IL-VERITÀ GĦANDHA TKUN IL-QAFAS TAS-SOĊJETÀ TAGĦNA

Valletta: 8 Settembru 2009: “Fid-dinja finanzjarja qatt jew ftit ma kien hemm diskors fuq l-etika u l-mode of conduct qabel ma faqqgħet il-kriżi finanzjarja.  Wara, diversi bdew jitkellmu fuq il-bżonn ta’ iktar valuri etiċi fid-dinja finanzjarja.”  Hekk stqarr Mons. Arċisqof Pawlu Cremona f’diskors li għamel waqt il-Pontifikal ta’ Jum il-Vitorja.  Huwa esprima t-tħassib tiegħu li spiss nitkellmu ħafna fuq l-iżvilupp materjali u ekonomiku fis-soċjetà tagħna u sewwa nagħmlu, iżda ftit nitkellmu fuq dawn il-valuri umani ta’ lealtà, rispett, solidarjetà, u dak li jfixkilhom: egojiżmu, suppervja, regħba u l-abbuż ta’ poter.

Kompli aqra d-diskors kollu tal-Arċisqof. ...ð

q DWAR L-INDISSUBILITA’ TAŻ-ŻWIEĠ U DIVORZJU

Minn diskors li l-Papa Ġwanni Pawlu II kien għamel lill-uffiċċjali tat-Tribunal Rota Rumana. ... ð

q KORSIJIET TA' FORMAZZJONI MILL-IFP

L-Istitut ta’ Formazzjoni Pastorali ippublika lista ta’ korsijiet differenti li se jkunu offruti b’kollaborazzjoni bejn diversi entijiet fi ħdan id-djoċesi Maltija, fothom il-Kummissjoni Djoċesana Żgħażagħ, is-Segretarjat għall-Katekeżi, il-Moviment ta’ Kana u l-Għaqda Biblika.  L-IFP innifsu se jmexxi korsijiet qosra dwar it-Tagħlim Soċjali tal-Knisja, dwar it-Teoloġija, dwar l-Evanġeliżazzjoni u oħrajn. 

Għal kopja sħiħa tal-Prospectus ikklikkja hawn. ...ð

Sollicitudo Rei Socialis ta’ Ġwanni Pawlu II

TNEJN U GĦOXRIN SENA ILU, IL-PAPA KELLU RAĠUN

Meta 22 sena ilu Ġwanni Pawlu II kiteb l-Enċiklika, Solliċitudo Rei Socialis,  fiha wera t-tħassib tiegħu dwar id-differenza kbira li kien hemm, u li kienet dejjem tikber, bejn il-pajjiżi hekk imsejjħa żviluppati u dawk li għadhom jiżviluppaw.  Tkellem dwar wiri ta’ egoiżmu u dwar nies li moħħhom biss li jfittxu l-kumditajiet tagħhom u li juru kemm huma għojna u mimlijin bil-ġid filwaqt li għall-kotra il-kbira, il-progress kien miexi hekk bil-mod li ma jistax jissejjaħ progress.

Il-Papa kien wera t-tħassib tiegħu dwar diversi oqsma soċjali tal-ħajja fosthom ukoll dwar id-differenzi kbar fl-iżvillup ekonomiku ta’ ċerti pajjiżi minn ħafna oħrajn u qal li meta naraw ħafna postijiet fid-dinja b’dawn id-differenzi kbar bejniethom, u naraw ukoll li kull post qiesu miexi fi triq għalih b’dak li jirnexxilu jikseb, nifhmu għaliex illum in-nies qegħdin jitkellmu dwar dinjiet differenti fid-dinja waħda tagħna: l-ewwel dinja, it-tieni dinja, it-tielet dinja, u xi kultant ukoll, ir-raba’ dinja.

Dak in-nhar, bosta kien ikkritikaw lill-Papa u akkużawh li kien allarmista.  Iżda illum, l-aħbarijiet li naqraw, nisemgħu u naraw juru mod ieħor.  Juru kemm Ġwanni Pawlu II kellu raġun u kif sfortunatament illum ġejna fi kliemu. X’nisegħu nagħmlu?  Jew qegħdin tard wisq?

Ara test sħiħ ta’ din l-enċiklika bil-Malti. ...ð

ID-DRITTIJIET TAL-FAMILJA

Id-“Dokument tad-Drittijiet tal-Familja” ħareġ bħala riżultat tat–talba mfassla mis-Sinodu ta’ l-Isqfijiet li sar f’Ruma fl-1980 dwar is-suġġett “Is-Sehem tal-Familja Nisranija fid-Dinja llum. L-għan tiegħu hu li jqiegħed  quddiem in-nies ta’ żmienna, kemm jekk dawn huma nsara u kemm jekk mhumiex, formulazzjoni sħiħa kemm jista’ jkun tad-drittijiet fundamentali li hemm fin-natura ta’ dik is-soċjetà naturali u universali li hi l-familja.

Id-drittijiet imniżżla fid-dokument joħorġu mill-kuxjenza tal-bniedem kif ukoll mill-valuri tal-familja kollha tal-bnedmin.  Il-bidu tagħhom insibuh fil-liġi li l-Ħallieq naqqax fil-qalb ta’ kull bniedem u għalhekk huwa dmir tas-socjetà li tħares dawn id-drittijiet minn kull vjolazzjoni u li tirrispettahom u ġġibhom ‘il quddiem kollha kemm huma bla mittiefsa.

Minħabba f’hekk id-dokument hu prinċipalment inidrizzat lill-gvernijiet u lill-organizazzjonijiet interanzzjonali bejn il-gvernijiet. Indirizzat ukoll lill-familji nfushom bil-ħsieb li jsaħħaħ fihom il-fehma li l-familja għandha dmir u post fis-soċjetà li ħadd u xejn ma jista’ jeħodulha. Fl-aħħarnett id-dokument hu ndirizzat lill-irġiel u n-nisa kollha u b’mod partikolari lill-insara sabiex jintrabtu li jagħmlu kulma jistgħu biex jiżguraw li d-drittijiet tal-familja jiġu mħarsa u sabiex l-istituzzjoni tal-familja tissaħħaħ għall-ġid tal-bnedmin kollha, tal-lum u ta’ għada.

Ikklikkja hawn għad-dokument sħiħ. ...ð