Il-Lajkat u l-Appostolat tal-Lajċi: Teżori u Ġarar tal-Fuħħar.

Il-fuħħar huwa don ta’ Alla u xogħol il-bniedem flimkien.  U Alla dejjem jgħaqqad id-don tiegħu max-xogħol tal-bniedem. Dan minkejja d-dgħufija u d-dnub li hemm fil-bniedem.  Anżi huwa propju meta l-bniedem jagħraf id-dgħufija tiegħu li huwa jsir b’saħtu, għaliex dak li jagħmel ma jkunx ġej aktar minnu imma minn Alla.

Din kienet it-tema tal-messaġġ li Monsinjur Arċisqof Pawlu Cremona OP wassal nhar il-Ġimgħa, 9 ta’ Marzu 2012, lil dawk minġbura fis-sala tal-Iskola Santa Monika f’Birkirkara biex flimkien ifakkru Jum il-Lajċi Nsara.

It-tema tad-diskors kienet imfissra f’aktar dettal minn Monsinjur Anton Gouder, Pro-Vigarju Ġenerali li wera kif l-appostolat nisrani għandu jkun pont li fuqu jgħaddi Kristu stess, minn għand min qed iwettaq l-appostolat għal għand min qed jirċevih.

Fil-laqgħa, li kienet organizzata mis-Segretarjat għal-Lajċi ntwera dokumentarju qasir dwar il-Konċilju Vatikan II, li fil-11 ta’ Ottubru ta’ din is-sena jitfakkar il-50 anniversarju mill-bidu tiegħu.

Għad-diskors kollu ta’ Monsinjur Arċisqof Pawlu Cremona, ikklikkja hawn …>

Għad-diskors kollu ta’ Monsinjur Anton Gouder ikklikkja hawn …>

Ara wkoll id-dokumentarju f’żewġ partijiet, “Il-Konċilju Vatikan II: Ħamsin Sena Wara.” … >