ID-DRITTIJIET TAL-FAMILJA
Id-“Dokument tad-Drittijiet
tal-Familja” ħareġ
bħala riżultat tat–talba
mfassla mis-Sinodu
ta’ l-Isqfijiet li
sar f’Ruma fl-1980
dwar is-suġġett
“Is-Sehem
tal-Familja
Nisranija fid-Dinja
llum. L-għan tiegħu
hu li jqiegħed
quddiem in-nies ta’
żmienna, kemm jekk
dawn huma nsara u
kemm jekk mhumiex,
formulazzjoni sħiħa
kemm jista’ jkun
tad-drittijiet
fundamentali li hemm
fin-natura ta’ dik
is-soċjetà naturali
u universali li hi
l-familja.
Id-drittijiet
imniżżla
fid-dokument joħorġu
mill-kuxjenza
tal-bniedem kif
ukoll mill-valuri
tal-familja kollha
tal-bnedmin.
Il-bidu tagħhom
insibuh fil-liġi li
l-Ħallieq naqqax
fil-qalb ta’ kull
bniedem u għalhekk
huwa dmir
tas-socjetà li
tħares dawn
id-drittijiet minn
kull vjolazzjoni u
li tirrispettahom u
ġġibhom ‘il quddiem
kollha kemm huma bla
mittiefsa.
Minħabba f’hekk
id-dokument hu
prinċipalment
inidrizzat
lill-gvernijiet u
lill-organizazzjonijiet
interanzzjonali bejn
il-gvernijiet.
Indirizzat ukoll
lill-familji nfushom
bil-ħsieb li jsaħħaħ
fihom il-fehma li
l-familja għandha
dmir u post
fis-soċjetà li ħadd
u xejn ma jista’
jeħodulha.
Fl-aħħarnett
id-dokument hu
ndirizzat
lill-irġiel u n-nisa
kollha u b’mod
partikolari
lill-insara sabiex
jintrabtu li jagħmlu
kulma jistgħu biex
jiżguraw li
d-drittijiet
tal-familja jiġu
mħarsa u sabiex
l-istituzzjoni
tal-familja
tissaħħaħ għall-ġid
tal-bnedmin kollha,
tal-lum u ta’ għada.
Ikklikkja hawn
għad-dokument sħiħ.
...ð |
Żewġ dokumenti oħra
tal-Papa Ġwanni
Pawlu II, issa wkoll
bil-Malti....
Bl-għajnuna ta’ Alla
u bix-xogħol ta’
kontributuri li
b’mod volontarju
joffru l-ħin tagħhom
biex jittajpjaw,
illum is-Segretarjat
għal-Lajċi, permezz
ta’ din il-website,
qed joffri
lill-Knisja f’Malta,
żewġ dokumenti oħra
tal-Papa Ġwanni
Pawlu II, bil-Malti.
L-ewwel dokument
huwa l-Ittra
Appostolika,
Tertio Millenio
Adveniente,
publikata fl-10 ta’
Novembru 1994 u li
fiha l-Papa
jitkellem dwar it-tħejjija
għas-Sena 2000.
Minkejja li qegħdin
fl-2009, minn jaqra
din l-ittra jintebaħ
kemm kliem il-papa
għadu attwali anke
llum.
It-tieni dokument
huwa l-Enċiklika,
Evangelium Vitae,
publikata fil-25
Marzu 1995 u
titratta dwar is-siwi
u l-invjolabbiltà
tal-ħajja
tal-bniedem.
Minkejja li għaddew
aktar minn
erbatax-il sena
mill-publikazzjoni,
nistgħu ngħid li din
l-Enċiklika hija
aktar attwali llum
minn meta inkitbet.
Nittamaw li dawn id-dokumenti,
bħal l-oħrajn kollha
li hemm fil-Librerija
ta’ Riżorsi
tagħna, jkunu ta’
għajnuna fil-ħidma
pastorali ta’ bosta.