|
Q
Qari |
Is-Sejħa
u Aktar Xhieda.
L-għada Ġesù ddeċieda li jitlaq lejn il-Galilija. Sab lil
Filippu u qallu: "Ejja warajja." Filippu kien minn Betsajda,
il-belt ta' Indrì u Pietru.
Filippu sab lil Natanjel u qallu: "Sibna lil dak li fuqu
kitbu Mosè fil-Liġi, u l-profeti fil-kotba tagħhom: Ġesù
minn Nazaret, bin Ġużeppi." Qallu Natanjel: "Tista' toħroġ
xi ħaġa tajba minn Nazaret?" "Ejja u ara," wieġbu Filippu.
Meta Ġesù ra lil Natanjel riesaq lejh qal għalih: "Ara, dan
tassew wieħed minn Iżrael li jixraqlu dan l-isem; ma hemm
ebda qerq fih."
Natanjel staqsieh: "Kif sirt tafni?" U Ġesù wieġbu: "Rajtek
taħt is-siġra tat-tin qabel ma sejjaħlek Filippu."
"Rabbi," qallu Natanjel,"int l-Iben ta' Alla, inti s-sultan
ta' Iżrael!"
Ġesù wieġbu: "Qiegħed temmen għax għedtlek li rajtek taħt is-siġra
tat-tin? Għad tara ħwejjeġ akbar minn dawn!" U żied jgħidlu:
"Tassew tassew ngħidilkom, għad taraw is-sema miftuħ u l-anġli
ta' Alla telgħin u niżlin fuq Bin il-bniedem."
|
|
M
Meditazzjoni
|
L-għada …
Jum wara l-ieħor, il-kittieb ikompli l-Evanġelju tiegħu
billi għat-tielet darba konsekuttiva jibda r-rakkont
bil-kelma, “l-għada”; bħal donnu li dak kollu li qiegħed
iseħħ fil-ħajja tad-dixxipli l-ġodda huwa kollu kemm hu
riżultat tax-xhieda li Ġwanni l-Għammiedi ta dwar Ġesù fl-ewwel
jum tal-ġrajja. Il-profeta jixħet il-kelma, u kemm jekk
rieqed u kemm jekk imqajjem, billejl jew binar, din tikber u
tixtered bħal żerriegħa ċkejkna, bla ma hu jaf kif (Mk
4:27).
Ġesú sab lill-Filippu u qallu, “Ejja warajja.”
Is-sejħa tad-dixxiplu dejjem tiġi mill-Imgħallem tiegħu.
“Mhux intom għażiltu lili, imma jiena għażilt lilkom u
ħtartkom” (Ġw 15:16). Madankollu huwa f’idejja li naċċetta u
nirrifjuta s-sejħa magħmula lili. Alla qatt ma jimponi r-rieda
tiegħu fuqi. Imma jekk nilqa’ s-sejħa tiegħu u l-missjoni li
jagħmilli, allura lili wkoll jagħtini l-missjoni biex dik l-istedina
li għamel lili, jiena nwassalha wkoll lill-oħrajn.
Fis-silta ta’ qabel,
kien Indri
li mar jagħti
x-xhieda tal-esperjenza tiegħu
ma’
ħuh,
Xmun.
F’din is-silta huwa Filippu li jmur fuq Natanjel
u jagħmel
l-istess.
-
Kemm jiena konxju li is-sejħa
tiegħi
ukoll
ġejja
minnu?
-
Kemm jiena grat lejH ta’
din is-sejħa
li għamilli?
-
Kemm jiena fidil
fil-missjoni li qed naqdi wara s-sejħa
li irċevejt?
-
Jista’ jkun li forsi naħseb
li bil-ħidma
tiegħi
qed nagħmel
pjaċir
lil xi
ħadd,
forsi lill-Kappillan jew ngħid
b’sinċerità,
kif qalilna
Ġesù
stess, “Jiena qaddej ma niswa għal
xejn. Għamilt
biss dak li kelli nagħmel.”
(Lq 17:10)
-
Nifhem li l-missjoni li
nwettaq mhux tiegħi,
imma tiegħu?
“Sibna lil dak li fuqu kitbu Mosè u l-profeti.”
“Sibna l-Messija”.
X’ironija hemm fil-bniedem! Ngħid
li sibt lil
Ġesú
f’ħajti,
meta kien hu li sabni l-ewwel. Meta naħseb
li sibtu jien, Hu jkun diġà
qiegħed
hemm jistenna li nintebaħ.
Li nagħrfu.
F’din il-ġrajja, bħal donnu mhux ċar, min sab lil min. L-ewwel
l-evanġelista jgħidilna li kien Ġesù li sab lil Filippu.
Issa Filippu jgħid ma’ Natanjel, “Sibna lil dak li fuqu
kitbu Mosè u l-profeti. Iżda f’dan kollu ma hemm ebda
kontradizzjoni għaliex kif jgħid Thomas Merton
fil-ktieb tiegħu, The Silent Life, “Ħadd ma jista’
jsib lil Alla, jekk Alla ma jkunx sab lilu qabel.”
-
Jien sibtu lil Alla jew għadni nikkuntenta lili nnifsu biss
bir-rakkonti li nisma dwaru?
-
Jekk
tassew sibtu, lil min mort ngħid
b’din s–sejba tiegħi? Għaliex jekk din l-esperjenza
tiegħi għadni
ma bdejt naqsamha ma ħadd, allura aktarx li mhux veru sibtu.
-
Jekk lil Alla għadni ma sibtux, allura jfisser li lanqas qiegħed
inħalli lilu jsib lili?
-
X’inhuma dawk il-ħwejjeġ f’ħajti li
qiegħed infittex minfloku?
"Ara, dan tassew wieħed li ma hemm ebda qerq fih."
Alla huwa dak li jagħraf
dak kollu li hemm f’qalb il-bniedem. Jikteb San
Ġwann,
“Ġesú
kien jaf lil kulħadd
u ma kellux bżonn
min jagħtih
xhieda fuq il-bniedem għax
hu stess kien jaf x’hemm fil-bniedem. (Ġw
2:24)
-
Meta nitkellem ma’ Alla u dwaru, kemm jiena sinċier fi
kliemi?
-
Fit-talb ngħidlu biss dak li naħseb li jogħġbu u
nipprova naħbilu dak li hemm f’qalbi?
-
Nemmen li l-Missier
jaf x’hemm f’qalbi qabel ma nitlobulu? (Mt 6:8) Jiena nkun
għadni lanqas lissint il-kelma, u l-Mulej jkun diġà jafha
kollha (Salm 139:4) Forsi huwa ma jħobbx aktar il-qalb
sinċiera? (Salm 51:8)
-
Naf li ma Alla
m’hemm bżonn
noqgħod
nagħrbel
il-kliem qabel ngħidulu.
Naf li huwa ma jieħux
għalih.
Basta miegħu
inkun sincier.
Għad taraw is-sema miftuħ …
Dak li seħħ fit-tlugħ ta’ Ġesù fis-sema jew dak li għad irid
iseħħ fit-tieni miġja tiegħu?
-
Nemmen li għad irid jerġa
jiġi biex jagħmel ħaqq mill-ħajjin u mill-mejtin?
Forsi mhux
dan huwa dak li nistqarr fil-kredu.
-
Dan għadni nemmnu, jew
hemm xi veritajiet minn dak li temmen u tistqarr il-Knisja,
li llum m’għadhomx jagħmlu parti mill-kredu li nemmen jien?
Per eżempju,
il-Qawmien mill-imwiet? Il-gudizzji tiegħi
u dak universali li għad
irid isir fl-aħħar
għal
kulħadd?
L-infern? Il-ġenna?
L-eżistenza
l-eżistenza
u l-immortalità ta’ ruħ
il-bniedem?
|
|
T
Talb
|
Mulej, inti Sid
il-jiem u ż-żminijiet. Irridek tkun ukoll is-Sid ta’ kull
jum u kull għada fil-ħajja tiegħi.
Mgħallem,
jiena wkoll irrid nimxi warajk. Erġa’ sejjaħli llum ukoll u
aħfirli ta’ kull darba li sejjaħtli u ma weġibtekx.
Mulej Ġesù,
tant drabi f’ħajti qrajt u smajt dak li qalu dwarek
il-profeti tiegħek. Imma lilek għadni ma sibtekx. Għinni
nitolbok biex infittex sewwa fija nnifsi, għax ninsab ċert
li meta nidħol fil-kamra tiegħi ta’ ġewwa, lilek insibek
hemm tistennieni.
Alla tiegħi,
jiena bħal ktieb miftuħ quddiemek. Inti biss tagħraf dak li
hemm fil-fond ta’ qalbi. Saffini minni nnifsi u minn kull
qerq li hemm fija.
Mulej,
jiena nemmen. Għini nitolbok fil-fidi dgħajjfa tiegħi.
Ġedded fija l-Ispirtu Qaddis tiegħek biex ngħix kull jum ta’
ħajti fl-istennija tal-miġja tiegħek.
|
