Monnika Qaddisa, armla, omm, u filosfa |
Awtur: Salvinu Caruana OSA
Publikazzjoni: Provinċja
Agostinjana,
Malta 2016
Patri
Salvinu Caruana OSA, Monnika.
Qaddisa, armla, omm u filosfa,
Provinċja Agostinjana, Malta
2016 (p.125). F'dan il-ktieb
ewlieni dwar il-qaddisa Monnika,
omm il-qaddis kbir u Duttur
tal-Knisja, Wistin ta' Ippona,
P. Salvinu
ġabar tista' tgħid it-tagħrif
kollu li għandna dwar din
il-qaddisa. Huwa jinnota ta'
spiss matul il-bijografija ta'
Monnika, il-fatt li dak kollu li
nafu dwarha hu dak li ħallielna
miktub binha nnifsu Wistin, fl-Istqarrijiet,
l-iktar fil-ktieb disa'. P.
Salvinu iżda fela għadd ta'
kitbiet oħrajn tal-qaddis Wistin,
fosthom il-magħrufa Taħdidiet ta'
Kassiċjaku li matulhom Wistin,
flimkien ma' għadd ta' ħbieb
tal-qalb, li huwa sejjħilhom "ħbieb
bl-istess għan" (bl-Ingliż
"like-minded friends").
F'dawn it-taħdidiet,
Monnika mhux talli kienet hemm
f'Kassiċjaku ma' binha, u ibnu
Adeodatu, u xi ħbieb (ħaġa li ma
kienet instemgħet qatt li mara
titħalla tieħu sehem f'taħdidiet
tal-filosofija, u postha kellu
jkun ġewwa l-kċina u taqdi
lill-grupp ta' binha), imma
talli ġieli, hekk kif kienet
tisma' xi ħaġa ddoqqilha dwar
it-twemmin Kattoliku, kienet
pront toħroġ u tagħti fehemtha.
Wistin mhux biss ma ċanfarhiex,
iżda wasal sabiex faħħarha bħala
l-filosfa tabilħaqq. Fil-kap 17
tal-ktieb, P. Salvinu ta ħarsa
lejn it-teoloġija ta' Wistin
dwar il-mara, imma fid-dawl ta'
dak li għadd ta' teoloġi nisa
jaħsbu dwar kitbet Wistin dwar
il-mara.
Il-ktieb
jinsab għall-bejgħ fil-libreriji
reliġjużi ewlenin f'Malta u
f'Għawdex u mis-sagristija
tal-Kunvent S. Wistin, Triq l-Ifran,
il-Belt għall-prezz ta' €13 (qoxra
iebsa) u €10 (qoxra normali).