|
Sa mill-bidu
tal-ħolqien Alla għamilhom raġel
u mara |
Il-Ħadd, 4 ta' Ottubru 2015
Is-Sebgħa u Għoxrin Ħadd matul is-Sena (Sena
B). Riflessjoni fuq l-Evanġelju ta' San
Mark (10:2-16) minn Dun Pawl Camilleri.
Video iffilmjat u editjat minn George
Palmier. Iżjed riflessjonijiet fuq l-Evanġelju
issibuhom fil-Youtube Channel - Parrocca
Iklin Malta.
Fdak iż-żmien, resqu xi Fariżej lejh, u
biex iġarrbuh staqsewh jekk raġel jistax
jitlaq lil martu. Weġibhom u qal: "X'ordnalkom
Mosč?" Qalulu: "Mosč ta l-permess li
wieħed jagħmel il-kitba tad-divorzju, u
jibgħatha." Mbagħad weġibhom Ġesų: "Minħabba
l-ebusija ta' qalbkom kitbilkom dan l-ordni.
Iżda sa mill-bidu tal-ħolqien Alla
għamilhom raġel u mara.
Għalhekk mela raġel iħalli lil missieru
u 'l ommu u jingħaqad ma' martu, u t-tnejn
isiru ġisem wieħed. Għalhekk m'humiex
iżjed tnejn, imma ġisem wieħed. Mela dak
li għaqqad Alla ma għandux jifirdu l-bniedem."
Xħin daħlu d-dar id-dixxipli reġgħu
staqsewh fuq dan, u hu qalilhom: "Min
jitlaq lil martu u jiżżewweġ oħra jkun
ħati ta' adulterju kontra l-ewwel waħda;
u jekk mara titlaq lil żewġha u
tiżżewweġ ieħor tkun ħatja ta'
adulterju."
Ġibulu quddiemu xi tfal ċkejknin biex
iberikhom, iżda d-dixxipli tiegħu qabdu
jgħajjtu magħhom. Ġesų, meta ra hekk,
inkorla u qalilhom: "Ħalluhom it-tfal
żgħar jiġu għandi; iżżommuhomx, għax ta'
min hu bħalhom hija s-Saltna ta' Alla.
Tassew ngħidilkom, li min is-Saltna ta'
Alla ma jilqagħhiex bħal tifel ċkejken
ma jidħolx fiha." Mbagħad ħaddanhom
miegħu u qiegħed idejh fuqhom u berikhom.