|
|
|
IL-FEHMA TAL-PAPA GĦAT-TALB
GĦAL MATUL KULL XAHAR TAL-2024
Jannar - Għar-Rigal tad-Diversità fil-Knisja
Nitolbu l-għajnuna tal-Ispirtu s-Santu ħalli nagħrfu r-rigal tal-kariżmi differenti fil-komunità Nisranija u biex niskopru r-rikkezza tat-tradizzjonijiet ritwali diversi fil-Knisja Kattolika - klikkja ...
Frar - Għall-Pazjenti b’Mard Terminali
Nitolbu biex il-pazjenti b’mard terminali u l-familji tagħhom jirċievu l-kura u l-akkumpanjament meħtieġ kemm fiżiku kif ukoll spiritwali - klikkja ...
Marzu - Għall-Martri Ġodda
Nitolbu sabiex dawk li jissugraw ħajjithom għall-Vanġelu f’diversi naħat tad-dinja jħeġġu l-Knisja bil-kuraġġ u bl-entużjażmu tagħhom - klikkja ...
April - Għar-Rwol tan-Nisa
Nitolbu biex kull kultura tagħraf id-dinjità u l-valur kbir tan-nisa ħalli tintemm id-diskriminazzjoni li jġarrbu f’diversi partijiet tad-dinja - klikkja ...
Mejju - Għall-Formazzjoni tar-Reliġjużi u tas-Seminaristi
Nitolbu sabiex ir-reliġjużi nisa u rġiel, u s-seminaristi, jikbru fil-vokazzjoni tagħhom permezz tal-formazzjoni umana, pastorali, spiritwali u komunitarja li twassalhom ikunu xhieda kredibbli tal-Vanġelu - klikkja ...
Ġunju - Għall-Migranti li Jaħarbu minn Djarhom
Nitolbu għall-migranti li jaħarbu mill-gwerra u l-ġuħ, u li jkollhom jivvjaġġaw fost perikli kbar u vjolenza, biex il-pajjiżi li jirċevuhom jilqgħuhom tajjeb u joffrulhom opportunitajiet ġodda.
Lulju - Għall-Kura Pastorali tal-Morda
Nitolbu biex is-Sagrament tal-Griżma tal-Morda jwassal il-qawwa ta’ Alla lil dawk li jirċevuh u lill-maħbubin tagħhom, u jkun dejjem aktar sinjal viżibbli ta’ kompassjoni u tama għal kulħadd.
Awwissu - Għall-Mexxejja Politiċi
Nitolbu għall-mexxejja politiċi biex ikunu għas-servizz tan-nies tagħhom, jaħdmu għall-iżvilupp integrali tal-bniedem u għall-ġid komuni, b’mod speċjali jieħdu ħsieb tal-fqar u ta’ dawk li tilfu x-xogħol.
Settembru – il-Karba tad-Dinja
Nitolbu li kull persuna tisma’ u ġġarrab il-karba tad-dinja u tal-vittmi tad-diżastri naturali u tal-kriżi klimatika, ħalli nimpenjaw ruħna personalment biex nieħdu ħsieb tad-dinja li ngħixu fiha.
Ottubru – Għal Missjoni Flimkien
Nitolbu biex il-Knisja tibqa’ ssostni b’kull mod stil ta’ ħajja sinodali, billi tinkoraġġixxi lis-saċerdoti, lir-reliġjużi u ‘l-lajċi jkunu lkoll responsabbli bil-parteċipazzjoni flimkien f’missjoni waħda.
Novembru – Għal min tilef it-tarbija
Nitolbu sabiex il-ġenituri kollha li jibku t-telfa ta’ binhom jew ta’ binthom isibu għajnuna mill-komunità tagħhom u jirċievu l-paċi tal-qalb mill-Ispirtu tal-faraġ.
Diċembru – Pellegrini ta’ Tama
Nitolbu sabiex dan il-Ġublew issaħħaħ il-fidi tagħna, jgħinna nagħrfu lil Kristu Rxoxt fil-qalba ta’ ħajjitna, u jagħmilna pellegrini ta' tama Nisranija.
Għal aktar mill-Papa Franġisku klikkja fuq l-istampa ▲