O Glorjuża Omm ta’ Alla,

mgħollija ’l fuq mill-kori tal-anġli,

itlob għalina flimkien ma’ San Mikiel Arkanġlu,

mal-qawwiet kollha tal-anġli tas-sema

u mal-qaddisin kollha,

quddiem l-Iben qaddis u maħbub tiegħek,

Sid u mgħallem tagħna.

Ikseb għall-Art Imqaddsa,

għal uliedha kollha

u għall-familja sħiħa tal-bnedmin

id-don tar-rikonċiljazzjoni u tal-paċi.

Agħmel li sseħħ il-profezija tiegħek:

ħa jixterdu dawk li huma mkabbra f’qalbhom;

ħa jitniżżlu s-setgħana minn fuq it-tron tagħhom,

u sa fl-aħħar jitgħollew iċ-ċkejknin;

dawk li huma bil-ġuħ jimtlew bil-ġid,

dawk li jġibu s-sliem jingħarfu bħala wlied Alla,

u ta’ qalbhom ħelwa jkollhom b’wirthom l-art.

Ħa jaqlgħalna dan kollu Ġesù Kristu, Ibnek,

li llum għolliek

’il fuq mill-kori tal-anġli,

inkurunak bil-kuruna tas-Saltna,

u qegħedek fuq it-tron tal-ġmiel etern.

Lilu kull ġieħ u glorja għal dejjem ta’ dejjem. Amen.

Il-Kardinal Pierbattista Pizzaballa

Patrijarka Latin ta’ Ġerusalemm