|
Messaġġ tal-Papa għal Jum l-Emigranti 1996.
DWAR L-IMMIGRANTI
RREGOLARI
Għeżież
ħuti,
1.
Il-fenomenu
ta’ l-emigranti, bil-problemi kollha tiegħu, jinpenja, illum
aktar milli fl-imgħoddi, kemm il-komunita’ internazzjonali
u kemm kull wieħed mill-Istati tad-dinja. Dawn aktarx
jindaħlu fil-problemi billi jħarxu s-sistemi ta’ kontroll li
għandhom fuq il-fruntieri tagħhom u hekk l-immgrazzjoni
titlef dik id-dimensjoni ta’ żvilupp ekonomiku, soċjali u
kulturali li jmissu jkollha skond l-istorja, tant li dejjem
inqas qed nitkellmu dwar il-qagħda ta’ “emigranti” mill-pajjiżi
minn fejn ikunu ġejjin, u dejjem aktar qed nitkellmu fuq
“imigrati” b’riferenza għall- problemi li joħolqu
fil-pajjiżi fejn imorru jgħixu.
L-immigrazzjoni
qed tieħu sura ta’ emerġenza soċjali, l-aktar għax qed
jikber l-għadd ta’ “immigranti irregolari” imigrazzjoni li
dejjem aktar qed tiżdied minkejja l-ħafna restrizzjonijiet
li qed ikun hemm. L-imigrazzjoni irregolari dejjem kienet
teżisti, u spiss kienet tollerata għaliex tgħin biex dejjem
ikun hemm riserva ta’ nies li tista’ tħaddem meta l-imigrati
regolari jogħlew fil qagħda soċjali tagħhom u jibdew jagħmlu
parti b’mod stabbli mid-dinja tax-xogħol.
2.
Illum il-fenomenu ta’ l-imigranti
rregolari kiber sewwa, kemm għaliex it-talba għall-ħaddiema
barranin dejjem aktar qed tikber minħabba l-esiġenzi li
għalihom mhux biżżejjed il-ħaddiema tal- pajjiż, u kemm
minħabba li dejjem aktar qed jikber l-għadd ta’ nies li qed
jiġu mġegħlin jemigraw bilfors. L-għalaq li hu meħtieġ biex
jinsab tarf għal din il-problema hekk delikata jitlob li
din il-problema ma titwarrabx fil-ġenb jew ma noqogħdux
insemmuha, ukoll għaliex din il-problema qed toħloq
tbatijiet kbar għal-eluf ta’ nies, tbatijiet li dejjem aktar
qed jiżdiedu minflok ma jitnaqqsu. Il-fatt li wieħed ikun
immigrant irregolari skond il-liġI m’għandux ifisser it-tnaqqis
tad-drittijiet tiegħu bħala bniedem, drittijiet li ma
jistgħux qatt jiġu lilu mċaħħdin jew li jitwarrbu fil-ġenb
Irid
jittieħed ħsieb ta’ l-imigrazzjoni irregolari, iżda jeħtieġ
ukoll li bil-qawwa kollha jinġiebu fix-xejn l-inizjattivi
kriminali li qed jipprofittaw mill-imigrazzjoni klandestina.
L-aħjar għażla , li għandha tagħti frott tajjeb li jibqa’,
hi dik tal-koperazzjoni internazzjonli, li bħala għan trid
iġġib ‘il quddiem stabilta’ polotika u twarrab in-nuqqas ta’
żvilupp. Id-differenzi kbar ekonomiċI u soċjali bejn
il-pajjiżi li qed jgħinu l-movimenti migratorju, m’għandux
jitqies bħala xi disgrazzja, imma bħala sfida għas-sens ta’
responsabbilta’ tal-ġens kollu tal-bnedmin.
3.
Il-Knisja tqies il-problema ta’ l-imigranti irregolari fid-dawl
ta’ Kristu li miet biex jiġbor flimkien l-ulied alla li
kienu xterdu (ara Ġw 11,52) biex jiġbor lura dawk li ġew
imwarrbin, u jressaq lejh dawk lit begħdu minnu, biex jiġbor
ilkoll f’xirka waħda mibnija mhux skond ir-razza, il-kultura
u s-soċjeta’ ta’ dik li jkun, imma skond ir-rieda ta’
kulħadd li jilqa’ l-kelma ta’ Alla u jfittex il-ġustizzja
tiegħu. “Alla ma jħares lejn wiċċ ħadd, imma jilqa’ ‘l kull
min għandu l-biża tiegħu u jagħmel is-sewwa, ikun min liema
poplu jkun “
(Atti 10, 34 – 35).
Dak li tagħmel il-Knisja hu skond il-missjoni ta’
Kristu. B’mod partikulari tistaqsi lilha nfisha kif, waqt
li tħġaris il-liġi, tersaq lejn persuna li ma ngħatalhiex
il-permess li tgħix fil-pajjiż li marret. Il-Knisja
tistaqsi wkoll x-siwi għandu d-dritt għall-emigrazjoni meta
m’hemmx iwieġeb għalih id-dritt ta’ l-imigrazzjoni.
Il-Knisja għandha wkoll quddiemha l-problema ta’ kif
timpenja f’din il-ħidma ta’ solidarjeta’ l-komunitajiet
insara, spiss influwenzati minn opinjoni pubblika xi kultant
kontra l-imigranti.
L-ewwel mezz kif tgħin dawn in-nies hu li tismagħhom biex
tagħraf il-qagħda tagħhom u tiżguralhom l-għajnuna meħtieġa,
tkun xi tkun il-qagħda ġuridika tagħhom quddiem l-Istat.
Għalhekk hi importanti ħafna l-għajnuna lill-imigrant
irregolari biex jagħmel kull ma hu meħtieġ ġa jikseb
il-permess biex jibqa’ fil-pajjiż. L-istituzzjonijiet
soċjali u karitattivi jistgħu javviċinaw l-awtoritajiet
ċivili biex ifittxu skond il-liġi, is-soluzzjoni l-aktar
adatta għal kull kas.
Sforz ta’ din is-sura jrid isir l-iktar favur dawk li
jkunu ilhom żmien twil jgħixu fil-pajjiż, u għamlu għeruq
fis-soċjeta’ tal-post, tant li jekk jerġgħu lura lejn
il-pajjiż minn fejn kienu ġew dan ikun għalihom qisu
emigrazzjoni bil-maqlub b’ħsara kbira l-aktar għal
uliedhom.
4. Meta jidher li mhux se jkun hemm ebda soluzzjoni
għall-problema, dawk l-istituzzjonijiet iridu jgħinu lil
dawn in-nies ukoll, jekk ikun meħtieġ, b’għajnuna materjali
jew biex jiġu milqugħin f’pajjiżi oħra biex jerġgħu lura
lejn pajjiżhom.
L-emigrazzjoni in ġenerali u dik ta’ l-imigrant
irregolari hi problema li biex ikollha soluzzjoni tajba
titlob impenn kbir mis-soċjeta’ li fi ħdanha l-imigranti
jienu marru. Fid-dawl ta’ dan hu importanti ħafna li
l-opinjoni pubblika tkun informata dwar il-qagħda vera
tal-pajjiż minn fejn ġew l-imigranti, mill-qagħda traġika li
fiha sabu ruħhom u mir riskju li jidħlu għalih jekk jerġgħu
lura f’pajjiżhom. Il-miżerja u l-iżventura tagħhom huma
raġuni oħra biex bil-qalb kollha wieħed jersaq lejn
l-imigranti.
Jeħtieġ ngħassu kontra kull sura ta’ neorazziżżmu jew ta
mġieba xenofoba li jwasslu biex dawn ħutna jkollhom ipattu
għal xi diffikultajiet tal-qagħda tal-post.
Minħabba l-kobor li kiseb il-fenomenu ta’ l-imigranti
irregolari jeħtieġ li l-liġijiet tal-pajjiżi interessati
f’dan il-fenomenu, sa fejn jista’ jkun, jiġu adattati wkoll
biex ikun hemm tqassim aħjar tal-ħidma għal soluzzjoni
xieraq. Jeħtieġ jiġu evitati regolamenti amministrattivi li
jolqtu l-familji b’mod li jiġu mwarrba unġustament persuni
li ebda liġi ma tista’ ċċaħħadhom mid-dritt li jgħixu
fil-familja tagħhom.
Għandu jingħata ħarsien adatt lil dawk li ħarbu minn
pajjiżhom minħabba raġunijiet li mhux imsemmijin
f’konvenzjonijiet internazzjonali u jekk jerġgħu lura lejn
pajjiżhom isibu ruħhom f’periklu kbir għal ħajjithom.
5. Inħeġġeġ il-Knejjes partikolari biex iħajru
għar-riflessjoni, jagħtu d-direttivi u tagħrif biex jgħinu
lil dawk li jagħmlu ħidma pastorali u soċjali, biex jimxu
bil-għaqal f’ħaġa hekk delikata u komplikata.
Meta l-għarfien tal-problema hu influwenzat minn
preħudizzji u qagħdiet xenofobi, il-Knisja m’għandiex
tonqos issemma’ l-leħen tagħha ta’ fraternita’ flimkien ma’
għemiel li jagħti xhieda tal-primat ta’ l-imħabba.
F’qagħda mwiergħa bħal din l-importanza kbira ta’
l-għajnuna li tingħata m’għandhiex tnessina li fost dawn
l-imigrati rregolari hemm ħafna nsara kattoliċi li spiss
għall-ġieħ tal-fidi tagħhom qed ifittxu rgħajja u postijiet
fejn jistgħu jitolbu, jisimgħu l-kelma ta’ Alla,
jiċċelebraw il-misteri tal-Mulej . Hu dmir kull djoċesi
tilqa dawn it-tamiet.
Fil-Knisja ħadd m’hu barrani u l-Knisja mhux barranija
għall—ebda bniedem u f’ebda post. Bħala sagrament ta’
l-għaqda, u għalhekk bħala sinjal ta’ qawwa li tiġbor
flimkien il-bnedmin kojjha, Il-Knisja hija l-post li fiha
l-imigranti llegali wkoll huma magħrufin u milqugħin bħala
aħwa. Hu dmir kull djoċesi tuża l-forzi kollha tagħha biex
dawn in-nies li qed jgħixu qagħda nieqsa mill-ħarsien
tas-soċjeta’ ċivili, isibu sens ta’ fraternita’
fil-komunita’ nisranija.
Is-solidarjeta’
tfisser tidħol għar-responsabbilta’ favur dawk li jinsabu
f’xi diffikulta’. Għan-nisrani l-emigrant mhux sempliċI
bniedem li għandek tirrispetta skond in-normi tal-liġI, imma
hu persuna li bil-preżenza u bil-ħtiġijiet tiegħu jimpenja
n-nisrani fir-responsabbiltajiet tiegħu. X’għamiltlu lil
ħuk?” (Cfr Ġen 4, 9). It-tweġiba ma tingħatax skond dak
lit għid il-liġI imma skond l-ispirtu ta’ solidarjeta’.
6.
Il-bniedem l-iktar meta hu dgħajjef, bl-ebda ħarsien,
imwarrab mis-soċjeta’, hu sagrament tal-presżenża ta’ Kristu
(Cfr Mt 25, 40, 45).
“Imma x’qabda nies misħuta li l-liġi ma jafuhiex?” (Ġw 17,
49), qalu l-fariżej għal dawk li Ġesu kien jgħin aktar milli
kienu jippermettu l-liġijiet tagħhom. Ġesu ġie jfittex u
jsalva lil min kien mitluf (Cfr Lq 19, 10), jiġbor
l-imwarrab, l-abbandunat u r-rifjutat mis-soċjeta’.
“Kont barrani u lqajtuni” (Mt 25, 35). Hu dmir il-Knisja
mhux biss li ma tieqaf qatt ixxandar dan it-tagħlim tal-fidi
tal-ulej, imma wkoll tgħid liema hu l-aħjar mod biex
iħarsu akond il-qagħdiet li jinħolqu biż-żminijiet.
Illum l-imigrant
irregolari jiġi għandna bħala “il-barrani” li fih Ġesu
jridna ngħarfuh. Meta nilqgħuh u nuruh solidarjeta’ naqdu
dmir ta’ ospitalita’ u ta’ fedelta’ għall-identita’ tagħna
bħala nsara.
B’dawn
ix-xewqat nagħti lill kull min hu mpenjat fil-qasam ta’ l-emigrazzjoni
l-barka Appostolika b’rahan ta’ kotra ta’ barkiet mis-sema.
Mill-Vatikan,
25 ta’ Lulju 1995, fis-sbatax-il sena tal-Pontifikat.
JOANNES PAULUS pp II
|
