|
Chiara Lubich: l-Isqof ta’ Frascati, Mons.
Martinelli, jagħti bidu għall-kawża ta’
beatifikazzjoni
Frascati (Ruma), 27 ta’ Jannar fl-4.00 pm.
|
|
Il-ftuħ uffiċjali
tal-“proċess dwar il-ħajja,
il-virtujiet, il-fama tal-qdusija u
sinjali” ta’ Chiara Lubich
ser isir fil-Katidral
ta’ Frascati (Ruma),
il-post
magħżul minn Mons
Rafaello Martinelli, u dan juri l-“ekkleżjalità
ta’ dan l-att”.
Id-Djoċesi ta’ Frascati hija
t-territorju fejn hemm iċ-Ċentru
Internazzjonali tal-Moviment
tal-Fokolari. Chiara Lubich għaddiet
il-biċċa l-kbira ta’ ħajjitha qrib
dan iċ-Ċentru u mietet hemm ukoll.
Iċ-ċerimonja tal-ftuħ tal-“kawża
tal-beatifikazzjoni u
tal-kanonizzazzjoni”, imsejħa
Prima Sessio se ssir it-Tlieta,
27 ta’ Jannar 2015. Tibda fl-4.00 pm
bit-Talba tal-Għasar. Wara jsir
il-qari tad-Digriet tal-bidu
tal-Kawża u tar-Reskritt imsejjaħ
Nulla Osta tas-Santa Sede,
il-ħatra uffiċċjali tat-tribunal
djoċesan, li ġie nominat mill-isqof,
u jkun hemm ukoll il-ġurament
tal-Isqof, tal-membri tat-tribunal,
u tal-membri tal-postulazzjoni.
Iċ-ċerimonja tixxandar dirett
permezz tal-internet.
|
Il-ftuħ uffiċjali
tal-“proċess dwar il-ħajja, il-virtujiet,
il-fama tal-qdusija u sinjali” ta’ Chiara
Lubich
ser isir fil-Katidral
ta’ Frascati (Ruma),
il-post
magħżul minn Mons Rafaello
Martinelli, u dan juri l-“ekkleżjalità
ta’ dan l-att”.
Id-Djoċesi ta’ Frascati hija t-territorju
fejn hemm iċ-Ċentru Internazzjonali
tal-Moviment tal-Fokolari. Chiara Lubich
għaddiet il-biċċa l-kbira ta’ ħajjitha qrib
dan iċ-Ċentru u mietet hemm ukoll.
Iċ-ċerimonja tal-ftuħ tal-“kawża
tal-beatifikazzjoni u tal-kanonizzazzjoni”,
imsejħa Prima Sessio se ssir
it-Tlieta, 27 ta’ Jannar 2015. Tibda fl-4.00
pm bit-Talba tal-Għasar. Wara jsir il-qari
tad-Digriet tal-bidu tal-Kawża u
tar-Reskritt imsejjaħ Nulla Osta
tas-Santa Sede, il-ħatra uffiċċjali
tat-tribunal djoċesan, li ġie nominat
mill-isqof, u jkun hemm ukoll il-ġurament
tal-Isqof, tal-membri tat-tribunal, u
tal-membri tal-postulazzjoni. Iċ-ċerimonja
tixxandar dirett permezz tal-internet.
Maria Voce, il-president tal-Moviment
tal-Fokolari, tat din l-aħbar lill-membri
tal-Moviment, filwaqt li awgurat lil dawk
kollha li jgħixu din l-ispiritwalità li
jkunu “xhieda ħajja” ta’ dik il-qdusija
flimkien li Chiara Lubich ipproponiet u
għexet.
Hi żammet ħajja fiha idea ta’
qdusija li għandha l-għeruq fil-Vanġelu.
Kitbet hekk: “Aħna
nsibu l-qdusija f’Ġesù: u din twarrad fina
għaliex inħobbu... Jekk infittxu l-qdusija
biex niksbuha għalina nfusna, allura ma
nilħquha qatt. Mela nħobbu, u xejn aktar
minn hekk. Nitilfu kollox,
ma nintrabtux lanqas mal-ġibda
lejn il-qdusija, biex il-mira tagħna tkun
biss li nħobbu”.
“Aħna nistgħu nsiru
qaddisin jekk qabel kull ħaġa oħra, anki
qabel l-istess qdusija tagħna, inpoġġu
l-imħabba lejn xulxin: Ġesù f’nofsna bħala
premessa jew prinċipju, bħala mezz biex
nitqaddsu u bħala għan”.
L-għadd kbir ta’ nies li jżuru l-postijiet
fejn Chiara għexet u fejn illum hi midfuna
hu xhieda ta’ kemm hi qed tkompli tkun
ta’ dawl għal ħafna. Iżjed minn 120,000 ruħ
minn kontinenti u reliġjonijiet differenti,
kardinali, isqfijiet, akkademiċi, politiċi,
familji u żgħażagħ, membri ta’
assoċjazzjonijiet u movimenti differenti,
persuni li m’għandhom l-ebda twemmin
reliġjuż, tfal lejlet l-Ewwel Tqarbina
tagħhom, u adulti li qed ifittxu tama, żaru
dawn il-postijiet tul dawn l-aħħar sitt snin
mill-mewt tagħha.
Il-proċess għal din il-Kawża beda fis-7
ta’ Diċembru 2013, f’għeluq is-sebgħin sena
mill-bidu tal-Moviment tal-Fokolari, meta
Maria Voce, President tal-Moviment,
ippreżentat talba formali lil Mons.
Martinelli, Isqof ta’ Frascati biex jinbeda
dan il-proċess. B’din il-preżentazzjoni, hi
esprimiet ix-xewqa ta’dawk kollha li
kienu qed jittamaw li ssir din it-talba
ħalli b’hekk jikber l-impenn morali u
spiritwali ta’ ħafna għall-ġid tal-umanità.
Fix-xhur ta’ wara, l-Isqof Martinelli ħa
ħsieb li jitwettqu n-normi kanoniċi
stabbiliti.
Mal-bidu tal-Kawża, Chiara Lubich tibda
tissejjaħ QADDEJJA T’ALLA.
Victoria Gómez (+39) 335 7003675 – Benjamim
Ferreira (+39) 348 4754063
|