infittxu li nitkellmu
miegħu b’mod li huwa jkun jistà
jismagħna.
Fil-Litirġija Ewkaristika Kristu
jitkellem qabel xejn bil-qawwa
tas-Saġrifiċċju tiegħu. Dan huwa
diskors tassew konċiż u fl-istess
ħin jaħraq. Wieħed jistà jgħid
li dan id-diskors nafuh
bl-amment, huwa madankollu
jippreżentalna ruħu kull darba
ġdid, sagru, rivelatur. Jiġbor
fih il-misteru kollu tal-imħabba
u tal-verità, għaliex il-verità
tgħix bl-imħabba u l-imħabba
bil-verità. Alla li huwa Verità
u Mħabba, wera ruħu fl-istorja
tal-ħolqien u fl-istorja
tal-fidwa; din l-istorja huwa
jipproponi mill-ġdid permezz ta’
dan is-sagrifiċċju feddej li hu
għaddielna fis-sinjal
sagramentali, sabiex mhux biss
naħsbu fih fit-tifkira, imma
inġedduh, niċċeleebrawh mill-ġdid.
Waqt li niċċelebraw is-Sagrifiċċju
Ewkaristiku, inkunu ntrodotti
kull darba fil-misteru ta’ Alla
stess u wkoll, fil-profondità
kollha tar-realtà umana. L-Ewkaristija
hija l-aħbar tal-mewt u
tal-qawmien mill-imwiet. Il-misteru
paskwali jesprimi ruħu fiha
bħala bidu ta’ żmien ġdid u
bħala stennija finali.
Kuwa Kristu nnifsu li jitkellem,
u aħna ma nistgħux nieqfu
nisimgħuh. Nixtiequ kontinwament
din il-qawwa tiegħu ta’ fidwa,
li saret “garanzija” divina
tal-kliem ta’ ħajja bla tmiem.
Huwa għandu kliem ta’ ħajja bla
tmiem (cf. Ġw 6,68).
3. Dan li aħna rridu ngħidulu
kuljum huwa dejjem tagħna,
għaliex ħiereg mill-esperjenzi
tagħna umani, mix-xewqat tagħna,
imma wkoll mill-inkwiet tagħna.
Dan huwa spiss lingwaġġ ta’
tbatija, imma wkoll ta’ tama.
Inkellmuh dwarna stess, dwar
dawk li jistennew minn għandna
li niftakru fihom miegħu.
Dak li ngħidu jispira ruħu mill-Kelma
ta’ Alla. Il-Liturġija tal-kelma
tiġi qabel l-liturġija
ewkaristika. F’relazzjoni mal-kelma
mismugħa llum, ikollna bosta
ħwejjeġ xi ngħidu lil Kristu,
waqt din is-sagra udjenza.
Irridu mela nkellmuh qabel xejn
dwar dan it-talent speċjali – u
forsi mhux wieħed biss, imma
ħamsa – li rċivejna:
il-vokazzjoni saċerdotali, is-sejħa
sabiex nimxu lejn is-saċerdozju
billi dħalna fis-seminarju. Kull
talent huwa obbligu. Iktar u
iktar nħossuna obbligati minn
dan it-talent, biex ma naħluhx,
biex “ma naħbuhx taħt l-art”,
imma nġagħluh jagħti l-frott!
Permezz ta’ serje ta’ tħejjijiet,
l-istudju, ix-xogħol fuqna
nfusna, u formazzjoni konxja
“tal-bniedem il-ġdid” li waqt li
jagħti lilu nnifsu għal kollox
lil Kristu bla ebda riservi
fis-servizz saċerdotali, migħux
fiċ-ċelibat, ikun jistà jsir
b’mod speċjali bniedem “għall-oħrajn”.
Irridu wkoll nitkellmu ma’
Kristu dwar dik l-ħajja li
twassal lil kull wieħed minna
għas-saċerdozju, kull wieħed
jitkellem dwar ħajtu stess. Fiha
nfittxu li nipperseveraw
bil-biżà ta’ Alla, hekk eżatt
kif jistedinna nagħmlu s-Salmista.
Din hija t-triq li toħroġna mid-dlamijiet
biex tressaqna lejn id-dawl,
bħal ma jikteb San Pawl. Irridu
nkunu “wlied id-dawl”. Irridu
ngħassu, irridu nkunu moderati,
irridu nkunu sobriji u
responsabbli għalina nfusna u
għall-oħrajn.
Bla dubju kull wieħed minna se
jkollu wkoll bosta ħwejjeġ oħra
xi jgħid waqt din l-udjenza –
kull wieħed minnkom, Superjuri,
u kull wieħed minnkom, għeżież
Studenti.
U x’se ngħid jien lil Kristu,
l-Isqof il-ġdid tagħkom?
Qabel kollox, nixtieq ngħidlu:
Niżżik ħajr għal dak kollu li
tajtni. Irrid inkompli ngħidlu
(intennihulu kontinwament):
“Il-ħsad huwa kbir! Ibgħat
ħaddiema għall-ħsad tiegħek.
U bsarra minn hekk irrid
ngħidlu: Għassishom fil-verità u
għamel li huma jimmaturaw
fil-grazzja tas-sagrament
tas-saċerdozju, li għaliha
qegħdin iħejju ruħhom.
Dan kollu irrid ngħidlu permezsz
ta’ Ommu, li tqimu fis-seminarju
Ruman, waqt li tħarsu lejn
ix-xbiha tal-“Madonna
tal-Fiduċja” li tagħħa il-Qaddej
ta’ Alla Ġwanni XXIII, kien
devot b’mod speċjali.
Nafda mela lil din l-Omm lil
kull wieħed minnkom u lit-tliet
Seminarji tad-dijoċesi l-ġdida
tiegħi. Amen.
Miġjub mit-Taljan għall-Malti
minn Emanuel Zarb
|