JIENA NAĦFIRLEK

Gwida ta’ tagħlim u tagħrif dwar Is-Sagrament tal-Qrar

Thomas Moore ofm. conv.

4 ta’ Ottubru 2015 

Tifkira tas-Sena tal-Ġublew ta’ Wiċċ il-Ħniena

 MALTA 2015

 

MIġjub fil-Laikos bil-permess ġentili tal-Awtur

Typing għal-Laikos minn Carmen Galea

 

---

 

Messaġġ ta' Monsinjur Arċisqof

Patri Thomas Moore Ofm Conv. wara li tana l-ktieb tiegħu "JIENA HU — la tibżgħux", ġabriet ta' tagħlim dwar l-Ewkaristija Mqaddsa, issa qed jerġa’ jistampa dan il-ktieb dwar is-Sagrament tar-Rikonċiljazzjoni u naħseb li hu tant opportun għal din is-Sena tal-Ħniena.

Bla dubju il-ktieb 'Jiena Naħfirlek' jitkellem dwar il-maħfra u kif kont qsamt magħkom fl-ittra pastorali tar-Randan ta' din is-sena, ippreżentajt il-maħfra f’mumenti:

l-ewwel mument huwa li meta nitlob maħfra qiegħed nimpenja ruħi li nirbaħ bit-tajjeb il-ħażin li hemm fija u madwari. Hekk vizzju ħażin fil-ħajja tiegħi nirbħu biss billi nbiddlu b'għażliet aħjar; drawwa ħażina nkeċċiha 'l barra bi drawwiet tajbin. Il-maħfra tfisser ukoll li min jagħmilli l-ħsara mhux se npattihielu, għax jekk nagħmel hekk ma nkunx qed nirbaħ il-ħażin bit-tajjeb, iżda nkun qed nidħol f’ċirku vizzjuż ta' tpattija u forsi anke vjolenza li tiġġenera iżjed tpattija u vjolenza.

It-tieni mument tal-maħfra huwa li nifhem li dak li għamilt ħażin hemm bżonn li niftaħlu l-bieb biex joħrog minn ħajti. Il-kelma ta' Ġesù lill-mara li nqabdet fid-dnub kienet "Mur, u mil-lum 'il quddiem tidnibx iżjed" (Ġw 8, 11). Il-kelma mur kienet kelma ta' ħelsien li permezz tagħha l-mara kellha d-dritt tibqa' tgħix għaliex Ġesù ma kkundannahiex għall-mewt. Imma Ġesù jgħidilha wkoll biex ma terġax tidneb, biex tbiddel ħajjitha, biex tagħmel li tista' biex tgħix aħjar. U dan I-impenn jevita li aħna nabbużaw mill-ħniena t'Alla jew li nersqu lejn is-Sagrament tal-Qrar bħala xi ħaġa li hija grazzja faċli.

It-tielet mument fil-maħfra hija I-kapaċità li dak li nitlob lill-Mulej inkun nista' naqsmu ma' ħuti, "Aħfrilna dnubietna, bħalma naħfru Iil min hu ħati għalina" (Mt 6, 12). Jiena għandi jkolli l-wiċċ immur quddiem il-Mulej, mgħobbi bi dnubieti, u nitolbu maħfra biss jekk nimpenja ruħi li nitlob lill-Mulej jaħfirli biex jiena wkoll naħfer Iil min hu midjun miegħi. U għalhekk, it-tielet mument f’din it-triq tal-maħfra hija d-disponibilità tiegħi li naqsam ma' ħaddieħor dak li qed nirċievi mingħand il-Mulej. Hu jaħfirli u għalhekk jien irrid naħfer Iil ħaddieħor. Hekk insir tassew Wild il-Missier.

Ejjew nieħdu din I-opportunità li qed tagħtina din is-Sena Mqaddsa tal-Ħniena biex nersqu lejn is-Sagrament tar-Rikonċiljazzjoni. Nawguralkom li dan il-ktieb jiffaċilita l-laqgħa tagħkom mal-Knisja u ma' Ġesù, fuq kollox ma' Ġesù, biex tkun dejjem laqgħa li ġġibilkom fejqan, serħan u paċi.

 

Charles J. Scicluna Arċisqof ta' Malta

8 ta' Diċembru 2015 Kuria Arċiv.

Floriana

 

 

---

 

DAĦLA

Il-Knisja, biex iġġib 'il quddiem r-rikonċiljazzjoni u l-penitenza, għandha mezzi ewlenin, mogħtijin lilha mill-istess Fundatur taghha: il-katekeżi u s-Sagramenti. Il-Knisja dejjem qieset li dawn iż-żewġ mezzi jaqblu sewwa mal-ħtiġijiet tal-missjoni tagħha ta' salvazzjoni, u fl-istess ħin iwieġbu tajjeb ħafna għal dak li jitolbu u jinħtieġu fir-ruħ il-bnedmin ta' kull żmien. (ara Rec. et Paen., n. 24).

L-ewwel pass meħtieġ biex il-bniedem jerġa' lura lejn Alla hu li jagħraf id-dnub tiegħu - li hu midneb, li jista' jidneb, li miġbud għad-dnub. Imbagħad, biex jitħabbeb ma' Alla, jeħtieġlu jinfatam mill-qagħda tad-dnub li fiha jkun waqa'; jeħtieġlu jagħmel penitenza jindem u juri ruħu li qabad it-triq biex jerga' lura għand il-Missier: "Missier, dnibt kontra s-sema u kontra tiegħek" (Lq.15, 18-21).

Hawn tidħol il-pastorali tal-Knisja Omm u Għalliema li trid taqdi l-ministeru ta' rikonċiljazzjoni u penitenza. Hija għandha mandat mill-Fundatur biex tgħallem il-verità (Mt. 28, 20; ara Redem.Missio, 5). Biex taqdi dan l-uffiċċju trid tħaddem il-katekeżi ta' (a) rikonċiljazzjoni u (b) ta' penitenza. Din il-katekeżi trid tkun mibnija fuq il-Bibbja, l-aktar fuq it-Testment il-ġdid, biex aħna nifhmu l-patt ta' Alla magħna fi Kristu li fdiena u ħabbibna mal-Missier (ara Gw.,16).

II-katekeżi ta' rikonċiljazzjoni trid twassal għall-maħfra kemm mingħand Alla - il-Knisja li tibqa' taħfer, mhux għal darba, imma għal sebgħa u sebgħin darba (Mt. 18, 21), kif ukoll bejnietna - wieħed jinħafrulu dnubietu daqskemm hu jaħfer Iil min hu ħati għalih (Mt.6, 12). Imbagħad, il-katekeżi ta' penitenza trid turi ċar il-ħtieġa tal-bidla jew konverżjoni, kif hi mfissra tajjeb fil-parabbola ta' "L-lben il-Ħali" (Lq. 15,17-19).

Din il-forma ta' katekeżi hija meħtieġa llum, forsi iżjed minn qatt qabel, għaliex aħna ma tantx naslu biex nammettu I-iżbalji tagħna, donnu min-natural tagħna li ma naċċettawx penitenza.

II-mezz I-ieħor imwaqqaf minn Alla u mħolli f'idejn il-Knisja għall-ħidma pastorali tagħha, huwa s-Sagramenti. F'kull Sagrament wieħed jista' jitqanqal għall-penitenza, għaliex kull Sagrament, minbarra I-grazzja li jagħti, huwa sinjal ta' penitenza u rikonċiljazzjoni. Fost dawn is-seba' Sagramenti hemm il-QRAR, li mhux biss jaħfer id-dnubiet, imma jsejjaħ ukoll għall-konverżjoni, għar-rikonċiljazzjoni u għall-penitenza (ara Rec. et Paen. n.27).

L-Ewkaristija u I-Qrar huma żewġ għejun ewlenin ta' rikonċiljazzjoni fil-ħajja nisranija. Mill-Konċilju Vatikan Il 'l hawn, il-Knisja tefgħet għeruqha ta' għarfien u apprezzament fl-Ewkaristija. Sensiela ta' bidliet fir-rit saħħet iżjed il-qawwa tal-Ewkaristija biex tgħaqqad I-individwu mal-Ġisem ta' Kristu. Imma mhux hekk ġara mis-Sagrament tal-penitenza, il-Qrar, li donnu safa bla bżonn; il-ħtieġa tiegħu qajl qajl donnha naqset kemm min-naħa tal-kleru kif ukoll min-naħa tan-nies.

II-fehmiet fundamentali tal-Knisja dwar is-Sagrament tal-Qrar ġew imtennija matul iż-żmenijiet kollha fil-kitbiet tal-papiet. II-Papa San Ġwanni Pawlu Il kemm-il darba tenna dwar dawn il-fehmiet fid-diskorsi tiegħu. FI-Eżortazzjoni Apostolika "Reconciliatio et Paenitentia" il-Papa ried jiġbor fil-qosor u jniżżel I-iswed fuq I-abjad dawn il-fehmiet jew konvinzjonijiet, biex b'hekk ineħħi kull dubju li dan is-Sagrament tal-Qrar jista' jonqos; mhux biss, imma wkoll isaħħaħ il-fidi u jqawwi t-tama biex aħna nersqu lejn is-Sagrament tal-Qrar mimli bl-imħabba u I-ħniena tal-Mulej għalina bnedmin, li ma jridx il-mewt tal-midneb, imma li jindem u jgħix (Eż 18, 23).

L-ewwel konvinzjoni: is-Sagrament tal-Qrar huwa t-triq li minnha jrid jgħaddi kulħadd bħala regola, biex jikseb il-maħfra u jitneħħewlu d-dnubiet mejta li jkun għamel wara I-Magħmudija. Ikun iblah u prużuntuż min jippretendi I-maħfra mingħajr ma jersaq lejn dan is-Sagrament.

It-tieni konvinzjoni: dan is-Sagrament għandu sura ta' ġudizzju - iżjed minn tribunal ta' ġustizzja iebsa, huwa tribunal ta' ħniena u maħfra. F’dan is-Sagrament insibu wkoll is-sura terapewtika jew mediċinali. Kristu stess jidher bħala t-tabib: ‘’Mhux dawk li huma b’saħħithom għandhom bżonn it-tabib, iżda l-morda’’ (Lq. 5,31). Dan is-Sagrament fih innifsu huwa msejjaħ bħala duwa. (Ordo Paen. n6c)

It-tielet konvinzjoni: kull ħaġa li jrid jagħmel il-penitent fil-Qrar hi meħtieġa jew biex is-Sagrament ikun jiswa, jew biex ikun sħiħ, jew biex ikun ta' ġid, pereżempju: is-sogħba, l-istqarrija tad-dnubiet, it-tewba. Min-naħa tal-konfessur hi meħtieġa l-assoluzzjoni (ara Rec. et Paen. n. 31).

Filwaqt li l-kelmiet ta' San Pietru: "Kunu Ikoll fehma waħda... "(1 Pt. 3,8) huma twissija xierqa għall-konfessuri, l-kelmiet tal-lmgħallem Gesù: "Ejjew għandi, intom ilkoll imtaqqlin u mħabbtin, u jiena nserraħkom" (Mt. 11, 26-30) huma bħala balzmu fuq il-ferita ta' ruħna mgħobbija bil-ħtija.

Dan il-ktejjeb qiegħed biex jagħti stampa ċara ta’ x’inhu s-Sagrament tal-Qrar filwaqt li jpoġġih f’postu biex aħna naraw il-qawwiet speċjali tal-grazzja li jagħti flimkien mal-fejqan li joħroġ minnu.

Ħu f’idejk u aqra.

Thomas Moore ofm. conv.

4 ta’ Ottubru 2015.

KAP 1

IL-QRAR ILLUM

Għaliex hu meħtieġ is-Sagrament tal-Qrar?

Għaliex aħna, bħala bnedmin, inġorru l-ħajja ġdida tagħna fi Kristu, u din inġorruha f'ġarar tal-fuħħar (ara 2Kor.4,7). Minħabba li aħna mġarrbin mit-tbatija, il-mard u l-mewt, din il-ħajja tista' tiddgħajjef u tintilef ukoll permezz tad-dnub (ksur tal-liġi ta' Alla). Għalhekk, il-Mulej Gesù li ħafer id-dnubiet tal-mifluġ u tah is-saħħa (Mk. 2, 1-12), ried li l-Knisja tiegħu tkompli, bil-qawwa tal-lspirtu s-Santu, il-ħidma tiegħu ta' fejqan u ta' salvazzjoni mal-membri tal-Ġisem tiegħu (ara Redem. Missio, 28). Dan hu l-għan ewlieni tas-Sagrament tal-Qrar: il-fejqan.

Min għandu jqerr?

‘’Kull nisrani li jasal għall-età tar-raġuni għandu iqerr tal-anqas darba fis-sena’’ (Konċ Trid. D. S. 1683; Kan.989) .

Min jaf li għamel dnub mejjet, m’għandux jersaq jitqarben, ukoll jekk iħoss sogħba kbira, qabel ma jkun rċieva l-assoluzzjoni sagramentali (D. S. 1647), sakemm ma jkunx hemm raġuni gravi biex jitqarben u ma jkunx jista’ jersaq għall-Qrar (Kan.916). Fil-każ għandu jagħmel indiema perfetta bil-proponiment li jfittex iqerr.

X’irridu nqerru?

Wieħed li jkun irid jikseb ir-rikonċiljazzjoni ma’ Alla u mal-Knisja, irid jgħid lill-konfessur id-dnubiet mejta kollha li għadu ma qerrhomx u li jiftakarhom wara li jagħmel eżami serju tal-kuxjenza. Għalkemm mhux meħtieġ, il-qrar tad-dnubiet venjali hu rrikkmandat ħafna mill-Knisja (KKK 1493).

Kif għandna nqerru?

Li tqerr mhix dejjem ħaġa ħafifa, xi drabi ma nafux x’naqbdu ngħidu, jew ma nħossux il-bżonn li mmorru għand is-saċerdot. Lanqas ma hija ħafifa li tqerr sewwa; illum, bħal fl-imgħoddi, id-diffikultà hija kif tiġbed l-attenzjoni mill-ġdid ta’ ħsieb, kelma u għemil li ħaqqhom kastig għax kontra l-Vanġelu. Għandna bżonn ta' mixja ta' konverżjoni ġenwina. Din tinħtieg kemm fl-aspett negattiv - li wieħed jinħeles mid-dnub, kif ukoll fl-aspett pożittiv - li wieħed jagħmel it-tajjeb billi jaċċetta I-valuri tal-etika minquxin fil-liġi naturali li hija mħarsa u msaħħa fl-istess Vanġelu. F'dan il-kuntest trid tinftiehem I-għożża ta' tiġdid u ċ-ċelebrazzjoni qawwija tas-Sagrament tal-Qrar fit-tifsira profonda tagħha (ara TMA n.50).

Il-mixja tibda billi tisma' leħen il-Mulej; imbagħad jiġi I-eżami tal-kuxjenza, I-indiema, I-istqarrija tad-dnubiet lill-konfessur. Wara dan tiġi I-ħniena tal-Mulej bl-għoti tal-assoluzzjoni, ir-radd il-ħajr għall-maħfra tad-dnubiet u I-fehma sħiħa għal ħajja aħjar flimkien mar-rieda li ssir it-tewba (I-penitenza) bħala tpattija.

Il-qrara sagramentali (tissejjaħ  penitenza jew rikonċiljazzjoni), hija vera u tabiħaqq Sagrament imwaqqaf minn Gesù Kristu li bih, meta jsiru I-kundizzjonijiet meħtieġa, jiġu maħfura d-dnubiet magħmula wara I-Magħmudija (Mk. 2,10; Gw. 20,21-23; Mt. 16,19).

Meta ngħidu qrara sagramentali ma jfissirx kull qrara jew stqarrija magħmula għand xi ħadd, bħal ngħidu aħna għand xi psikologu, jew bħal meta tikxef sigriet ma' xi ħabib, ukoll jekk dan ikun saċerdot. Il-qrara sagramentali hija I-akkuża ta' dnubietek magħmula għand saċerdot konfessur, bl-intenzjoni li taqla' mingħandu I-maħfra (I-assoluzzjoni sagramentali) bil-għan li taqla' I-maħfra mingħand Alla.

X'jiswa I-Qrar ghalija?

Il-Qrar għandu jgħinni (mhux biss biex neħles mid-dnub u nieħu I-maħfra), biex nagħraf id-dgħufija tiegħi permezz tad-dnub li għamilt, nistmell I-imgħoddi u I-kawża li biha jien waqajt fid-dnub; imma, u iżjed ukoll, biex nikxef u nara s-sinjali tal-grazzja ta' Alla li għadhom jidhru quddiemi b'wirja ta' ħniena u mħabba ta' dan il-Missier lejja.

Għalhekk, il-Qrara tiegħi trid tkun mhux biss stqarrija ta' dnubieti, imma wkoll stqarrija tal-fidi tiegħi u innu ta' tifhir Iil Alla Missierna, għax f'dan is-Sagrament Huwa jagħmel ħwejjeġ kbar magħna wliedu, meta jagħtina I-grazzja tiegħu, li hija I-maħfra, il-ħniena u I-imħabba. B'hekk nerġgħu nsiru dak li konna qabel: "Dan hu ibni I-għażiż, fih sibt I-għaxqa tiegħi’’ (Mt. 3, 17). Din hija, fi ftit kliem, it-tifsira tar-rikonċiljazzjoni.

Kif tissejjaħ din il-Qrara?

Tissejjaħ is-Sagrament tal-Qrar.

II-Qrar hu Sagrament għax hu kanal tal-grazzja ta' Alla. Għalhekk, minħabba f'dak li hu, dak li jfisser u dak li jagħti, jissejjaħ ukoll b'ismijiet oħra:

Is-Sagrament tal-indiema, għaliex I-indiema hija meħtiega għall-maħfra tad-dnub (Mk. 1 ,1 5) u I-mixja lura lejn il-Missier (Lq. 15, 18);

Is-Sagrament tal-konverżjoni, għaliex kull qrara trid tkun konverżjoni tabilħaqq: "Mur, tidnibx iżjed' (GW. 8, 10-1 1).

Is-Sagrament tal-bżonn, għaliex il-penitent irid jgħid dnubietu lill-konfessur, għaliex iħoss il-bżonn li jitlob maħfra Iil Alla (Lq. 15,18);

Is-Sagrament tal-maħfra, għaliex permezz tal-assoluzzjoni tal-konfessur Alla jagħti I-maħfra tad-dnubiet lill-midneb (Lq. 5,20);

Is-Sagrament tar-rikonċiljazzjoni, għaliex f'dan is-Sagrament il-midneb jerġa' jitħabbeb ma' Alla u ma' ħutu I-bnedmin u mal-Knisja (2Kor. 5,20).

Hemm xi kondizzjonijiet għall-maħfra tad-dnubiet?

II-kondizzjonijiet meħtieġa biex wieħed jaqla' l-maħfra tad-dnubiet magħmula wara I-magħmudija huma: I-indiema tad-dnubiet, il-proponiment li wieħed ma jerġax, I-istqarrija tad-dnubiet lill-konfessur, ir-rieda tajba li wieħed jaċċetta li jagħmel it-tewba u I-assoluzzjoni mingħand il-konfessur.

Fis-Sagrament tal-Qrar jiġu maħfura d-dnubiet magħmula wara I-Magħmudija; dawk magħmula qabel il-Maghmudija jiġu maħfura bl-istess Sagrament tal-Magħmudija.

Is-Sagrament tal-Qrar bħala rikonċiljazzjoni.

Mill-bidu tat-testment il-Ġdid 'l hawn il-messaġġ ta' Ġesù huwa wieħed: ir-rikonċiljazzjoni tagħna ma' Alla Missierna. F'dan id-dawl ta' rikonċiljazzjoni tispjega ruħha I-istorja tal-lben ta' Alla magħmul bniedem għalina: I-Għimmanu-el. Hekk it-twelid tal-Messija u Salvatur seħħ biex jifdi lill-poplu minn dnubiethom: 'Hi jkollha Iben, u inti ssemmih Ġesù, għax hu jsalva I-poplu tiegħu minn dnubiethom" (Mt. 1 ,21). F'ħajtu Ġesù ppriedka l-maħfra u l-indiema: ‘’Indmu għax is-saltna tas-smewwiet waslet’’ (Mt. 4 17). Huwa miet għal kulħadd; bil-mewt tiegħu ġieb ir-rebħa fuq id-dnub: ‘’Agħmlu l-qalb. Jien rbaħt id-dinja’’ (Ġw. 16,33). San Pawl kompla jgħid: ‘’Kien mogħti għall-mewt għal dnubietna u mqajjem għall-ġustifikazzjoni tagħna (Rum.4. 25). Inżul l-Ispirtu s-Santu nhar Pentekoste huwa ġrajja ta’ importanza kbira għalina, għaliex jagħmel sehem mill-misteru tas-salvazzjoni tagħna: ‘’Meta jiġi fuqkom l-Ispirtu s-Santu intom tirċievu l-qawwa u tkunu xhieda tiegħi sa truf l-art’’ (Atti 1, 8). Hekk ukoll il-bidu tal-Knisja kien sejħa u messaġġ tar-rikonċiljazzjoni. Dan jidher tajjeb fl-Atti tal-Appostli: ‘’Indmu u u jitgħammed kull wieħed minnkom fl-isem ta’ Ġesù Kristu għall-maħfra tad-dnubiet’’ (Atti 2, 38).

Ir-rikonċiljazzjoni min-naħa ta’ Ġesù: l-imħabba u l-maħfra, huma bla tarf: ‘’Ma ngħidlekx sa seba’ darbiet, imma aħfer sa sebgħa u sebgħin darba’’ (Mt. 18,22). Din hi t-tema tat-Testment il-Ġdid kollu.

KAP 2

IS-SAGRAMENT TAL-QRAR

It-tifsir tas-Sagrament

Sagrament huwa sinjal (oġġett, azzjoni) sensibbli li, imwaqqaf minn Sidna Ġesù Kristu, għandu s-saħħa li jfisser u jagħti I-grazzja santifikanti il-grazzja qaddiesa. II-grazzja santifikanti jew qaddiesa hija d-don li Alla jagħtina b'xejn mill-ħajja qaddisa tiegħu biex ifejjaqna mid-dnub u jqaddisna.

Kull Sagrament jiġbor fih erba' elementi:

1) is-sinjal estern li jista' jidher bis-sensi

2) il-bidu jew meta Ġesù Kristu waqqaf is-Sagrament

3) is-sinjal li jfisser il-grazzja santifikanti

4) dan is-sinjal naturali jagħti I-qawwa sopranaturali

II-Qrara hija Sagrament tabilħaqq magħżul mill-Magħmudija (Kon. Trid. D.S.1701, 1702).

Is-sinjal sensibbli tas-Sagrament tal-Qrar.

Biex wieħed jagħmel is-Sagrament tal-Qrar (u għal kull Sagrament ieħor) għandu bżonn tliet ħwejjeg li I-katekiżmu ta' San Piju X jsejħilhom:

Materja, forma u ministru.

II-materja (oġġett jew azzjoni sensibbli) meħtieġa skont is-Sagrament li jkun: (I-ilma naturali, il-ħobż u I-inbid, iż-żejt). II-materja tal-Qrar tinsab fl-azzjonijiet tal-penitent: I-indiema, il-proponiment, I-istqarrija tad-dnubiet u r-rieda li ssir it-tewba. San Tumas D'Aquino u t-teoloġi jsejħulhom kważi materja għaliex ma fihomx I-oġġett materjali (Kon. Trid.D.S.914; ara KKKn. 1450).

II-forma, jew dak il-kliem li qal Kristu direttament jew il-Knisja. II-kliem flimkien mal-materja jagħmlu s-sinjal tas-Sagrament. II-forma essenzjali tal-Qrar tinsab fil-kelmiet tal-assoluzzjoni: "Jiena naħfirlek dnubietek fl-isem tal-Missier, u tal-lben u tal-lspirtu s-Santu".

II-ministru huwa s-saċerdot konfessur li jaħfer f'isem Kristu u I-Knisja tiegħu, mogħni bil-ġurisdizzjoni xierqa skont il-Kanoni tal-Knisja (ara n.965; 969, par 1).

Sabiex dan is-Sagrament ikun validu, m'hemmx għalfejn li I-ministru jkun fil-grazzja ta' Alla; hu biżżejjed u meħtieg li jagħmel ir-rit skont il-forma, u li jkollu I-intenzjoni li jagħmel dak li trid il-Knisja.

II-Qrar jissejjaħ Sagrament tal-mejtin.

Is-Sagramenti jinqasmu hekk: tal-mejtin u tal-ħajjin. Is-Sagramenti tal-mejtin huma:

il-Magħmudija u I-Qrar. Is-Sagramenti tal-ħajjin huma: il-Griżma tal-lsqof, I-Ewkaristija, id-Dlik tal-Morda, l-0rdni Sagri u ż-żwieġ.

Tal-ewwel jissejħu Sagramenti tal-mejtin għaliex jistgħu jirċevuhom dawk li, għalkemm jgħixu fiżikament, huma mejtin għall-ħajja tal-grazzja minħabba d-dnub il-mejjet. Dawn is-Sagramenti jħassru d-dnub u jagħtu I-grazzja santifikanti, li hija I-ħajja tar-ruħ.

L-oħrajn jissejħu s-Sagramenti tal-ħajjin għaliex kull min jirċevihom irid ikun ħaj fil-grazzja (u mhux fid-dnub il-mejjet). F'każ mhux tas-soltu is- Sagramenti tal-ħajjin jistgħu jagħtu I-grazzja santifikanti, pereżempju, meta wieħed jirċievi s-Sagramenti tal-ħajjin filwaqt li nesa li kellu dnub mejjet, li tiegħu għandu ndiema ġenerali; f'dal-każ is-Sagrament iħassarlu d-dnub u jagħtih il-grazzja santifikanti.

Ta' min ikun jaf tajjeb li min jirċievi Sagrament tal-ħajjin fil-waqt li jaf li mhux fil-grazzja ta' Alla, jagħmel dnub mejjet ta' sagrileġġ.

L-effett tas-Sagrament tal-Qrar

II-Qrar, u s-Sagramenti I-oħra kollha, bir-rieda ta' Ġesù Kristu, mhux biss ifissru I-grazzja, imma għandhom il-grazzja u jgħadduha Iil min jiréevihom, sakemm dan ma jkollux xi impediment li jfixklu, bhal meta wieħed ma jridx jirċievi s-sagrament.

Fis-Sagrament tal-Qrar, u fis-Sagramenti l-oħra kollha, ikun hemm impediment meta jonqos jew ikun difettu2 xi wiehed mill-elementi essenzjali li jiffurmaw is-Sagrament: materja, forma, ministru.

Kull Sagrament huwa kawża vera li jagħti l-grazzja, ukoll jekk huwa kawża strumentali; is-Sagramenti jaħdmu fina bil-qawwa tagħhom imfissra fir-rit sagramentali li għandhom fihom mogħtija mill-istess Awtur Ġesù Kristu. Din il-qawwa tissejjaħ ex opere operato.

L-effett u l-għan tas-Sagrament tal-Qrar huwa li jroddna lura għall-grazzja ta' Alla u jgħaqqadna miegħu bi ħbiberija mill-akbar (Catec.Rom2,5, 18) ); iġib il-paċi u s-serħan fil-kuxjenza flimkien ma' faraġ spiritwali tassew (Kon. Trid.D.S.1674); irodd lura d-dinjità u l-ġid ta' ħajja ta' wlied Alla (Lq. 15,32), iħabbibna mill-ġdid mal-Knisja li tkun batiet minħabba fid-dnubiet tal-membri tagħha(1 Kor.12,26).

Minbarra l-maħfra mill-piena ta' dejjem (dnubiet mejta) u mill-pwieni taz-żmien jagħtina wkoll għajnuniet spiritwali għat-taqbida nisranija (ara Rec. et Paen.n3)

KAP 3

ID-DNUB

X'inhu d-dnub?

Id-dnub huwa offiża lil Alla bil-ksur tal-liġi tiegħu: "Kontrik biss jiena dnibt" (Salm 51 ,6; ara KKK 1849)

Ta' min ikun jaf li l-gravità tal-offiża hija marbuta mal-għarfien li wieħed għandu ta' Alla u tad-dmirijiet tiegħu. Il-gravità tal-istess dnub magħmul minn tifel jew wieħed kbir nieqes mit-tagħlim u dak magħmul minn teologu jew minn ruħ mogħnija b'xi grazzja speċjali, mhix xorta waħda.

Suriet tad-dnub

Id-dnubiet jistgħu jkunu ta' iżjed minn għamla waħda skont l-oġġett tagħhom bħala għemil tal-bniedem. Id-dnub, biex jissejjaħ hekk, irid ikun għemil tassew ta' bniedem.

Id-dnub jista' jkun oriġinali u attwali. Id-dnub oriġinali huwa dak li għamel Adam

bħala kap u ras il-bnedmin kollha, meta abbuża mil-libertà tiegħu u ma obdiex il-kmand ta' Alla (Gen. 2,17; 3,1 1 ). Dan id-dnub jgħaddi mingħandu f'kull bniedem bħala iben imnissel minn Adam, minn ġenerazzjoni għal oħra: "Bid-diżubbidjenza ta' bniedem wieħed, il-ħafna saru midinbin"(Rum. 5, 19).

Id-dnub attwali, jew personali, huwa dak li wieħed jagħmel minn rajh sa minn meta jilħaq l-użu tar-raġuni. Id-dnub jeżisti, u ma tistax taħbih jew tinjurah. Biex tifhem x'inhu u kemm hu ikrah, l-ewwel trid tagħraf ir-rabta kbira li hemm bejn Alla u l-bniedem: "Nagħmlu l-bniedem fuq is-sura u x-xbieha tagħna" (Gen. 1 ,26-28); "Alla hekk ħabb id-dinja li ta lil Ibnu l-waħdieni, biex kull min jemmen fih ma jintilifx, iżda jkollu l-ħajja ta' dejjem" (GW. 3, 16; ara Dei Verbum n.3).

Id-dnub attwali jista' jsir b'erba' modi:

i bil-ħsieb,

ii bil-kliem,

ii bil-għemil,

iv bit-tħollija tal-għemil.

Dawn jistgħu jkunu kontra Alla, kontra l-proxxmu u kontra tagħna nfusna. Id-dnub attwali jista' jkun mejjet (kbir) jew venjal (żghir) (ara 1 Gw. 5,16-17).

Id-dnub il-mejjet

Id-dnub il-mejjet isir meta wieħed jikser il-liġi ta' Alla f'ħaġa tassew kbira, ikun jaf sewwa x'inhu jagħmel, u jrid hekk minn rajh ( Rec. et Paen. n.17 ).

Biex id-dnub ikun mejjet hemm bżonn li l-għemil imwettaq ikun uman, magħmul b'rieda ħielsa ta' min jagħmlu, u dan jagħraf sewwa t-tajjeb jew il-ħażin ta' dak li jagħmel. Imbagħad, il-bniedem isir responsabbli u l-awtur ta' dak li jagħmel tajjeb jew ħażin, li jistħoqqlu l-premju jew il-kastig. Id-dnub il-mejjet huwa nuqqas kbir tal-imħabba lejn Alla.

X'jeħtieġ għad-dnub il-mejjet?

Biex wieħed jgħid meta hu dnub mejjet, hemm bżonn tliet elementi flimkien:

Il-materja tkun gravi, jew ksur gravi tal-liġi

ii. li tkun taf x'qed tagħmel,

iii rieda sħiħa u ħielsa

i Il-materja gravi jew ksur gravi tal-liġi divina jew umana, tal-Knisja jew ċivili. Nagħtu eżempji: tiċħad jew tiddubita mill-eżistenza ta' Alla, jew ta' xi verità tal-fidi; tidgħi bl-isem ta' Alla, tal-Madonna u tal-Qaddisin, filwaqt li żżid ukoll titli inġurjużi; ma tismax quddiesa nhar ta' Ħadd u fil-festi tal-preċett mingħajr raġuni, għall-għażż, traskuraġni jew għax ma tridx; toffendi b'mod gravi lill-ġenituri jew superjuri tiegħek; toqtol jew tferi gravi lil xi ħadd; tipprokura direttament l-abort; tagħmel atti impuri waħdek jew ma' oħrajn; iġġib ħsara fiżika jew morali gravi; tisker (b'xorb jew bi droga) sa tasal titlef l-użu tar-raġuni; tkun ta' skandlu għal ħaddieħor f'ħaġa gravi; tirċievi Sagrament tal-ħajjin bid-dnub il-mejjet; ma tistqarrx dnub mejjet fil-Qrar.

Ii Tkun taf x'qed tagħmel, tagħraf sewwa u tqis li dak li se tagħmel jew tħalli huwa pprojbit jew mitlub b'mod gravi - b'hekk tmur kontra l-kuxjenza.

Iii Ir-rieda sħiħa u ħielsa: li trid tagħmel jew tħalli, għax hekk trid, dak li taf żgur li hu fih innifsu dnub mejjet.

Biex jitqies dnub mejjet hemm bżonn li dawn it-tliet elementi msemmija jkunu flimkien fl-istess waqt tad-dnub. Jekk jonqos wieħed minnhom, jew biċċa sewwa minn xi wieħed (ma jkunx hemm tagħrif jew rieda ħielsa) dan ma jitqiesx bi dnub mejjet.

L-effett tad-dnub il-mejjet

Id-dnub il-mejjet iċaħħad lir-ruħ mill-grazzja santifikanti, li hija l-ħajja tagħha. Jissejjaħ mejjet għaliex jaqta' r-rabta ħajja minn ma Alla.

Id-dnub il-mejjet jifred lil Alla minn mar-ruħ, li hija tempju tat-Trinità qaddisa meta hija fil-grazzja.

Id-dnub il-mejjet itellef lir-ruħ dawk il-merti mirbuħin fl-imgħoddi, meta kienet fil-grazzja t’Alla.

Id-dnub il-mejjet ma jħallix lir-ruħ tagħmel opri biex timmerita l-Ġenna.

Bid-dnub l-mejjet ir-ruħ tkun tistħoqqilha l-infern.

Kif terġa ġġib il-grazzja santifikanti

Il-grazzja santifikanti (b'dak kollu li ġġib magħha) li tintilef bid-dnub il-mejjet, tista' tintrebaħ b'żewġ modi:

a bi qrara tajba

b. b'att ta' indiema perfetta (dispjaċir u proponiment) magħquda ma' rieda għall-Qrara.

Id-dnub venjal

Id-dnub venjal huwa ksur tal-liġi divina jew tal-Knisja jew Ċivili f'ħaġa żgħira, jew f’ħaġa gravi imma mhux bl-elementi kollha meħtieġa.

L-effetti tad-dnub venjal

Id-dnub venjal iberred l-imħabba lejn Alla. Għalkemm ma jtellifx il-grazzja santifikanti, id-dnub venjal idgħajjef il-ħbiberija bejnna u bejn Alla; iċaħħad ir-ruħ minn ħafna grazzji li setgħet ħadet mingħand Alla li kieku ma kellhiex dnub; ihejjina bil-mod il-mod biex naqgħu fid-dnub il-mejjet.

Id-dnub venjal jistħoqqlu pwieni temporali li jridu jitħallsu jew f'din id-dinja jew fl-oħra (fil-purgatorju) ma jċaħħadniex mill-imħabba u l-ħbiberija ma’ Alla, u għalhekk lanqas mill-hena ta’ dejjem.

Kif tista’ tħassar id-dnub venjal

Id-dnub venjal jista' jitħassar b'ħafna modi: bis-sogħba, bit-talb, bl-opri tajba (quddies, tqarbin, karità), opri tal-ħniena, u bil-qrara sagramentali.

Il-ħafna suriet tad-dnubiet

Hemm kull xorta ta' dnubiet. L-ewwel u l-aktar importanti hija dik bejn id-dnub il-mejjet u d-dnub il-venjal, għaliex hemm differenza kbira bejniethom: id-dnub il-mejjet itellef il-grazzja santifikanti, fil-waqt li d-dnub venjal le.

L-irjus tad-dnubiet il-mejta

Is-suppervja, meta wieħed ikun kburi bih innifsu u bi ħwejġu, filwaqt li jiddisprezza lill-oħrajn. Ix-xeħħa, il-leblieba għall-ġid temporali, ż-żina, ix-xewqa u l-użu tal-pjaċir sesswali bla rażan, l-għira, tqanqil ta' sogħba li jwassal għall-mibegħda lejn persuna jew ħwejjeġ ħaddieħor minħabba xi ġid, l-għadab, is-saħna li biha wieħed joħodha kontra xi ħadd minħabba xi azzjoni li jkun irċieva, l-għażż, il-qtigħ il-qalb, in-nuqqas ta' dmir, id-dgħufija speċjalment fil-ħwejjeġ ta' Alla, ikel u xorb żejjed, l-użu tal-ikel u x-xorb b’mod eċċessiv.

Id-dnubiet kontra l-lspirtu s-Santu

Disperazzjoni dwar is-salvazzjoni,

tippretendi li ssalva mingħajr ma ħaqqek,

tmur kontra s-sewwa magħruf,

tgħir għall-grazzja tal-oħrajn,

twebbes rasek fid-dnub,

tibqa' ma tindimx sal-aħħar

Alla hu ta' ħniena bla qies. Iżda min għax irid ma jilqax sogħbien il-ħniena ta' Alla, ma jkunx irid maħfra għal dnubietu u s-salvazzjoni li qiegħed joffrilu l-lspirtu s-Santu (ara Dom.et Vivific. n.46).

Dnubiet li jgħajtu ħaqq quddiem Alla

Qtil volontarju.

Dnub tal-impurità - kontra n-natura.

Moħqrija lill-foqra.

Qerq fil-ħlas tal-ħaddiema.

KAP 4

ID-DNUB SOĊJALI

lt-Tradizzjoni nisranija tgħallem dwar id-dnub li, għalkemm huwa att personali għax hu għemil il-bniedem li jagħmlu bil-libertà kollħa tiegħu, fih ukoll dimensjoni soċjali. Illum dan it-tagħlim ħareġ iżjed fid-dawl permezz tad-dokument Reconciliatio et Paenitentia tal-Papa San Gwanni Pawlu Il.

Dan għaliex id-dnub jinsab fil-ġrajja tal-bniedem li ta' sikwit jiġi nfluwenzat, ikkondizzjonat jew imġiegħel minn għadd ġmielu ta' fatturi qawwija li huma barra minnu. Dawn jistgħu jkunu ġibdiet, drawwiet u difetti li huma marbutin mal-istess qagħda soċjali tal-bniedem.

F’dan is-sens id-dnub huwa mhux biss att personali, imma wkoll dnub soċjali, għaliex id-dnub, kull dnub, b'qawwa kbira jew żgħira, jolqot ix-xirka kollha tal-Knisja, u lill-familja tal-bnedmin.

Hekk, pereżempju, matul il-medda tas-snin, nibtu ġrajjiet sa mill-bidu li firdu l-Insara mix-xirka tal-Knisja Kattolika - firdiet li ġabu ġrieħi fl-unità tal-Ġisem ta' Kristu. Dawn huma l-ereżija, l-apostasija u x-xiżma. Għax fejn hemm id-dnub hemm issib it-tkattir tiegħu, hemm issib ix-xiżma, hemm issib l-ereżija, hemm issib il-ġłied (cfr. Origene, Hom. In Ezech., 9,1).

ld-dnub, hekk imsejjaħ soċjali, mhux xi ħaġa ta' żmienna biss. L-lmgħallem Ġesù saħaq ħafna dwar dan meta għallem li l-ikbar kmandament huwa li tħobb 'l Alla fuq kollox, u t-tieni jixbhu, li tħobb lil għajrek bħalek innifsek (MIK. 12,30-31).

Minn dan it-tieni kmandament jinbtu d-dnubiet soċjali kollha. Illum, iżjed mill-bieraħ, qed ngħixu f'dinja mqallba fejn insibu dnubiet soċjali kontra l-ġustizzja, il-libertà, id-drittijiet fundamentali, id-dinjità u l-fama, il-ġid u s-saħħa, id-drittijiet ta' kull ċittadin, ta' kull familja, ta' kull nazzjon.

Biex insemmu xi ftit, illum nafu x'ġara u x'qed jiġri min-nies tat-Tielet Dinja u f'ċerti pajjiżi ċivilizzati minħabba l-ideoloġiji qerrieda kollhom mibegħda, li sal-lum għadhom ikaxkru nies innoċenti bid-dominju brutali ta' min jaħkem fuqhom. Kemm qed nisimgħu, naraw u naqraw ġrajjiet ta' wlied, ta' qtil, ta' vjolenza u ta' moħqrija. Jekk, imbagħad, irridu nfittxu f'pajjiżna, fis-soċjetà u fil-familja tagħna, għandna nsibu wkoll dix-xorta ta' dnubiet soċjali.

Huwa dnub soċjali kull għemil jew nuqqas ta' għemil tal-mexxejja politiċi, tal-ekonomisti u tal-mexxejja tat-Trade Unions li ma jħabirkux bil-għaqal u bl-għerf meħtieġ biex itejbu u jgħaddu 'l quddiem is-soċjetà.

Huwa dnub soċjali ta' dawk li għandhom ir-responsabbiltà fil-mezzi tax-xandir meta, mhux biss ma jgħallmux il-verità kif inhi, imma,u agħar minn hekk jabbużaw bl-istess mezzi għat-tixrid tal-pornografija, tal-qerq u ta' tagħlim żbaljat, bil-konsegwenza wkoll tal-iskandli.

Kif ukoll huwa dnub soċjali l-għemil tal-ħaddiema li jiskartaw ix-xogħol, jew ma jagħtux sehemhom kollu fuq ix-xogħol, b'mod li jfixklu l-industrija tagħhom hekk li ma jħalluhiex tgħaddi ‘l quddiem; u dan bi ħsara għalihom infushom, għall-familji tagħhom u ghas-soċjetà kollha kemm hi (ara Rec.et Paen. n. 16).

Fl-aħħar mill-aħħar, huma responsabbli ta’ dawn id-dnubiet soċjali dawk l-individwi li jġibu l-iskuża li d-dinja ma tistax tbiddilha milli hi. Dawn huma nies li ma jridu jagħmlu xejn jew għax għall-għażż jew minħabba fil-biża', jew għax iridu jżommu s-skiet, jew għaliex għandhom sehem moħbi fid-deni; iridu jeħilsu mix-xogħol mis-sikkatura u mir-responsabbiltà ; nies ma jimpurtahom minn xejn.

Hawn ta’ min ifakkar lil dawn it-talin fil-Kanone n.959, fejn jgħid li l-penitent, sobgħien minħabba dnubietu meta jaqla' il-maħfra tagħhom minn għand Alla bl-assoluzzjoni tal-konfessur, jitħabbeb ukoll mal-Knisja,- komunità li jkun waġġa’ bi dnubietu. Dan ifisser li, bħalma l-penitent irid ipatti għal dnubietu , hekk ukoll għandu jagħmel il-ġid fil-Knisja-komunità biex ipatti għall-weġgħat li tkun ġarrbet bi dnubietu.

KAP 5

IL-GRAZZJA TA' ALLA

Tifsir tal-grazzja

Il-grazzja ta' Alla (favur, għajnuna jew don) hija għotja b'xejn mingħand Alla lilna bnedmin b'sinjal ta' mħabbtu lejna (ara 1, 12-18; Rum. 8, 14-17).

Kif tinqasam

Hemm tliet speċi ta' grazzja

Il-grazzja santifikanti, qaddiesa, jew abitwali

Il-grazzja sagramentali

Il-grazzja attwali

Il-grazzja santifikanti, qaddiesa, abitwali hija don sopranaturali fil-ħajja tar-ruħ mogħtija lilna minn Alla għall-merti ta' Ġesù Kristu. Dan id-don:

I. jagħtina sehem min-natura divina,

II. insiru wlied adottivi ta' Alla,

III. jagħmilna tempju ħaj tat-Trinità qaddisa,

IV. nistgħu nimmeritaw il-Ġenna bl-għemejjel tagħna,

V. jagħtina d-dritt għall-ħajja ta' dejjem.

Il-grazzja santifikanti, jew abitwali, hija don, għotja li Alla tana minn jeddu, mingħajr ma jistħoqqilna. Aħna l-bnedmin biss nistgħu nirċievu dan id-don, skont il-pjan ta' Alla għalina.

Sopranaturali, għaliex tisboq kull forza tan-natura tagħna. Aħna ma konna qatt sa naslu biex jistħoqqilna dan id-don; għalhekk Alla għoġbu jagħtihulna b'xejn b'sinjal ta' mħabba. Li kieku Alla ried jagħżel il-bniedem għal skop naturali, ma kienx ikollu bżonn għajnuna speċjali, sopranaturali biex jasal; kienu jkunu biżżejjed il-forzi tiegħu naturali. Jekk, imbagħad, Alla ried jagħżel il-bniedem għall-fini sopranaturali, ogħla għalkollox mill-forzi tiegħu, kellha tkun meħtieġa żgur l-għajnuna sopranaturali ta' Alla.

Eżempju: jiena nitlob lil xi ħadd biex jagħmel ħames kilometri bil-mixi f'siegħa. Issa jekk jiena nippretendi minnu li jagħmel mitt kilometru fl-istess ħin, irrid nagħtih xi mezz, bħal xi karozza, inkella jkun impossibbli għalih.

Fil-ħajja tar-ruħ, jiġifieri don li jidħol fir-ruħ, li jgħolliha u jibdilha fi stat ġdid. Il-grazzja min-natura tagħha tibqa' fir-ruħ, (għalhekk tissejjaħ ukoll abitwali), sakemm ma tintilifx bid-dnub il-mejjet. Bil-grazzja santifikanti (għaliex tqaddes lil min jirċeviha), ir-ruħ tirċievi wkoll il-virtujiet teologali u kardinali flimkien mad-doni li jagħtiha l-lspirtu s-Santu.

Mogħti lilna minn Alla, għall-merti ta' Ġesù Kristu. Alla seta' jagħtina din il-grazzja direttament; imma, wara li l-bniedem waqa' fid-dnub, ried li jagħtihielna permezz tal-merti ta' Gesù Kristu, li Hu qala' għalina Ikoll fil-ħajja tiegħu fostna. Din il-grazzja titqassam lil kull wieħed permezz tas-Sagramenti, skont id-dispożizzjoni ta' kull wieħed minna.

L-effetti tal-grazzja santifikanti

i) Don li jagħtina sehem min-natura divina. B'din il-grazzja santifikanti aħna nieħdu sehem min-natura ta^’ Alla. Dan ma jfissirx li nsiru daqs Alla, għaliex Alla huwa wieħed biss; imma jagħtina xebh ta' ħajja divina li jiġi mmarkat fir-ruħ tagħna. Il-grazzja hija bħal ħajja ġdida mwaħħda mal-ħajja naturali, mingħajr ma tneħħiha jew tinbidel fiha. Għalhekk, mela, il-bniedem, mogħni bil-grazzja, jissejjaħ bniedem ġdid, bniedem tal-ispirtu; filwaqt li min ma jkollux il-ħajja tal-grazzja jissejjaħ il-bniedem il-qadim (Ġw.15, 1-2, 4-8).

ii) Insiru wlied adottivi ta' Alla. Il-grazzja mhux biss tagħmilna ġusti, qaddisin u ħbieb ta' Alla, imma nsiru għalkollox ulied Alla, mhux naturali, għaliex il-Verb biss huwa Iben naturali ta' Alla, imma adottivi. Dan ifisser li wieħed jaċċetta l-persuna barranija bla ħlas, u din il-persuna tidħol għad-dritt tal-wirt. Għall-adozzjoni hemm bżonn tliet kondizzjonijiet:

a) li taċċetta persuna b'xejn, bħala wild,

b) li din il-persuna tkun barranija (mhux mill-wild),

c) l-adozzjoni ssir fuq livell tal-istess natura.

Aħna kien jonqosna l-identità tal-istess natura f'dak li għandu x'jaqsam ma' Alla. Għalhekk, Alla tana d-don tal-grazzja biex stajna nieħdu sehem mill-ħajja divina tiegħu u nkunu nistgħu niġu addottati minnu.

iii) Tagħmilna tempju ħaj tat-Trinità Qaddisa. Meta Alla tana l-grazzja, hekk ħabbna li ried mhux biss li nieħdu sehem min-natura tiegħu stess, jagħmilna wlied adottivi, imma ried ukoll jiġi jgħammar fina. San Pawl jgħallimna din il-verità : "Ma tafux li intom tempju tal-lspirtu s-Santu, u li l-lspirtu ta' Alla jgħammar fikom?" (1 Kor. 3,16). San Ġwann ukoll jurina dan:"Jekk wieħed iħobbni iħares kelmti, u Missieri jħobbu, u aħna niġu u ngħammru għandu" (Ġw. 14,23)

iv) Nistgħu nimmeritaw il-Ġenna bl-għemejjel tagħna. Il-bniedem fil-grazzja ta' Alla jista' jżid il-grad tal-grazzja li jkun qala' mingħand il-Ħallieq permezz ta' opri tajba. Sabiex jirnexxilu jagħmel dan hemm bżonn li jkun fil-grazzja santifikanti u li jkun f'ħajtu għaliex wara l-mewt ma nistgħux nimmeritaw; dak li jagħmel ikun moralment tajjeb (jiġifieri jaqbel mal-oġġett, l-intenzjoni u ċ-ċirkustanzi tal-liġi ta' Alla), ħieles (magħmul mingħajr rabta) u sopranaturali, magħmul għall-fini tal-ħajja ta' dejjem. Biż-żieda tal-merti, il-bniedem iżid il-grazzja u l-glorja tal-Ġenna li tkun tistħoqq.

v) Tagħtina d-dritt għall-ħajja ta' dejjem. Jekk immutu fil-grazzja ta' Alla, ikollna d-dritt għall-ħajja ta' dejjem. Għedna li bil-grazzja, Alla għamilna wlied adottivi tiegħu. Id-dritt prinċipali tal-ulied adottivi huwa dak tal-eredità tal-missier; issa Alla Missierna jagħtina bħala eredità s-saltna tiegħu, lilu nnifsu, il-ħajja ta' dejjem, il-Ġenna.

Kif jista' wieħed jaqla' l-grazzja santifikanti.

It-tarbija taqla' il-grazzja santifikanti fil-Magħmudija. L-adult mhux mgħammed jaqla' l-grazzja santifikanti, minbarra bil-Magħmudija li jirċievi, bl-intenzjoni biss li jrid jieħu l-Magħmudija magħquda mas-sogħba tad-dnubiet il-mejta tiegħu (indiema perfetta) u l-proponiment li ma jerġax.

Kif tintilef il-grazzja santifikanti.

Il-grazzja santifikanti tintilef bid-dnub il-mejjet.

Kif terġa' ġġib il-grazzja santifikanti.

Il-grazzja santifikanti li wieħed jitlef bid-dnub il-mejjet, jista' jerġa' jġibha bis-Sagrament tal-Qrar magħmul bil-kondizzjonijiet neċessarji, jew bl-intenzjoni li jrid iqerr mill-aktar fis, magħquda mas-sogħba tad-dnubiet mejta tiegħu (indiema perfetta) u I-proponiment li ma jerġax.

II-bżonn tal-grazzja santifikanti.

II-grazzja santifikanti hija meħtieġa, bla dubju, fil-pont tal-mewt biex wieħed jaqla' I-Ġenna. Minbarra dan, il-grazzja hija meħtieġa biex wieħed jista' jimmerita għall-ħajja ta' dejjem; I-opri li huma I-aktar komuni, magħmulin bil-qawwa tal-grazzja, jaqalgħu wkoll merti għall-Ġenna.

IL-GRAZZJA SAGRAMENTALI

Hija dik il-ġabra ta' għajnuniet speċjali li kull Sagrament jagħti f'kull waqt meħtieġ biex jista' jwettaq I-iskop proprju tiegħu li għalih kull Sagrament ġie mwaqqaf. Kull Sagrament jagħti din il-grazzja Iil min jirċevih kif inhu xieraq. Is-Sagrament għandu din il-qawwa li jagħti I-grazzja permezz tal-merti ta' Ġesù Kristu.

IL-GRAZZJA ATTWALI

Hija għajnuna sopranaturali u tal-mument (għalhekk attwali) li Alla jagħtina biex idawwal I-intelliġenza tagħna u jqawwina fir-rieda sabiex nistgħu nagħmlu t-tajjeb u naħarbu I-ħażin, jiġifieri biex nagħmlu għemejjel sopranaturali. II-grazzja attwali hija meħtieġa għall-aħħar biex nistgħu niksbu I-ġustifikazzjoni u I-grazzja santifikanti; hija meħtieġa għan-nisrani li jkun waqa' fid-dnub il-mejjet biex jikkonverti u jerġa' jaqla' I-grazzja santifikanti; hija wkoll meħtieġa għal min hu ġust biex jaqla’ I-perseveranza sal-aħħar u s-salvazzjoni ta' dejjem.

Bl-opri tajba li nagħmlu u bit-talb, aħna ma ħaqqniex il-grazzja fil-veru sens tal-kelma; imma nithejjew u tkun tistħoqqilna f'sens wiesa', għax Alla jisma' Iil min jitolbu, u jifraħ b'min jagħmel jew irid jagħmel il-ġid u jitlob il-grazzja, il-perseveranza u I-ħajja ta' dejjem mingħand Alla.

TQASSIM TAL-GRAZZJA

Alla ma jqassamx il-grazzja lill-bnedmin bl-istess qies, imma Iil xi wħud ħafna, lill-oħrajn ftit, skont il-proġett misterjuż tiegħu ta' mħabba għalina. Dan kollu jagħmel sehem mill-pjanijiet moħbija ta' Alla. Meta qed jagħmel hekk, Alla ma jonqos lejn ħadd, għaliex Hu jista' jagħmel kif jogħġbu bid-doni tieghu. Dan hu żgur: Alla jagħti lil kulħadd il-grazzja meħtieġa u biżżejjed, u ħafna drabi iżjed ukoll, sabiex kulħadd ikun jista' jsalva.

Is-salvazzjoni, li kellha tiddependi mill-grazzja biss, kulħadd kien isalva; imma s-salvazzjoni tiddependi mill-grazzja u mir-rieda ħielsa u ġeneruża ta' kull wieħed

IL-GRAZZJA U L-LIBERTÀ

Il-grazzja tirrispetta bis-sħiħ il-libertà umana; lanqas Alla ma joħodha kontra din il-libertà. Alla jrid li kulħadd isalva, imma jrid li nsalvaw billi noqogħdu għall-pjan tiegħu ta' salvazzjoni b'ħelsien sħiħ. Għalhekk, Alla jipproponi t-triq tat-tajjeb permezz tal-grazzja, għalkemm wieħed jista' jiċħadha u jagħżel it-triq tal-ħażen li tieħu għat-telfien.

IL-GRAZZJA U L-QRAR

Is-Sagramenti kollha jagħtu jew iżidu l-grazzja santifikanti, u kull Sagrament jagħti wkoll grazzja speċjali jew sagramentali, li hija għajnuna divina ċerta biex wieħed jista' jwettaq l-iskop speċjali li għalih kien twaqqaf dak is-Sagrament.

Barra minn dan, l-adult, minħabba x-xejra suġġettiva tiegħu, jista' jżid suriet ta' gradi tal-grazzja mogħtija mis-Sagrament.

L-effett ewlieni tal-Qrara sagramentali huwa t-tħabbib tal-midneb ma' Alla, li jaqla' l-maħfra tad-dnubiet bit-tiswib tal-grazzja santifikanti. Din tiġi mogħtija lura jekk tintilef bid-dnub il-mejjet, jew tiżdied.

Wara li bl-assoluzzjoni tinħafer il-piena eterna, bit-tewba (penitenza) tinħafer ukoll il-piena temporali.

Bil-grazzja santifikanti (mogħtija lura jew miżjuda) tiġi mogħtija wkoll il-grazzja sagramentali; din tgħinna biex nagħmlu frott tassew ta' penitenza u biex inwarrbu d-dnub għalli gej; biex tqajjem fina l-merti li konna tlifna bid-dnub il-mejjet.

Is-Sagrament tal-Qrar jagħti wkoll, bħala effett sekondarju, paċi kbira, serħan tal-kuxjenza u kotra ta' faraġ spiritwali.

KAP 6

META U KIF TWAQQAF IS-SAGRAMENT TAL-QRAR

1 . Gesù Kristu waqqaf is-Sagrament tal-Qrar.

Il-Qrara sagramentali, (is-Sagrament tal-penitenza jew tar-rikonċiljazzjoni), imwaqqfa minn Sidna Ġesù Kristu, l-lben ta' Alla u Redentur tal-bnedmin kollha (ara Mk.2,10). Il-Verb ta' Alla, ubbidjenti għall-Missier, ħa n-natura umana biex jifdi u jsalva lilna l-bnedmin.

Mill-ewwel mument tat-tnissil fil-ġuf safi ta' Marija Ommu, sal-aħħar nifs fuq il-kalvarju, l-lben kien joffri lilu nnifsu lill-Missier biex iħallas għad-dnubiet ta' kulħadd: ta' dawk li marru, li hawn illum u ta' dawk li għad iridu jiġu.

L-opra tal-fidwa ta' Kristu tibda taħdem fina meta kull bniedem jgħaqqad il-koperazzjoni tiegħu b'sogħba u konverżjoni (bidla) magħha.

Il-grazzji kollha li Ġesù qala' matul ħajtu fuq l-art, jitqassmu lil kull bniedem skont it-thejjija tiegħu permezz tal-ministeru tal-Knisja (ara Lumen Gen. 14). Dan il-ministeru jgħaddi mill-ħidma tal-appostli u s-saċerdoti permezz tat-tħabbira tal-kelma ta' Alla u l-għoti tas-Sagramenti, speċjalment tal-Magħmudija u tal-Qrar.

2. Is-Setgħa tal-Knisja biex taħfer id-dnubiet.

"Min jista' jaħfer id-dnubiet ħlief Alla biss?" (Mk. 2,7). Għaliex Ġesù huwa l-lben ta' Alla, wieġeb: "Bin il-Bniedem għandu s-setgħa jaħfer id-dnubiet fuq l-art" (Mk. 2,1 0). Ġesù wera din is-setgħa divina quddiem kulħadd: "Ibni, dnubietek maħfura" (.5).

Ġesù jwiegħed lil Pietru u lill-appostli s-setgħa li jorbtu u jħollu fuq l-art; mhux biss, imma Huwa riedhom iħaddmu din is-setgħa f'ismu: "Kif il-Missier bagħat lili, hekk jien nibgħat lilkom" (Ġw.20,21-23).

BI-awtorità tiegħu ta' Alla, Ġesù jgħaddi s-setgħa divina tiegħu lill-Knisja : "Inti Pietru, u fuq din il-blata jiena nibni l-Knisja tiegħi u s-setgħat tal-infern ma jegħlbuhiex. Jiena nagħtik l-imfietaħ tas-saltna tas-smewwiet, kulma torbot fuq l-art, ikun marbut fis-smewwiet, u kulma tħoll fuq l-art, ikun maħlul fis-smewwiet" (Mt. 1 6, 18-19).

Mela l-maħfra tad-dnubiet, imwettqa mill-Knisja permezz tas-saċerdoti tagħha, hija ndaqs ma' dik ta' Kristu, l-lben ta' Alla; jiġifieri mhux xi għata tal-ħtija, jew maħfra tal-piena, imma hija maħfra li tħassar tassew id-dnub. Il-Konċilju ta' Trento jistqarr (kontra dawk li jissejħu Riformaturi) li Kristu għadda s-setgħa tiegħu lill-appostli u lil dawk kollha li jigu warajhom legittimament magħżula biex jaħfru u jżommu d-dnubiet, biex iħabbu lill-bnedmin ma' Alla wara li jkunu waqgħu fid-dnub. Din is-setghħa ma tfissirx biex huma jippritkaw il-Vanġelu tal-maħfra, imma li jagħtu tassew din il-maħfra (Kond Trid, D.S. 1668, 1703).

II-Knisja dejjem ħasset li għandha s-setgħa li taħfer id-dnubiet magħmulin wara l-Magħmudija, għalkemm fl-ewwel sekli kienet tħaddem din is-setgħa b'mod differenti mil-lum.

Is-setgħa tal-Knisja li taħfer id-dnubiet hija verità: (ara Redem. Missio, 18): bil-maħfra tal-Knisja d-dnubiet jiġu maħfura tassew quddiem Alla dak il-ħin tal-assoluzzjoni. Din is-setgħa hija universali, jiġifieri I-maħfra tinżel fuq id-dnubiet kollha, dejjem skont it-thejjija tal-midneb. Din is-setgħa tinħadem f'għamla ta' ġudizzju: it-twettiq tas-setgħa għall-maħfra tad-dnubiet huwa att ġudizzjarju.

Biex isir att ġudizzjarju hemm bżonn tliet ħwejjeġ:

a) I-awtorità ġudizzjarja – il-konfessur.

b) I-għarfien tal-kawża - I-istqarrija tad-dnub fil-qrara.

c) is-sentenza - I-assoluzzjoni.

II-ġudizzju jsir fil-maħfra jew le tad-dnubiet; I-applikazzjoni tiegħu ma ssirx għax wieħed jogħġbu hekk jew le, imma mqabbla mal-liġi ta' Alla u t-thejjija tal-penitent.

KAP 7

SPJEGAZZJONI TA' XI DNUBIET LI NSIBU FIT-TESTMENT IL-ĠDID

1) Id-dnub ta' min jieqaf lill-lspirtu s-Santu ma jinħafirx (ara Mt. 12,31-32; Mk. 3,29; Lq. 12,10). Id-dnub kontra I-lspirtu s-Santu huwa d-dnub ta' min iwebbes rasu fil-ħażen u jibqa' ma jagħtix widen għal-leħen ta' Alla li jsejjaħlu għall-indiema. Dan id-dnub ma jinħafirx mhux għax Alla ma jridx jaħfru, imma għaliex il-midneb ma jkunx irid jitlob maħfra, u jiċhad kull għajnuna ta' salvazzjoni.

2) "Min jemmen fl-lben ta' Alla ma jkunx ikkundannat; iżda min ma jemminx huwa ġa' kkundannat" (cw. 3,18). Dan huwa d-dnub ta' infedeltà, ta' dak li ma jridx jemmen; għalhekk isir id-dnub kontra I-lspirtu s-Santu.

3) "Hemm dnubiet li jwasslu għall-mewt..." (I Ġw.5,16). Skont San Ġwann, id-dnubiet li jwasslu għall-mewt huma ta' dak li m'għandux fidi. Dan jgħidu wkoll fi kliem ieħor, pereżempju,: "Min jemmen għandu I-ħajja ta' dejjem" (Ġw. 6,47),

4) Id-dnub tal-apostasija, jew meta wieħed jiċħad il-fidi. Għal dan, I-lttra lil-Lhud tgħid: "Ma jistax ikun li traġġa' lura għall-indiema Iil dawk li, wara li darba sfaw imdawla, wara li daqu d-don tas-sema fl-lspirtu s-Santu, wara li daqu t-tjubija tal-Kelma ta' Alla u I-qawwa taż-żmien li għad irid jiġi, imbagħad reġgħu waqgħu; għaliex dawn, bl-istess imġiba tagħhom, jerġgħu jsallbu lill-lben ta' Alla u jwaqqgħuh għat-tmaqdir" (Lhud 6,4-6). II-Kittieb tal-lttra jgħid li huwa impossibbli li jiġġeddu bl-indiema dawk li jaqgħu fl-apostasija. It-teologi jfissru din I-impossibbiltà bħala 'diffiċli' minħabba I-ebusija ta' qalbhom.

KAP 8

IĊ-ĊELEBRAZZJONI TAS-SAGRAMENT TAL-QRAR

II-Kongregazzjoni għall-Kult Divin ippubblikat ktieb: 'Ordo Paenitentiae' (2 ta' Diċembru, 1973) dwar kif għandu jiġi amministrat is-Sagrament tal-Qrar (bil-Malti: 27 ta' Jannar, 1976).

Għal din iċ-ċelebrazzjoni tas-Sagrament tal-Qrar, hemm tliet riti:

a) rit għar-rikonċiljazzjoni tal-penitenti wieħed, wieħed;

b) rit għar-rikonċiljazzjoni għal aktar minn persuna waħda bil-qrara u I-assoluzzjoni wieħed, wieħed;

c) rit għar-rikonċiljazzjoni għal ħafna bil-qrara u bl-assoluzzjoni ġenerali Ikoll flimkien. (Ara Ordo Paen. n. 41- 66).

A. Ir-rit ta' rikonċiljazzjoni għall-penitenti wieħed, wieħed

1. II-Qrara individwali u sħiħa bl-assoluzzjoni tibqa' s-sura waħda ordinarja u li biha l-fidili jiksbu r-rikonċiljazzjoni ma' Alla u mal-Knisja. Iżda huma meħlusin li jqerru b'dan il-mod meta mhux possibbli għalihom fiżikament jew moralment (Kan. 960; Ordo Paen.n.31)

2 II-post għaċ-ċelebrazzjoni tal-Qrar huwa l-knisja u l-oratorju (Kan.964, par. 1 ). II-Konferenza Episkopali tiffissa x'għandu jsir, kif u fejn għaċ-ċelebrazzjoni tal-Qrar biex jistgħu jsiru aħjar id-djalogu u r-relazzjoni personali (Kan.964, par.2). Għal raġuni ġusta l-Qrara tista' ssir ukoll f'postijiet oħra kemm għall-irġiel kif ukoll għan-nisa sakemm dawn ikunu postijiet xierqa.

3 Din iċ-ċelebrazzjoni tista' ssir kuljum u kull ħin. Jaqbel li l-fidili jkunu jafu sewwa l-jum u l-ħin li fih is-saċerdot se jkun iqarar. II-fidili għandhom jiġu mdorrijin jersqu għal dan is-Sagrament barra l-ħin tal-Quddiesa (Ordo Paen. n.44). Jaqbel ħafna li wieħed jersaq għall-Qrar fil-festi solenni tas-sena liturġika, bħalma huma ngħidu aħna, ir-Randan, il-Għid, I-Avvent, il-Milied, u l-bqija. Jekk jista' jkun wieħed ma jħallix xahar jgħaddi. lżda meta wieħed jaqa' fid-dnub il-mejjet, għandu jindem minnufih, u jħabrek biex iqerr mill-aktar fis. ”Kull nisrani, li jkun wasal fl-użu tar-raġuni, hu fid-dmir li jqerr sewwa d-dnubiet mejta kollha tal-anqas darba fis-sena” (Kan.989).

L-ilbies liturġiku għas-Sagrament tal-Qrar hu I-istola vjola. Wieħed għandu jimxi skont id-direttivi li jagħti I-lsqof tal-post (Ordo Paen.n. 14).

4 Ir-rit tal-Qrara. Is-saċerdot konfessur jilqa' lill-penitent b'tislima u b'imħabba ta' aħwa; flimkien iroddu s-salib. Is-saċerdot jistaqsi lill-penitent meta kienet l-aħħar qrara tajba tiegħu. Bi kliem meqjus iħajru biex jistqarr ħtijietu kollha, u jgħinu jagħmel qrara tajba. II-penitent jgħid ”Nistqarr 'l Alla," eċċ.; imbagħad jistqarr dnubietu. II-konfessur jagħtih pariri siewja u xierqa skont l-offiżi u d-dnubiet li jkun għamel; iħeġġu għall-indiema u jħejjih għall-maħfra; jagħtih ukoll it-tewba; din għandha taqbel mal-kobor u s-sura tad-dnub, għandha tkun għajnuna għal ħajja ġdida u duwa għall-mard tar-ruħ. Jekk il-penitent kien ħati ta' xi ħsara, jew ta' xi skandlu, il-konfessur iwissih biex jagħmel tpattija xierqa.

II-penitent juri s-sogħba tiegħu billi jgħid l-att tal-indiema: ”Mulejja, Alla tiegħi, jisgħobbija b'qalbi kollha minn dnubieti ta' ħajti kollha. Jisgħobbija, Mulejja, għall-Ġenna li tlift u għall-infern li rbaħt; imma fuq kollox jisgħobbija għax rgħextek u offendejtek, li int kollok tjieba u ħniena. Inħobbok, Mulejja, inħobbok fuq kollox; mil-lum 'il quddiem, bil-għajnuna mqaddsa tiegħek, ma nidneb qatt u qatt ižjed, u la mmur fejn dari nidneb, iżda naħrab ukoll dak kollu li dari waqqagħni fid-dnub”.

L-Att tal-indiema ż-żgħira: "Mulejja, Alla tiegħi, Inti tħobbni ħafna. Jiddispjaċini talli għedtlek le bi dnubieti. Mil-lum 'il quddiem, bil-għajnuna tiegħek ma nerġax nidneb iżjed, u rrid inħobbok fuq kollox".

Tista' tingħad talba oħra bħalha, sakemm din tfisser is-sogħba u l-proponiment.

5. Wara, il-konfessur, b'idu l-leminija merfugha 'l fuq, jgħid it-talba tal-assoluzzjoni għall-maħfra tad-dnubiet: "Alla, Missier il-ħniena, bil-mewt u l-qawmien ta’ Ibnu għall-ħajja, ħabbeb mill-ġdid id-dinja miegħu, u sawwab fuqna l-lspirtu Qaddis tiegħu għall-maħfra tad-dnubiet. Hu, bil-ministeru tal-Knisja, jaħfirlek u jagħtik is-sliem. U jiena naħfirlek dnubietek: fl-isem tal-Missier, u tal-lben, u tal-lspirtu s-Santu. Ammen" (Ord. Paen. n.46).

Il-penitent għandu jkompli l-konverżjoni tiegħu u juriha permezz ta' ħajja skont il-Vanġelu.

6. Ir-rit fil-periklu tal-mewt. Meta hemm il-periklu tal-mewt malajr, il-konfessur jgħid biss il-kliem essenzjali tal-forma tal-assoluzzjoni: "Jiena naħfirlek dnubietek fl-isem tal-Missier, etc." Minħabba raġunijiet pastorali, il-konfessur jista' jħalli barra jew iqassar xi partijiet tar-rit; iżda ma jistgħux jitqassru jew jitħallew barra: il-qrara tad-dnubiet, l-aċċettazzjoni tat-tewba, l-istedina għall-indiema, il-forma tal-assoluzzjoni.

B. Ir-rit għar-rikonċiljazzjoni għal aktar minn persuna waħda bil-qrara u l-assoluzzjoni ta' wieħed, wieħed

1 Meta ħafna penitenti jinġabru flimkien biex iqerru, jaqbel jiġu mhejjija b'ċelebrazzjoni tal-Kelma ta' Alla.

Ir-rit jista' jsir hekk: jitkanta innu xieraq; il-konfessur isellem lill-fidili; ifissrilhom x'se jsir u kif. Isir xi talb; tinqara l-Kelma ta' Alla. L-għażla tal-qari tkun fejn jinstama' l-leħen ta' Alla lill-bniedem għall-konverżjoni, biex b'hekk il-kuxjenza tkun imdawla u tista' tistħarreg is-sogħba u l-proponiment.

Il-konfessur jagħmel l-omelija li fiha għandu jfakkar:

a) il-ħniena bla qies ta' Alla,

b) il-ħtieġa tas-sogħba tassew mill-qalb,

c) l-aspett tal-grazzja u d-dnub,

d) l-għemil tagħna ta' tpattija.

Fis-skiet l-eżami tal-kuxjenza. Imbagħad, wieħed wara l-ieħor imorru jqerru għand il-konfessur, li, wara li jkun sama' l-qrara, jagħti t-tewba u l-assoluzzjoni.

2. Kif jispiċċa l-qrar ta' kulħadd, il-konfessur jistedinhom għar-radd il-ħajr bit-talb, salmi u innijiet. Din iċ-ċelebrazzjoni tispiċċa bit-talba lil Alla għall-imħabba kbira li wera magħna; ibierek lill-fidili u jibgħathom fis-sliem.

Ċ Ir-rit għar-rikonċiljazzjoni ta' ħafna bil-qrara u l-assoluzzjoni ġenerali (ilkoll flimkien).

Id-dixxiplina tal-assoluzzjoni ġenerali. Minħabba xi ċirkustanzi partikulari li jistgħu jinqalgħu, jiġifieri li jkun permess jew meħtieġ li l-assoluzzjoni tad-dnubiet tingħata b'mod ġenerali lil ħafna f'daqqa mingħajr ma jkun hemm il-qrara ta' kull wieħed. Dan jista' jsir biss f'dawk il-każi msemmijin fil-liġi tal-Knisja (ara Kan. 961-963).

Iżda dan ma jistax isir f'jum ta' xi festa kbira jew waqt xi pellegrinaġġ, għax il-penitenti jistgħu, jekk iridu, imorru jqerru f’ħin ieħor. (ara Ordo Paen. n.60-65).

Din iċ-ċelebrazzjoni ssir bħal dik ta' ħafna penitenti bil-qrara u l-assoluzzjoni wieħed, wieħed. Kif il-konfessur jispiċċa l-omelija, ihejji l-penitenti u jwissihom li se jieħdu l-assoluzzjoni ġenerali. Kull wieħed jisgħobbih minn ħtijietu kollha, ikollu l-fehma li jżomm ruħu bogħod mid-dnub, ikun deċiż li jpatti għall-iskandli u l-ħsara li jkun għamel; meta jasal il-waqt ikun lest biex iqerr dnubietu mejta kollha, li dak il-ħin ma setax iqerr.

2 Il-konfessur ilissen talba li fiha jitlob il-grazzja tal-lspirtu s-Santu għall-maħfra tad-dnubiet; imbagħad jagħti l-assoluzzjoni b'mod ġenerali lill-penitenti. F'każ ta' bżonn, ir-rit taċ-ċelebrazzjoni jista' jiġi mqassar.

3 Fl-aħħar, il-konfessur jistieden lil kulħadd biex irodd ħajr lil Alla għall-ħniena kbira tiegħu magħna; jista' jitkanta xi innu wkoll; ibierek lill-penitenti u jgħidilhom: "Il-Mulej ħafrilkom dnubietkom. Morru fil-paċi".

 KAP 9

KIF ISSIR QRARA TAJBA

Biex wieħed jagħmel qrara tajba, hemm bżonn jagħmel ħames ħwejjeġ:

I) jaħseb dnubietu tajjeb,

2) jindem minnhom,

3) jagħti kelma 'l Alla li ma jerġax,

4) iqerrhom kollha,

5) jagħmel it-tewba(penitenza) li jagħtih il-konfessur.

1. Thejjija għall-Qrar.

II-penitent jibda b'talba bħal: "Dawwalni, Mulej, biex nagħraf dnubieti sewwa; tini I-grazzja li nistmellhom biex naqla' I-maħfra minn għandek".

Tkun ħaġa xierqa li wieħed jagħmel ħsieb fuq xi silta mill-Vanġelu, bħal:

II-parabbola tan-nagħġa mitlufa (Lq.15,-7),

II-parabbola tad-drakma mitlufa (Lq.15,8-10),

II-parabbola tal-iben il-ħali (Lq. 15,1 1-32),

II-parabbola tal-qaddej li ma jaħfirx (Mt.18,21-35),

II-parabbola tal-festa tat-tieġ (Mt.22,1-14).

2. L-eżami tal-kuxjenza.

lbda biex taħseb dnubietek sewwa u bir-reqqa: billi tiftakar fid-dnubiet li għamilt, tibda minn dawk li huma mejta (jekk ikun hemm), u wara dawk venjali.

Għandek taħseb dnubietek mill-aħħar qrara tajba tiegħek, billi tiftakar f'dak li wettaqt bil-ħsieb, bil-kliem, bil-għemil u bit-tħollija ta' dmirek. L-eżami tal-kuxjenza isir fuq:

 I. I-għaxar kmandamenti,

 II. I-imħabba lejn għajrek,

 III. iI-preċetti tal-Knisja,

 IV. is-seba' rjus tad-dnubiet il-mejta,

 V. id-dmirijiet tal-istat tiegħek.

Wieħed għandu jiftakar f'dan li ġej :

i. dmirijieti lejn Alla

Dejjem stqarrejt dnubieti sewwa, kollha?

Tqarbint xi darba meta kont naf li kont fid-dnub il-mejjet?

Ċħadt, jew iddubitajt, għax ridt jien, xi verità tal-fidi ?

llqajt xi tagħlim li hu kontra d-duttrina tal-Knisja (divorzju, abort, ewtanasja)?

Stħajt xi darba nistqarr il-fidi kattolika?

Inqast mill-qima lejn persuni, imkien jew ħaġa sagra?

Emmint jew ħadt sehem f'laqgħat ta' seher?

Inqast li nitgħallem fuq il-veritajiet tal-fidi?

Għamilt xi wegħda u ma żammejthiex

Ħlift fil-falz?

ii. dmirijieti lejn għajri u lejja nnifsi

Ħabbejt, irrispettajt, obdejt lill-ġenituri u lis-superjuri tiegħi?

Għamilt dmiri sewwa skont I-istat tiegħi?

Kif ġibt ruħi ma' min hu taħti?

Ħarist il-liġi ċivili?

Soqt sewwa skont ir-regolamenti tat-traffiku?

Xtaqt id-deni lil għajri?

Għent f'xi ħaġa ħażina?

Tajt xi skandlu b'ilbiesi, b'għemili, bi kliemi

Qarraqt meta begħt jew ħdimt xi ħaġa?

Raddejt lura dak li mhux tiegħi?

3. Is-sogħba tad-dnubiet.

Kif nispiċċa I-eżami tal-kuxjenza, nitlob lill-Mulej jagħtini I-grazzja li nħoss is-sogħba bil-qalb ta' dnubieti, I-iżjed ta' dawk mejta, li bihom rgħext lil Alla, I-akbar benefattur tiegħi, u li bihom tlift il-grazzja santifikanti, tellfuni I-ġenna u kien ħaqqni I-infern.

Is-sogħba hija dak id-dispjaċir u I-mibegħda għad-dnub li tagħmel bil-kelma soda li ma terġax tidneb. Din is-sogħba fiha tliet waqtiet:

 I. rieda sħiħa bil-maqlub ta' dak li għamilt,

 II. rieda li nobgħod dak li għamilt,

 III. rieda li ma nagħmilx iżjed dak Ii għamilt.

Mas-sogħba hemm marbut il-proponiment. M'hemmx għalfejn li din is-sogħba tkun sensibbli; biżżejjed li tkun fir-rieda.

Is-sogħba trid tkun:

i. minn ġewwa: fil-moħħ u fir-rieda,

ii. sopranaturali: imqanqla minn ħwejjeġ li jmissu lil Alla, u msaħħa bil-fidi,

iii. universali: mifruxa fuq id-dnubiet mejta.

Meta tqerr dnubiet venjali biss, irid ikollok sogħba tal-anqas fuq xi wieħed minnhom; jekk ma jkollokx ikun jonqos element meħtieġ (is-sogħba) għall-validità tal-Qrara.

Din is-sogħba tista' tkun perfetta jew imperfetta

Hija perfetta meta mnissla mill-imħabba lejn Alla: sogħba tad-dnubiet li bihom rgħext lil Alla Missierna, li jixraqlu kull imħabba. Is-sogħba perfetta, magħquda mar-rieda li tqerr, teħles lill-midneb mir-rabta tad-dnub, tagħtih il-grazzja santifikanti, u jekk imut, isalva, ukoll jekk ma jkunx għadu stqarr dnubietu fil-qrara. Dan xorta waħda jrid jistqarr id-dnubiet mejta tiegħu lill-konfessur. Ta' min jiftakar fil-kliem tal-Vanġelu: "Dnubietha li kienu ħafna, inħafrulha, għax ħabbet ħafna" (Lq. 7,47).

Hija imperfetta meta hija mqanqla mill-biżà jew mill-kastigi kemm ta' hawn kif ukoll tad-dinja l-oħra (l-infern). Din is-sogħba, flimkien mas-Sagrament tal-Qrar, hija biżżejjed għall-maħfra tad-dnubiet.

Is-sogħba perfetta kif ukoll imperfetta trid tkun fl-istess ħin (tal-anqas abitwali) tal-assoluzzjoni sagramentali tal-konfessur.

4. Il-proponiment

Is-sogħba tad-dnubiet titlob ukoll rieda soda biex wieħed ma jerġax jidneb. Hawn titlob lill-Mulej jagħtik il-qawwa biex ma tagħmilx dnubiet iżjed, l-aktar dawk mejta; u b'rieda qawwija tagħti kelma li ma tidnibx iżjed, billi tħares ruħek mhux biss mid-dnubiet, imma wkoll mill-okkażjoni li twaqqgħek fihom.

Il-proponiment huwa rieda soda li ma terġax tidneb għalli ġej, speċjalment b'dawk id-dnubiet mejta (jekk kien hemm).

Il-proponiment irid ikun:

 I. sod,

 II. li jseħħ,

 III. universali.

Sod, għax il-penitent għandu jkollu rieda tassew li ma jerġax jaqa', għalkemm isib ix-xkiel.

li jseħħ, għax il-penitent ma jridx ikollu biss rieda li ma jidnibx iżjed, imma wkoll li jagħmel ħiltu u juża kull għajnuna biex iħares ruħu mill-waqgħa tad-dnub, u jaħrab dak li dari waqqgħu fid-dnub.

universali, jew fuq kollox, proponiment li jrid ikun fuq id-dnubiet mejta kollha. Biżżejjed li wieħed jagħmel proponiment taħt forma ġenerali: ma rridx nidneb iżjed bi dnubiet mejta.

Min iqerr dnubiet venjali biss għandu jkollu tal-anqas proponiment fuq dnub minnhom, tal-anqas fuq wieħed minnhom.

Dwar il-proponiment wieħed irid joqgħod attent dwar l-att tal-intellett u tar-rieda. Il-proponiment hu frott ir-rieda. Meta tħoss li għandek din ir-rieda, tista' tgħid li għandek ukoll is-sogħba. Il-ħsieb biss li wieħed jista' jerġa' jaqa' fil-ġejjieni, ma jfixkel xejn il-proponiment.

Wara l-eżami tal-kuxjenza, is-sogħba u l-proponiment, wieħed ihejji ruħu biex iqerr dnubietu billi jagħmel talba ta' ndiema.

5. Il-Qrara sinċiera

Ersaq lejn il-konfessur b'fidi u b'tama, għaliex dak il-ħin ikun qiegħed minflok Ġesù Kristu. Xi drabi għadek tisma' lil min jgħid: "Ġejt għandek u għand Alla, ghax int qiegħed hawn minflok Alla", drawwa sabiħa u qaddisa. Għalhekk, stqarr dnubietek kollha u bla biżà.

Jekk taħseb li stajt tinsa jew ma tafx kif se taqbad tgħidhom, itlob lill-konfessur biex jistaqsik hu. Int taf tajjeb li l-konfessur ma jista' jikxef xejn minn kull ma tgħidlu, għax hu marbut bis-siġill tal-Qrar (Kan.983-984).

Isma' tajjeb dak li jgħidlek, u agħmel ħiltek biex twettqu. Ifhem sewwa t-tewba, ilqa' u agħmel dak li jagħtik il-konfessur.

Għid l-att tal-indiema bil-qalb biex il-konfessur jagħtik l-assoluzzjoni.

6. It-Tewba

It-tewba hija l-penitenza sagramentali li l-konfessur jagħti lill-penitent biex jista' jeħles mill-pieni temporali li jkun fadallu jpatti wara l-maħfra tad-dnubiet.

Ir-rieda li tilqa' u tagħmel it-tewba, hija sehem essenzjali tal-qrara t-tajba min-naħa tal-penitent. L-għemil tat-tewba fih innifsu, bir-rieda li ssir wara l-qrara, huwa parti mis-Sagrament tal-Qrar, imma mhux essenzjali; għalhekk jekk it-tewba ma ssirx, is-Sagrament jibqa' validu, imma nieqes minn xi ħaġa (it-tewba).

Il-konfessur għandu d-dritt u d-dmir gravi li jagħti t-tewba (Kan.981) Din għandha tingħata skont il-kwalità u l-kwantità tad-dnubiet, filwaqt li jżomm quddiem għajnejh min hu l-penitent. Għad-dnubiet mejta trid tingħata tewba gravi, bħal, quddiesa, sawma, rużarju, tagħti karità, tagħmel opra tal-ħniena, Via Sagra, qari ta' silta mill-Bibbja, u l-bqija. Il-konfessur jagħti t-tewba qabel l-assoluzzjoni.

Il-penitenza trid tkun meqjusa sempliċi, li tista' titwettaq b'kull mod mill-penitent biex ma jsibx ruħu f'xi tfixkil biex iwettaqha.

Il-penitenza sagramentali, bħala parti mis-Sagrament tal-Qrar, tagħti minnha nnifisha (ex opere operato) il-maħfra tal-pieni temporali. Il-ħelsien mill-pieni jiddependi mill-penitenza mogħtija, mill-penitent u mill-istat tal-grazzja.

Wieħed jista' jnaqqas il-pieni temporali ukoll jekk jagħmel opri minn rajh, bħal opri tal-ħniena li jmissu l-ġisem u r-ruħ, it-talb, is-smigħ tal-quddies, it-tqarbin, u l-bqija.

Meta jkun hemm raġuni tajba, il-konfessur jista' jibdel it-tewba li jkun ta lill-penitent barra l-qrara wkoll. Konfessur ieħor jista' jibdel ukoll it-tewba sakemm dan ikun jaf, bejn wieħed u ieħor, lill-penitent (ara Konċ. Trid. DS.1689-1693; 1712-1715).

Il-penitent jaħseb biex iwettaq mill-aktar fis it-tewba li jkun tah il-konfessur, u għandu jwettaq kollox kif ikun miftiehem.

Fl-aħħar, jiżżi ħajr lil Alla għall-maħfra u l-grazzja li tah biex jiġġedded f'ħajja iżjed qaddisa (Lq. 17,1 1-19).

KAP 10

L-ISTQARRIJA TAD-DNUBIET

1. L-istqarrija tad-dnubiet fil-Qrara sagramentali ssir billi turi u tgħid dnubietek kollha (li tkun għamilt wara I-Magħmudija) lill-konfessur biex iħollok minnhom u taqla' I-maħfra mingħand Alla (ara KKK n. 14551458).

L-istqarrija tad-dnubiet hija wieħed mill-atti li jrid jagħmel il-penitent; din tagħmel sehem mill-materja tas-Sagrament: is-sogħba, il-proponiment, I-istqarrija u t-tewba. Dawn iridu jkunu kollha flimkien fil-Qrara li fiha jieħu I-maħfra.

2. Il-Konċilju ta' Trento jispjega li I-penitent għandu jistqarr id-dnubiet mejta kif għamilhom: I-għamla, in-numru u ċ-ċirkustanzi li jistgħu jbiddlu I-għamla tad-dnub (DS.1707). "In-nisrani għandu d-dmir li jqerr id-dnubiet mejta kollha li jkun għamel wara I-Magħmudija skont I-għamla u n-numru, li ma jkunux għadhom ġew maħfura bis-setgħa tal-Knisja, jew fil-qrara individwali, li hu jaf li għadu ma stqarrhomx wara li jkun għarafhom fl-eżami tal-kuxjenza" (Kan.988, par.1)

"Kull nisrani, meta jasal fl-użu tar-raġuni (mas-seba' snin - Kan. 97, par.2), hu fid-dmir li jqerr dnubietu mejta sewwa tal-anqas darba fis-sena" (Kan. 989).

3. L-istqarrija tad-dnubiet hi meħtieġa biex il-konfessur, bħala mħallef fis-Sagrament tal-Qrar, jasal biex ikun jaf lill-midneb, biex ikun jista' jqis il-gravità ta' dnubietu u kemm hu sogħbien; bħala tabib il-konfessur ikun jaf il-qagħda tal-marid biex ifejqu u jagħtih is-saħħa. L-istqarrija hija sinjal li bih wieħed juri ruħu bħala midneb quddiem Alla u quddiem il-Knisja. L-istqarrija hija għemil ta' fedeltà u ta' qawwa li bih wieħed jafda lilu nnifsu għall-ħniena ta' Alla li se jaħfirlu. Għalhekk, I-istqarrija tad-dnubiet trid tkun għemil ta' kull wieħed waħdu, bħalma d-dnub hu għemil ta' bniedem waħdu (ara Rec.et Paen.n.31 ,lll).

Kull wieħed għandu d-dritt jagħżel il-konfessur li jixtieq, sakemm dan ikun approvat mill-Knisja (ara Kan. 991). Li tqerr tal-anqas darba fis-sena huwa tabilħaqq dmir; imma ta' min iqerr iżjed spiss (darba fix-xahar, ngħidu aħna). Jekk, imbagħad, ikun hemm dnubiet mejta, huwa meħtieġ li wieħed jisgħobbih mill-aktar fis, u jitħabbeb malajr ma' Alla u mal-Knisja bis-Sagrament tal-Qrar.

Il-Knisja tħeġġeġ lill-kjeriċi tagħha għall-qdusija u tistedinhom biex iqerru ta' sikwit (Kan276,par.2,n.5). Dan jgħodd ukoll għall-fidili kollha, għax kulħadd imsejjaħ għall-qdusija.

4. Il-qrara tal-ħtijiet ta' kuljum (dnubiet venjali), għalkemm mhix meħtieġa, għaliex wieħed jista' jpatti għalihom bit-talb, bl-opri tal-karità, bis-sagrifiċċji u bil-penitenza, b'dana kollu I-Knisja tissuġerixxi biex issir ukoll meta ma jkunx hemm dnubiet mejta (Konċ Trid. DS.1680; Kan.988, par.2).

II-qrara tad-dnubiet venjali hija wtieqa għalina, għax tgħin fil-mixja spiritwali. Dawn wieħed jista' ma jqerrhomx kollha, imma ta' dawk li jqerr irid ikollu s-sogħba u I-proponiment.

II-qrara regulari tad-dnubiet venjali tgħinna biex niffurmaw kuxjenza, nitqabdu mal-ġibdiet ħżiena, infiequ mill-ġrieħi u nimxu 'l quddiem fil-ħajja tal-ispirtu. Meta nersqu ta' sikwit nitolbu s-Sagrament tal-maħfra mingħand Missierna tas-smewwiet, nitgħallmu aħna wkoll naħfru bħalu (Lq 6, 36).

Wieħed jista' wkoll jerġa' jqerr dawk id-dnubiet li jkun qerrhom fi qrara ta' qabel, sakemm dan iġedded is-sogħba u I-proponiment (Benedittu XI, DS. 880).

5 Kif għandha tkun I-istqarrija tad-dnubiet

 Hemm erba' ħwejjeġ:

i. sinċiera

ii. sigrieta

iii. bil-fomm

iv. sħiħa

i. Sinċiera: il-penitent m'għandux jgħid kelma b'oħra fl-istqarrija ta' dnubietu. Irid juri I-ħtijiet tiegħu lill-konfessur kif tgħidlu I-kuxjenza dak il-ħin li jkun jagħmel I-eżami tagħhom. Li tigdeb għall-mistħija jew għal xi raġuni (skuża) oħra dwar ħaġa gravi li għandha x'taqsam mal-qrara, huwa dnub gravi ta' sagrileġġ. Għalhekk, il-qrara ma tkunx tgħodd. Ta' min jerġa' jfakkar li I-konfessur ma jista' jsemmi xejn u ma' ħadd dwar dak li jisma' fil-qrara għax hu marbut bis-sigriet tas-Sagrament tal-Qrar (Kan.983,par.1).

ii. Sigrieta: I-istqarrija tad-dnubiet trid issir lill-konfessur waħdu, mingħajr ħadd ma jisma'.

iii. Bil-fomm: hija stqarrija bil-kliem fil-qofol tagħha, għalkemm jista' jkun hemm xi sinjali jew xi kitba wkoll. Meta, mbagħad, din ma tistax issir bil-kliem, wieħed mhux marbut li juża mezzi oħra.

iv. Sħiħa: I-istqarrija tad-dnubiet fil-qrara sagramentali tkun sħiħa meta jintqalu d-dnubiet mejta kollha lill-konfessur, magħmulin wara I-Magħmudija, u għadhom mhumiex maħfurin direttament bl-assoluzzjoni.

II-penitent irid iqerr id-dnubiet mejta kollha li jkun jaf bihom:

a. skont I-għamla, ngħidu aħna, serq, dagħa, żina, gideb bi ħsara;

b. skont in-numru: kemm-il darba sar id-dnub, bejn wieħed u ieħor;

c. skont iċ-ċirkustanzi li jbiddlu I-għamla tad-dnub f'dik li hija gravità - xi serq ta' oġġetti komuni jew sagri, id-dnub żina waħdek jew ma' persuna oħra (ħielsa, miżżewga);

d. min kellu ħsieb jidneb bil-kbir, imma ma seħħlux għal xi raġuni, irid iqerr il-ħsieb tad-dnub gravi;

e. min jaf li ma qerrx tajjeb minħabba fin-nuqqas ta' sogħba, ta' proponiment u ta' sinċerità, irid jerġa' jqerr sa mill-aħħar qrara tajba, u jżid jgħid id-dnubiet tas-sagrileġġ ta' kull darba li għamel qrara ħażina. L-aħjar li jitlob lill-konfessur biex jgħinnu;

f dwar id-dnubiet li wieħed ma jkunx żgur minnhom, għandu jifli tajjeb:

i id-dnub, kemm jista' jgħid jekk wettqux jew le;

i jekk kienx dnub mejjet jew venjal;

ii jekk semmiehx b'xi mod fil-qrara.

ġ min, mingħajr ħżunija, ħalla barra jew nesa dnub mejjet, u jkun qerr tajjeb, jista' jmur jitqarben; ikollu d-dmir biex iqerru fl-ewwel qrara tiegħu meta jiftakar fih. Ta' min ikun jaf li I-penitent għandu d-dmir iqerr dnubietu kollha, u mhux id-dmir tal-konfessur li joqgħod jistaqsih dwar id-dnubiet mejta. II-konfessur jista' jistaqsi biex jgħin.

Xi drabi, il-qrara tista' ma tkunx sħiħa għal xi raġunijiet li jinqalgħu. F'dan il-każ id-dnubiet il-mejta jiġu maħfura bil-grazzja santifikanti (tas-Sagrament). Kif tispiċċa dik ir-raġuni, il-penitent irid iqerrhom fl-ewwel qrara. Insemmi xi ragunijiet:

i min ikun qed imut: il-konfessur għandu jagħti I-assoluzzjoni Iil kull min qed imut, li jkun wera xi sinjal ta' ndiema, għalkemm forsi ma jistax iqerr.

II-konfessur jista’ jagħti wkoll I-assoluzzjoni f'każ ta' mewt ("jekk int għadek ħaj"). F'dan il-każ, kull saċerdot jista' jagħti I-assoluzzjoni.

Tista' tingħata I-assoluzzjoni Iil ħafna f'daqqa mingħajr il-qrara ta' wieħed wieħed meta I-periklu tal-mewt hu fil-qrib (Kan.961 , par. 1).

ii) il-muti: jekk ma jistgħux jagħmlu I-qrara sħiħa bis-sinjali, għandhom juru, b'xi mod, is-sogħba ta' dnubiethom, u jieħdu I-assoluzzjoni tagħhom. Mhumiex obbligati jiktbu dnubiethom, għaliex il-penitent mhux fid-dmir li juża mezzi straordinarji. Jista' wieħed jgħallimhom biex iderrihom.

iii) it-torox: li jistgħu jitkellmu għandhom iqerru dnubiethom mill-aħjar li jistgħu. II-konfessur joqgħod attent kif jistaqsihom minħabba n-nies ta’ madwar.

iv) dawk li ma jkunux jafu bl-istess ilsien tal-konfessur jistgħu iqerru permezz ta' interpretu (ara Kan.990). Fil-każ, I-interpretu jrid iżomm is-sigriet hu wkoll.

Kull min jisma' jew jagħraf xi dnubiet tal-oħrajn mill-qrara, irid iżomm is-sigriet xorta waħda (Kan.983, par.2; 1388, par.2). Mill-bqija, għandhom juru sinjal ta' ndiema lill-konfessur li jagħtihom l-assoluzzjoni sagramentali xorta waħda.

6 II-Qrara Ġenerali

Fil-Qrara ġenerali wieħed jistqarr id-dnubiet ta' ħajtu kollha jew ta' xi żmien determinat. Din il-qrara għandha ssir bit-thejjija meħtieġa: talb, eżami tal-kuxjenza bir-reqqa, għajnuna tal-konfessur. Jekk jinkitbu xi noti, wieħed għandu jeħles minnhom malajr.

Din tista' tkun:

a. meħtieġa,

b. ta' bžonn,

c. ta' hsara.

a. II-Qrara ġenerali hija meħtieġa u għandha ssir, meta wieħed isir jaf li l-qrar ta' qabel kien ħażin u b'sagrileġġ. Mill-qbija, il-konfessur m'għandux iġiegħel lill-penitent biex jagħmel qrara ġenerali.

b. II-Qrara ġenerali tista' tkun ta' bżonn:

i. meta wieħed għandu dubju dwar il-qrar tal-imgħoddi, kienx tajjeb;

ii. f'xi ċirkustanzi, b'umiltà, b'devozzjoni, jew biex wieħed isaffi dejjem iżjed il-ħajja tiegħu ma' Alla;

iii. fl-okkażjoni tal-eżerċizzi spiritwali, ta' xi Ġublew.

Ċ II-Qrara ġenerali tkun żejda jew ta' ħsara meta l-penitent ma jkunx f'sikktu, fi stat ta' ansjetà u wisq iżjed fi stat ta' skrupli. II-konfessur, f'dawn il-każi, għandu jżomm lill-penitent milli jagħmel qrara ġenerali.

KAP 11

L-ASSOLUZZJONI TAS-SAGRAMENT

1. Tifsir

i. L-assoluzzjoni sagramentali hija I-forma tas-Sagrament tal-Qrar (Konċ Trid.DS.1673, 1704; KKK, 1480-1484).

Kull Sagrament hu magħmul minn tliet ħwejjeġ: il-materja, il-forma, il-ministru.

II-materja hija I-atti tal-penitent: is-sogħba, il-proponiment, I-istqarrija u t-tewba;

II-forma hija I-assoluzzjoni tas-Sagrament;

II-ministru huwa s-saċerdot konfessur.

ii. L-assoluzzjoni sagramentali hi magħmula mill-kelmiet magħżulin mill-Knisja, li s-saċerdot konfessur jgħid fuq il-penitent; b'hekk jgħaqqad il-forma mal-materja li flimkien jagħmlu s-Sagrament li, b'rieda ta' Kristu I-Fundatur, jagħti I-maħfra tad-dnubiet ta' wara I-Magħmudija.