|
Talba
Jum Dinji taż-Żgħażagħ
Lisbona 2023
O Verġni taż-Żjara,
li mort tħaffef lejn l-għoljiet
biex tiltaqa’ ma’ Eliżabetta,
ħeġġiġna nimxu biex noħorġu niltaqgħu
ma’ dawk kollha li qed jistennewna
nwasslulhom il-Vanġelu ħaj:
Ġesù Kristu, Ibnek u Sidna!
Immorru nħaffu
bla distrazzjoni jew dewmien,
imma minnufih u bil-ferħ.
Immorru bis-sliem,
għax min għandu lil Kristu għandu l-paċi,
u aħjar “tagħmel it-tajjeb” milli “toqgħod tajjeb int”.
Verġni taż-Żjara,
ħalli dan il-Jum Dinji taż-Żgħażagħ,
imnebbaħ minnek,
ikun ċelebrazzjoni reċiproka ta’ Kristu
li aħna nġorru magħna, kif għamilt int.
Agħmel li jinbidel f’okkażjoni ta’ xhieda
u qsim, ta’ fraternità u gratitudni,
aħna u nfittxu ’l-oħrajn li wkoll qed jistennew.
Miegħek inkomplu nterrqu
f’din il-mixja tal-laqgħa,
biex id-dinja tista’ tingħaqad
fil-fraternità,
fil-ġustizzja u fil-paċi.
Għinna,
Verġni taż-Żjara,
biex inwasslu lil Kristu għand kulħadd,
f’ubbidjenza lejn il-Missier,
fl-imħabba tal-Ispirtu!