IL-LAJĊI MHUMIEX SEMPLIĊI KOLLABORATURI TAL-KLERU

Ruma 28 Mejju 2009: Il-lajċi mhumiex sempliċiment il-kollaboraturi tal-kleru imma jaqsmu r-responsabilità fil-ministeru tal-Knisja.

Dan qalu l-Papa Benedettu meta nhar it-Tlieta inawgura konferenza fid-Djoċesi ta’ Ruma bis-suġġett ‘Sehem fil-Knisja u Ko-Responsabilità Pastorali’. Il-konferenza baqgħet għaddejja sal-Ġimgħa.

Jeħtieg li insiru konxji li aħna lkoll niffurmaw il-Knisja u għandna ko-responsabilità pastorali f’isem Kristu. Dan iwassal biex nirrispettaw il-vokazzjoniiet u l-funzjonijiet ta’ persuni konsagrati kif ukoll tal- lajċi. Dan jitlob minna bidla ta’ mentalità l-aktar dwar il-laċji, li mhumiex sempliċiment kollaboraturi tal-kleru imma veri ko-responsabli għall-eżistenza u l-azzjoni tal-Knisja għal lajkat matur u impenjat.

Illum għadha teżisti l-idea li l-Knisja tkun identifikata mal-ġerarkija u tintesa r-responsabilità u l-missjoni komuni ta’ kull min hu mgħammed. Il-lajċi jridu jkunu konxji akar li huma l-Knisja għax Kristu għamilhom il-poplu tiegħu.

Il-Papa appella lis-saċerdoti biex inisslu fil-lajċi sentiment ta’ appartenenza lejn il-komunità parrokkjali, lejn l-unità u lejn l-Iskrittura permezz tal-Lectio Divina, attivitajiet missjunarji u ta’ karità. Bħala eżempju hu semma t-tħejjija għall-Ġublew il-Kbir tas-sena 2000 meta l-komunità ekklessjali għarfet li d-dmir ta’ l-evanġeliżazzjoni hu ta’ kull min hu mgħammed.

L-istess ġara matul is-sekli, meta tant imgħammdin iddedikaw ħajjithom  biex jedukaw liż-żgħar fil-fidi, iduru bil-morda u bil-foqra.

Biss wieħed irid joqgħod attent li ma jagħmilx mill-ħidma tal-Knisja waħda sempliċiment oriżżontali, li tkun biss fuq livell soċjoloġiku u b’hekk jintesa l-element vertikali lejn Alla. Il-Knisja għandha tkun il-Poplu ta’ Alla u fl-istess ħin ‘il-Ġisem ta’ Kristu’. Bħala il-Poplu ta’ Alla trid turi l-kontinwità tagħha fl-Istorja.  Bħala l-Gisem ta’ Kristu trid turi l-universalità tagħha, li tiġi mis-salib u l-qawmien tal-Mulej.

Fi Kristu insibu l-Poplu ta’ Alla ibda mill-Papa sa l-iżgħar tifel u għalhekk il-Knisja ma titqiesx mill-għadd ta’ l-individwi li hemm fiha,  imma mill-għaqda ta’ dawk kollha li huma mgħajxa bil-Kelma ta’ Alla u l-Ħobż tal-ħajja.

Ara d-diskors kollu tal-Papa Benedittu XVI. ...q

DONI TAL-ISPIRTU S-SANTU

L-ISQOF MARIO GRECH - FAMILJA KUN DAK LI INT

Floriana, 15 Mejju 2009:  "Il-kriżi attwali tal-familja hija dovuta għal konfużjoni li għandna dwar x’inhi l-familja. Minħabba dan in-nuqqas ta’ kjarezza, huma dgħajfa kemm il-kontribut li tista’ tagħti l-familja lis-soċjetà, kif ukoll il-mod kif is-soċjetà qed twieġeb quddiem din l-isfida.

Nemmen li huwa l-waqt li nfittxu qbil dwar x’qed nifhmu b’familja. Huwa l-waqt li l-familja tikseb “iċ-ċittadinanza” tagħha, fis-sens li tiġi rikonoxxuta bħala suġġett soċjali biċ-ċittadinanza tagħha proprja."

Din hija biss silta qasira mid-diskors li l-Eċc. Tiegħu l-Isqof ta’ Għawdex Mario Grech għamel waqt konferenza dwar Il-Futur: Fil-Familja fl-okkażżjoni ta' Jum Dinji tal-Familja.

Ikkilikkja hawn għad-diskors sħiħ tal-Eċċ.Tiegħu l-Isqof Mario Grech. ..q

Ara wkoll id-diskors tal-Preseident ta’ Malta, l-Eċċ Tiegħu Dr George Abela. ..q

Aktar riżorsi dwar il-familja....q

ECCLESIA DE EUCHARISTIA -

L-AĦĦAR ENĊIKLIKA TA’ ĠWANNI PAWLU II, BIL-MALTI FUQ L-INTERNET

“Fl-ispeċi umli tal-ħobż u ta’ l-inbid li s-sustanza tagħhom tinbidel fis-sustanza ta’ ġismu u demmu. Kristu jissieħeb magħna fil-mixja tagħna, isir il-qawwa tagħna u l-ikel tagħna għal matul il-vjaġġ, u jgħinna biex nagħtu xhieda tat-tama tagħna lil kulħadd. Jekk quddiem dan l-Misteru l-ħila ta’ moħħna tidher kemm hi nieqsa, il-grazzja ta’ l-Ispirtu s-Santu ddawlilna qalbna biex naraw ċar xi jmissna nagħmlu u ninxtehtu quddiem is-Sagrament mqaddes f’adorazzjoni u mħabba bla tarf.”

Hekk temm l-aħħar Enċiklika tiegħu, “Ecclesia de Eucharistia”, il-Papa Gwanni Pawlu II. F’dan id-dokument huwa joffrilna riflessjoni profonda u personali dwar dan is-Sagrament. Huwa jħares lejn l-Ewkaristija fir-relazzjoni tagħha mal-Knisja: l-ewwel kif tibni l-Knisja, imbagħad ukoll kif l-istess Komunità Ekklesżjali tista’ tissaħħah b’għarfien veru ta’ l-Ewkaristija.

Ikklikkja hawn għall-Enċiklika kollha. ...q

SERVIZZ EKUMENIKU TA' TALB GĦAL GĦID IL-ĦAMSIN

Kurja tal-Arċisqof, Floriana, 22 Mejju 2009: F’komunikat maħruġ mill-President tal-Kummissjoni Ekumenika ta’ Malta, Dun Hector Scerri tħabbar li l-Malta Ecumenical Council, flimkien mal-Kummissjoni Ekumenika Djoċesana qed jorganizzaw servizz ekumeniku ta’ talb fl-okkażjoni tal-festa ta’ Għid il-Ħamsin.

Dan is-servizz li se jkun presedut mill-Isqof ta’ Għawdex, Mons Mario Grech, se jsir l-Erbgħa 3 ta’ Ġunju, bejn is-7.15 p.m. u t-8.30 p.m., fil-Knisja ta’ San Franġisk ta’ Putirjal, il-Belt Valletta.

Il-kor, li se jkun taħt it-tmexxija ta’ Dr Ugo Agius Muscat u li se janima ċ-ċelebrazzjoni se jkun wieħed ekumeniku għaliex se jkun magħmul minn insara li jattendu l-knejjes tad-denominazzjonijiet differenti li jinsabu f’Malta.

Dawk kollha li jixtiequ jieħdu sehem f’dan il-kor huma mitluba jattendu għal prova li se ssir is-Sibt 30 ta’ Mejju, fil-Pro-Katidral tal-Anglikani, il-Belt Valletta, fl-4.00 p.m.