F’dan il-filmat qasir bi
produzzjoni tal-Kummissjoni
Djoċesana
Żgħażagħ, Fr Martin
Cilia jitkelem dwar it-tifsira
tad-dixxipulat nisrani fil-ħajja tal-lum. Xi tfisser li nkunu dixxipli ta’ Ġesù illum? Kif
nistgħu nikbru fid-dixxipulat
tagħna? X’qawwa tagħtina l-ħajja
tad-dixxipulat?
Inwasslu
l-imħabba ta’ Ġesù lill-oħrajn
Mill-Evangelii
Gaudium tal-Papa Franġisku
Li nkunu dixxipli
jfisser li jkollna dispożizzjoni
permanenti biex inwasslu l-imħabba
ta’ Ġesù lill-oħrajn, u dan iseħħ
b’mod spontanju kullimkien, fit-triq,
fil-pjazza, fuq ix-xogħol, tul vjaġġ."
Naf li Alla jeżisti minħabba l-effett li ħalla fil-ħajja tiegħi.
“Lil Alla qatt ma
rajtu, però għamel effett kbir
fil-ħajja tiegħi. … Meta bdejt
ngħix bħal ma jgħidilna Hu, ħajti
inbidlet ta’ taħt fuq. … Jiena naf
li jeżisti minħabba l-frott li qed
iħalli fil-ħajja tiegħi. … Kemm
jien iffurtunat li għandi din
il-fidi!”
◄
Kompli isma’ x-xhieda
taż-żagħżugħ Nicky Portelli.
Ikklikkja fuq l-istampa.
Minn
missjunarju mormon għall-seminarista
kattoliku.
Thomas Smith trabba f’familja ta’
twemmin Mormon. F’din l-intervista
li saritlu minn Marcus Grodi
tal-EWTN huwa stqarr li t-twemmin
tiegħu
kien kollox għalih;
kien
ħajtu
kollha,
tant li bħala
żgħażugħ
huwa mar jagħmel
sentejn
ħidma
missjunarja biex jipperswadi
lill-insara biex huma wkoll isiru
Mormons. Allura x’wasslu li huwa
stess mhux biss isir kattoliku imma
wkoll jidħol
f’seminarju biex iħejju
ruħu
għas-saċerdozju?
◄
Ara l-filmat fuq ix-xellug.
“Qtilt erbgħa minn uliedi”
Ġrajja
ta’ koppja li wettqu abort fuq erbgħa
minn uliedhom. Wara konverżjoni
straordinarja, huma kellhom
żewġ
subien li rabbewhom b’għożża
u mħabba
kbira, imma “Kull
meta nħares
f’wiċċhom
niftakar li hemm erbgħa
oħra
li mhu se nara wiċċhom
qatt …
ħlief
meta mmur
hemm, ħdejhom.”
◄
Ara l-filmat fuq ix-xellug.
Id-droga ma tintrebaħx bid-droga!
Id-droga hi xi ħaġa ħażina.
Il-Ġimgħa, 20
ta' Ġunju 2014:
Il-flaġell tad-droga qed ikompli jinxtered f’forom u
f’dimensjonijiet li jimpressjonawk; hu sostnut minn suq moqżież li ma jafx bi
frunitieri nazzjonali u kontinentali. ... Irrid ngħid b’mod ċar ħafna li d-droga ma tintrebaħx bid-droga!
Id-droga hi xi ħaġa ħażina, u fejn hemm dak li hu ħażin la tista’ ċċedi u
lanqas tagħmel kompromessi. Żgur li l-problema ma ssolvix ruħha billi wieħed
jaħseb li ser inaqqas il-ħsara jekk jagħti permess li jintużaw psikofarmaċi
minn dawk il-persuni li jkomplu jagħmlu użu mid-droga. Il-legalizzazzjoni ta’
dawk li jissejħu “drogi ħfief”, anki jekk din tkun parżjali, mhux biss hi xi
ħaġa diskutibbli fuq livell leġiżlattiv, iżda lanqas ma twassal għall-effetti
maħsuba.
Wara 42 sena bħala Pastor ta'
komunità protestanta, Cliff Bajema u
martu saru kattoliċi. "Ridt
niltaqa' ma' Kristu. Ridt immissu u
narah. Ridt induqu fl-Ewkaristija
u fil-liturġija."
Kompla jgħid … “Qatt aktar ma nista’
ngħid li mort il-Knisja għalxejn
għax l-omelija kienet fqira. Il-liturġija
tpatti biżżejjed għan-nuqqasijiet
tas-saċerdot.”
Dak li qal dwar l-Ewkaristija u l-liturġija
jista' jkun ta' ċanfira għalina li
mhux dejjem napprezzaw biżżejjed dan
is-Sagrament kbir tal-Imħabba ta'
Alla.
L-Isfida
ta’ Nisrani fil-politika u fil-ħajja
biex jgħix il-fidi
..."
Il-Ħamis, 12 ta’ Ġunju 2014:
Fiċ-Ċentru Pastorali tal-parroċċa
San Ġużepp Ħaddiem, Birkirkara, saret,
diskussjoni publika dwar l-isfidi
ta’ Nisrani fil-politika u fil-ħajja
biex jgħix il-fidi f’kull ħin u
f’kull post..
Ħadu
sehem
Fr Joe Galea Curmi flimkien
mal-Onorevoli Membri Parlamentari,
Robert Cutajar, Marlene Farrugia,
Tonio Fenech u Silvio Parnis.
Mexxa d-diskussjoni Andrea Pace.
Kienet kordinata mis-Segretarjat
għal-Lajċi.
Il-Knisja f’Malta wieġbet għas-sejħa
tal-Papa biex isir talb għall-paċi.
Erbgħa,
4 ta’ Ġunju 2014:
Il-Knisja f’Malta wieġet għas-sejħa
tal-Papa Franġisku
(ara filmat
fuq ix-xellug) biex l-insara
jingħaqdu fit-talb għall-paċi fl-Art
Imqaddsa. Dan hekk kif nhar il-Ħadd,
8 ta’ Ġunju 2014, il-Papa Franġisku
ser ilaqqa’ l-President Palestinjan
Mahmoud Abbas u l-President
Iżraeljan Shimon Peres fil-Vatikan,
għal mument ta’ talb għall-paċi.
Din l-istedina twasslet direttament
liż-żewġ mexxejja mill-Papa
Franġisku, waqt iż-żjara li huwa
għamel fl-Art Imqaddsa bejn l-24 u
s-26 ta’ Mejju 2014.
Il-Papa Franġisku: “Nitlobkom biex ma tħalluniex waħidna.”
Erbgħa, 28
ta’ Mejju 2014:
Fl-Udjenza Ġenerali, waqt li tkellem
dwar il-pellegrinaġġ tiegħu fl-Art
Imqaddsa, il-Papa Franġisku fakkar
fl-istedina li huwa għamel
lill-Mexxejja tal-Palestina u ta’
Iżrael biex imorru l-Vatikan biex
jitolbu miegħu għall-paċi.
Imbagħad kompla,
“U
jekk jogħġobkom, nitlobkom biex
ma tħalluniex waħidna: itolbu
intom ukoll, itolbu ħafna biex
il-Mulej jagħtina l-paċi,
jagħtina l-paċi f’dik l-Art
imbierka! Se nserraħ fuq
it-talb tagħkom. Bil-qawwa,
itolbu, f’dan iż-żmien, itolbu
ħafna biex tasal il-paċi.”
Aħna se nwieġbu għal din
is-sejħa imqanqla tal-Papa? Jew
forsi nippretendu li din ma
tgħoddx għalina?
Netanyahu lill-Papa, “Aħna nitolbu
għalik u inti itlob għalina!”
It-Tnejn, 26 ta' Mejju 2014:
Matul dan il-vjaġġ tiegħu fl-Art
Imqaddsa, il-Papa Franġisku stieden
lill-President Abbas tal-Istat
Palestinjan u lill-President Peres
tal-Iżrael biex imorru fir-residenza
tiegħu fil-Vatikan ħalli jitolbu
flimkien miegħu. Dan huwa pass kbir
fit-triq tal-paċi.
Imbagħad fi tmiem dan
il-pellegrinaġġ, huwa u jsellem
lill-Papa, il-Prim Ministru ta’
Iżrael Netanyahu qallu, “We pray
for you and you pray for us”.
Aħna lesti nagħmlu l-istess? Bħala
nsara u bħala Knisja f’Malta, lesti
nitolbu flimkien aħna
wkoll?
Memorja u Identità
-
Diskussjoni dwar ktieb
ta'
Ġwanni Pawlu II
Il-Ħamis, 8 ta’ Mejju 2014:
Fl-okkazjoni tal-kanonizzazzjoni
tal-Papiet Ġwanni XXIII U Ġwanni
Pawlu II, iċ-ĊAK, b’kollaborazzjoni
mas-Segretarjat għal-Lajċi organizza
laqgħa li biha fakkar il-memorja ta’
dawn il-Papiet u fl-istess waqt
għinna naraw x’inhi l-identità
tagħna fid-dawl tal-ktieb ta’ Ġwanni
Pawlu II, “Memorja u Identità.
Ħadu sehem Dr Eddie Fenech Adami,
Mons. Anton Gouder, u l-Onor.
Parlamentari George Vella u
Claudette Buttigieg. Id-diskussjoni
tmexxiet minn Ms Sara Portelli u Mr
Andrea Pace.
Il-Ħamis,
24 ta’ April 2014, 7.30pm:
Is-Segretarjat għal-Lajċi tal-Arċidjoċesi ta’ Malta organizza laqgħa ta’ diskussjoni bit-tema,
“L-Ittra Pastorali tal-Isqfijiet għal żmien ir-Randan: Sehmna
fil-Bini tas-Soċjetà”.
Il-laqgħa saret
fil-Katekumenju tal-Mosta u fiha ħadu sehem l-Onorevoli
Membri Parlamentari Carmelo Abela, David Agius, Charlo
Bonnici u Luciano Busutill, flimkien mas-Saċerdot
ir-Reverendu Dun Joe Galea Curmi. Fi tmiem il-laqgħa kien
hemm ħin qasir għall-interventi minn dawk preżenti.
Il-laqgħa tmexxiet Sinjuri Matteos Galea u Benjamin
Camilleri.