q RIŻORSI GĦAR-RANDAN

Sa mill-ewwel żminijiet tal-Kristjaneżmu, ir-Randan dejjem kien żmien pastoralment importanti fis-sena liturġika tal-Knisja.  Matulu l-insara jkunu mħeġga, aktar minn fi żminijiet oħra, sabiex jaqraw, jisemgħu u jirriflettu aktar dwar il-Kelma ta’ Alla, jersqu aktar spiss u b’akbar devozjoni lejn is-Sagramenti, jagħmlu penitenza u jkunu solidali aktar mis-soltu, ma’ persuni fil-bżonn.

Għal poplu Malti u Għawdxi, din is-sena r-Randan għandu tifsira mportanti oħra, għaliex huwa wkoll żmien ta’ tħejjija qabel il-miġja fostna tal-Papa Benedittu XVI. Qegħdin niċċelebraw ukoll l-1950 anniversarju mill-miġja providenzjali fosta ta’ San Pawl. 

Għalhekk qegħdin ikunu provduti għajnuniet u riżorsi pastorali li huma mibnija fuq katekeżi tal-Papa nnifsu u li bosta minnhom huma wkoll marbuta mat-tagħlim ta’ l-Appostlu Missierna. ...ð

q SEMINAR DWAR LAJĊI U SAĊERDOTI

Ftit jiem qabel tintemm is-sena ddedikata għas-saċerdoti, is-Segretarjat għal-Lajċi se jkun qed jorganizza seminar ta’ jumejn bit-tema, “Il-Lajk u s-Saċerdot – Kollaborazzjoni u Korresponsabiltà.”

Huwa maħsub li matul dan is-seminar jkunu esplorati metodi prattiċi li jistgħu jgħinu sabiex tikber dejjem aktar il-kollaborazzjoni u korresponsabiltà bejn lajċi u saċerdoti fil-ħidma pastorali tal-Knisja f’pajjiżna.

Is-seminar se jsir il-Ħamis u l-Ġimgħa, 3 u 4 ta’ Ġunju rispettivament.  Dettalji oħra jitħabbru aktar ‘il quddiem.

q BLOG ĠDID MIS-SEGRETARJAT GĦAL-LAJĊI

Flimkien ma’ dan is-sit uffiċjali, is-Segretarjat għal-Lajċi qed jipprovdi wkoll blog li joffri l-opportunità ta’ interattività billi kull min jixtieq jista’ jħalli l-kummenti tiegħu dwar suġgetti differenti. 

Tema li bla dubju se tkun importanti matul il-ġimgħat li ġejjin, titratta iż-żjara fostna tal-Papa Benedittu XVI f’April li ġej.  Nilqgħu bil-qalb kull kummenti u suġġerimenti dwar dan l-avveniment importanti għall-poplu tagħna. Dawn wara jkunu ppreżentati lill-kumitat organizzattiv.

Tista’ tidħol fil-blog jew billi tikklikkja fuq il-link permanenti li hemm taħt ir-ras ta’ din il-paġna, inkella minn hawn stess. ...ð