-
Biex nibdew tajjeb ngħid li jien m’hiniex katekist,
m’hiniex espert fil-qasam, il-katekiżmu m’hiex l-għalqa
tiegħi u ma nirrapreżenta l-ħadd.
-
Dak li ser nagħmel hu li ser nitkellem dwar dawk li fl-opinijoni
tiegħi huma id-diffikultajiet li wieħed jikkatekizza
llum; b’riflessjonijiet ġenerali (u għalhekk mhux
preċiżi) fuq il-katekeżi f’Malta u fuq il-kuntest li fih
din isseħħ.
-
B’mod ġenerali naħseb li, minkejja l-mezzi moderni u l-faċilitajiet
kollha, t-twassil tal-bxara t-tajba llum hi biċċa xogħol
diffiċli ħafna.
-
Mhux qed ngħid b’kuntrast ma xi żmien fittizzju tad-deheb
li għadda, u li fil-veritá qatt m’eżista.
-
Laqnas qed nifhem dan f’termini ta’ attendenzi ta’
ritwali u l-attendenza għal dawn li dejjem tonqos.
-
Qed nirreferi għal possibilita’ ta’ katekizmu fi żmien
kriżi ta’ valuri, jiġifieri krizi jew aħjar degrad
f’dak li aħna ngħatuh valur u li nistmaw ft-treġija ta’
ħajjitna.
-
Biex niċċara ftit fuq dan, bi ‘kriżi ta’ valuri’ wieħed
m’għandhux sempliċement jifhem dak li spiss jiġi mifhum
b’din il-frażi meta tintuża fil-media jew
f’imkejjen oħra, jiġifieri l-idea li xi darba kellna
valuri u li llum m’għandna xejn . Kull soċjetá se
ikollha l-valuri tagħha; kull socjeta’ ser ikollha l-affarijiet
li taghtihom valur u li l-membri taghha ser jistmaw fit-tregija
ta’ hajjithom.
-
Qed madankollu ngħid li hawn krizi ta’ valuri għax ma
naħsibx lil-valuri predominanti li hawn jgħollu l-bniedem
, kemm f’sens purament uman u, aktar u aktar, f’sens
Kristjan.
-
Tajjeb insemmi ukoll li dawn il-valuri li jinsabu fi
kriżi mhux qed nifhem xi ħaġa li teżisti fl-arja; jew li
m’għadhomx dak li kieny sempliċement għax jum fost l-oħrajn
in-nies iddeċidew li li jibdew ifasslu ħajjithom mod
ieħor min kif kienu fiż-żmien antik tad-deheb, li kif ġa
għidt fir-realtà qatt m’eżista.
-
Il-kriżi tal-valuri li hawn ma tistax tiġi mifhuma jekk
mhux f’rabta mas-soċjetá li fiha qed iseħħ; mal-mod kif
soċjetá bħal din torganizza lilha nfisha soċjalment,
kulturalment (fis-sens wiesgħa tal-kelma ‘kultura’) u
ekonomikament.
-
Infatti, hawn ekonomija; dik kapitalista fil-fażi stroka
tal-iżvilupp tagħha fil-preżent, li tippromwovi l-antagoniżmu
u l-kompetizzjoni bejn persuna u oħra;
u li għalhekk tagħmilha diffiċli wieħed jemmen li
nistgħu nħarsu lejn xulxin bħala famlija waħda; wlied l-istess
missier jew omm li Hu jew Hi Alla fis-sema.
-
Hawn soċjetà
u ekonomija imsejsa fuq l-invidiwaliżmu
u l-konsumiżu,
fejn li l-uniċi
realtà li jgħarfu
hi dik materjali, u fejn l-uniċi teżori
li tanmmetti huma dawk li wieħed jistà jaħżen
ġo
bank.
-
Hawn soċjetà
u eknomija fejn dak li hu importanti hu dak li jdher u
dak li jeżisti issa; fejn il-bniedem hu
apprezzat skond kemm jipproduċi,
jikkonsma jew kif jidher.
-
Mhux ta’
b’xejn allura, li bosta huma dawk li jew tilfu
t-twemmin, bħalma
ġara f’ħafna pajjiżi Nord Ewropej, jew inkella, kif nisuspetta li ġara
f’pajjiżna,
żammew biss twemmin nominali. Twemmin li spiċċa
mejjet; twemmin jew tal-fomm biss jew distort. Dan
ivarja minn twemmin f’Alla li hu sempliċi
fus li miegħu
idur l-univers (għax għadna nemmnu li dan jeħtieġ fus
biex idur miegħu), jew twemmin ieħor
li juri l’Alla bħala
xi dittatur kożmiku
li jitlob talb u osservazzjonijiet kapriċċużi u li ma jeħtieġx, u li madankollu jistà jinxtara b’sempliċi
talba, quddiesa jew offerta, bħalma
l-Allat pagani tal-qedem kienu jinxtraw b’sagrifiċju ta’ bhima. Alla bħal
dan hu komdu għax jekk nagħtuh it-tewba tiegħu, iħallina
nagħmlu li rridu.
-
Agħar
u agħar,
f’mumenti ta’ kriżi li l-istess fasliet ekonomiċi
u politċi msemmija jwelldu, dan Alla jispiċċa biss
simbolu jew bandiera li nxejru kontra dawk li naraw bħala
theddida.
Xi ħaġa li tirrapreżenta l-kultura tagħna, bħalma
fil-każ tagħna l-Maltin, jipprapreżentaw dan Ġaħan u
l-ħobż biż-żejt. Flok inħabblu moħħna li Kristu mhux
qiegħed fil-qalb; u nefasizza mhux qiegħed fil-qalb
jiġifieri mhux bil-fors hu nieqes mill-fomm; noqgħodu
niġġieldu dwar il-bżonn li s-salib tiegħu ikun imdendel
mal-ħajt u nagħmlu kruċjati ġodda kontra għedewwa li ma
jeżistux.
-
Fl-opinjoni tiegħi, quddiem dan kollu il-katekiżmu
għandu kemm jgħarrex għas- sinjali taż-żminijiet, kif
ukoll ifittex li jkun sinjal ta’ kontradizzjoni.
-
Għandu jagħraf li hawn realtà li hi qed issiba diffiċli
temmen, u fejn in-nuqqas ta’ twemmin mhux bil-fors hi
tort tal-individwu.
-
Għandu jagħraf ukoll li dan il-fenomenu hu marbut
m’oħrajn; li kif semmejt aktar il-fuq huma ekonomiċi,
politċi u soċjali. Katekiżmu rilevanti, ma jistgħax
jinorja dan kollu.
-
Għandu jaċċetta li m’hemmx formula waħda,u li mhux
bil-fors; la qiegħdin f’din ir-realtà, il-valur li
jirrapreżenta ser jirbħu.
-
Madankollu, sinal ieħor taż-żminijiet li għandna nagħrfu
hu li din is-soċjetà m’hiex omoġenja (bħalma fl-aħħar
mill-aħħar m’hiex l-ebda soċjetà), u li hawn ħafna li
qed ifallu fl-ideali li hi tpoġġi.
-
Dan qed joħloq deżert; kemm materjali u kemm kulturali u
spiritwali (mhux biss f’sens Kristjan, imma f’wieħed
aktar wiesgħa tal-kelma li mhux bil-fors hu reliġjuż).
-
Dversi aspetti ta’ dan id-deżert hi ħaġa li wħud barra
mill-Knsija; li jinkludu nies li mhux bil-fors jemmnu,
fehmu. Eżempji li jiġu m’moħħi huma nies impenjati favur
l-ambjent, favur l-annimali, il-volontarjat, movimenti
bħall-Graffiti u oħrajn.
-
Allura, hawn min hu bil-għatx għal loġika u mod ta’
ħsieb differenti.
-
F’dan ir-rigward xtaqt nefasizza ftit l-aspett materjali
u r-rabta ta’ dan mal-katekiżmu, b’mod madankollu li ma
nifmhux li dan m’għandu ebda rabta ma dak spiritwali;
duwaliżmu pervers li hu wirt ħażin tal-Manikeiżmu li
spiss ikkaraterizza diversi forom ta’ reliġjożità u ta’
katekiżmu marbuta ma din.
-
Waqt li nibqgħu inżommu l-ideal Kattoliku, jiġifieri
universali, għandna nagħrfu li l-idea ta’ one size fits
all, m’għadx baqá żmienna f’dik li hi katekeżi.
-
Irridu nagħrfu li hawn realtajiet differenti, minkejja
li marbuta b’xulxin, hu li x-xandir. tal-bxara t-tajba
trid tadatta ruha għal dawn ir-realtajiet.
-
Id-differenzi huma varji. Marbuta m’eta u ma sess.
Rigward tal-ewwel ngħidu aħna, għandna immorru l’hinn
minn ‘katekiżmu tat-tfal’ adattat għall-adulti. Il-katekist
għandu juża r-riżorsi pedagoġiċi, anke dawk umani, li
jgħinuha ikun aktar relevanti u dinjituż.
-
Hemm differenzi oħra marbuta ma sotto-kultura u gruppi
etniċi.
-
Hemm oħrajn marbuta ma klassi u l-fasla soċjali.
-
Ma jistax ikun li, ngħidu aħna l-katekiżmu mxandar
f’realtà ta’ faqar fit-tliet ibliet, ikun imxandar
bl-istess mod ta’ qasam tal-mużew f’area fejn
joqgħodu nies ta’ klassi tan-nofs jew aħjar li għaddejin
mhux ħażin, bl-iskuża falza u gnostika, li waqt li
l-bżonnijiet tal-ġisem taż- żewġ realtajiet huma
differenti, dawk tar-ruħ huma l-istess.
-
Katekiżmu rilevanti għandu jkun sinjal ta’
kontradizzjoni. Kontradizzjoni għal min qiegħed sewwa;
ifakkru li hawn realtà aktar, u li mhux kulħadd hu
bħalu, imma hawn min qed ibati u jkun sfruttat. Sinjal
ta’ kontradizzjoni għall-emarġinat, l-eskluż u l-fqir;
jurih li t-twemmin li din hi l-aħjar dinja possibli; li
l-affarijiet ma jistgħux jinbidlu u li s-saltna t’Alla
ma tistax tiġi fl-art imma tintlaħaq biss fis-sema
(kuntrarju għal dak li tgħid il-Missierna kif isostni
ħabibi Fra Ġwann Xerri) hi dawgħa kontra l-iSpirtu
s-Santu.
-
Sinjal taż-żminijiet ieħor li rridu ngħarfu hu li llum,
anke f’dik li hi appartenza reliġjuża formali,
m’għadniex (hemm min jgħid sfortunatament, jien ngħid
bil-kontra), realtà waħda u omoġenja.
-
Anke fost il-kattoliċi stess, kif ġa għidna, hemm
realtajiet differenti bi ħtiġijiet partikulari, li mhux
dejjem il-katekeżi attwali qed tgħati kashom.
-
Waħda minn dawn ir-realtajiet hi dik tal-immigranti
Afrikani u mhux li huma kattoliċi.
-
Rigward l-immigranti Kattoliċi, din hi realtà li mhux
biss il-poplu inġenerali jinjora (spiss jassumi li dawn
kollha Musulamni), imma anke l-Knisja donnha ma tqishomx
parti mill-merħla tagħha; kemm fuq livell ta’ djoċesi, u
kemm fuq livell ta’ parroċċa.
-
Bosta mill-Kappillani fil-parroċċi fejn hemm kampijiet
miftuħa ngħidu aħna, ma jafux li l-immigranti Kattoliċi
huma parti mill-parroċċa tagħhom daqs l-ixjeħ parruċċan;
jassumu li l-appartenza għal parroċa jew djoċesi hi
kwestjoni ta’ twelid u mhux ta’ residenza, kif fil-fatt
hi.
-
F’dik li hi katekeżi għal dawn l-immmigranti, dawn
jinsabu f’sitwazzjoni paradossali li qiegħdin f’pajjiż
fejn il-maġġoranza hi kattolika, imma fejn il-ħtiġijiet
spiritwali ta’ ħuthom. Musulmani jew Protestanti huma
aktar moqdija; ħaġa li qed japprofittaw minnha bosta
settet
-
Katekisti hawnhekk, għandhom jieħdu l-inizzjattiva u
mhux jistennew il-kappillan jew lil ħaddieħor jieħu l-inizjattiva
hu.
-
Hawnhekk xtaqtx nagħmel ftit riflessjonijiet fuq il-mod
li bih tradizzjonalment inftiehmet il-kelma katekiżmu.
-
Spiss din il-kelma ġiet mifhuma f’termini ta’ xi ħadd li
għandu xi ħaġa sħiħa, li jgħaddi din il-ħaġa lil xi ħadd
ieħor li m’għandu xejn; bħallikeiku tazza mimlija
tgħaddi l-l-ikwidu lil xi ħaġa vojta.
-
Dan hu żbaljat; kemm teoloġikament (fi kliem Pawlu ta’
Tarsu aħna nafu biss biċċa) u kemm pedgoġikament
-
Ħaddieħor għandu l-esperjenzi tiegħu u l-kategoriji
tiegħu li minnhom jara r-realtá, u jkun att arroganti u
vjolenti li nippretendu li dawn jarmuwhom.
-
Ħaddieħor probabilment ser ikollu wkoll
l-‘ispiritwalità’ tiegħu.
-
Għax ngħarfu li kif jgħid Pawlu ta’ Tarsu aħna nafu biss
biċċa, nipproponi li nibdew nifmhu li l-veritá naslu
għaliha bi djalogu, anke jekk nammetti li l-kelma
‘Djalogu’ hi wkoll kelma li qiegħda fi kriżi, bil-bosta
karikaturi ta’ djalogu bħax-Xarabank u gideb ieħor
jgħarrqu it-tifsira l-aktar sħiħa.
-
Djalogu mhux kontra l-idea t’expertise;u mhux
bil-fors jitfa iħawwad din ma opinjoni iffurmata jew ma
sempliċi opinjoni.
-
Djalogu jammetti awtoritá, imma mhux awtoritarjaniżmu
-
Djalogu jimplika plulariżmu, imma mhux relativiżmu.