Ir-ritratt juri l-grupp ta’
Maltin fuq il-bajja ta’ Capocabana, f’
Rio de Janeiro, l-Brażil, fejn qed jattendu
għaċ-ċelebrazzjonijiet tal-Jum Dinji taż-Żgħażagħ.
Il-grupp kollu huwa ffurmat minn madwar mitt persuna, bejn żgħażagħ
li telgħu minn Malta, u dawk li jinsabu l-Brażil għall-volontarjat.
Id-delegazzjoni Maltija qed tiġi koordinata mill-Kummissjoni Djocesana
Żgħażagħ (KDŻ) u qed titmexxa mill-Isqof
Awżiljarju Monsinjur Charles J.
Scicluna.
Wara li llejla
jattendu għall-velja ta’ talb, matul il-lejl li ġej iż-żgħażagħ
Maltin ser jikkampjaw fuq il-bajja ta’ Capocabana biex jilħqu post
għall-Quddiesa li ser jiċċelebra għada l-Papa Franġisku. Din il-Quddiesa
ser ġġib fi tmiem iċ-ċelebrazzjonijiet uffiċċjali
tal-Jum Dinji taż-Żgħażagħ, u għaliha mistennija
jattendu madwar żewġ miljun ruħ.
Mill-Uffiċcju Komunikazzjoni
tal-Arċidjoċesi ta’ Malta.
27 ta' Lulju 2013.
|